完整藏文原文 · 德格版页 当前仅加载第 78 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་རྣམ་ཤེས་ནི། །ཐུགས་ཀྱི་རྡོ་རྗེའི་རྣམ་འཕྲུལ་ཡིན། །ངོ་བོ་ཉིད་གསུམ་རྣམ་དག་དོན། །འོད་གསལ་བ་ཡི་གོ་འཕང་འགྱུར། །སྒྲ་དང་རྣ་བ་རྣམ་ཤེས་ནི། །དམིགས་པ་མེད་པའི་ངོ་བོ་ཉིད། །སྣ་དང་དྲི་དང་རྣམ་ཤེས་ཀྱང་། །དེ་བཞིན་རྣམ་དག་ཤེས་པར་བྱ། །རོ་དང་ལྕེ་
D373.078.0268b01.01དང་རྣམ་ཤེས་ནི། །དོན་དམ་ཉིད་དུ་རྣམ་པར་དག །ལུས་དང་རེག་བྱ་རྣམ་ཤེས་ཀྱང་། །སྒྱུ་མ་ལྟ་བུའི་ངོ་བོར་སྐྱེས། །ཡིད་དང་ཆོས་དང་ཡིད་རྣམ་ཤེས། །སྙིང་པོ་ཉིད་དུ་རྣམ་པར་དག །རྣམ་ཤེས་དྲུག་ནི་ཀུན་གཞི་རུ། །འཇུག་པས་དེ་བཞིན་གཤེགས་པ་ཡིན། །འོད་གསལ་
D373.078.0268b02.01བ་ཡི་གོ་འཕང་ཐོབ། །ཧེ་རུ་ཀ་དཔལ་ཡང་དག་གནས། །ཡུལ་དང་ཡུལ་ཅན་སྦྱོར་བ་ཡིས། །རྣམ་རྟོག་མེད་པའི་གོ་འཕང་འགྱུར། །རྣམ་པ་ཀུན་གྱི་མཆོག་གནས་པས། །ཡུལ་ནི་རྣམ་དག་ཤེས་པར་བྱ། །སངས་རྒྱས་ཆོས་དང་དགེ་འདུན་ཏེ། །གཅིག་ལ་དེ་བཞིན་
D373.078.0268b03.01གསུམ་དུ་བརྟགས། །སྐྱབས་གསུམ་དང་ནི་དེ་ཉིད་གསུམ། །སྐུ་གསུམ་རྣམ་པར་གྲོལ་བ་གསུམ། །ཞལ་གསུམ་ཡིག་གསུམ་ལྷ་གསུམ་སྟེ། །ཁམས་གསུམ་པ་ཡི་རང་བཞིན་ཉིད། དཀྱིལ་འཁོར་གསུམ་དང་རྣལ་འབྱོར་གསུམ། །ལམ་གསུམ་དུ་ནི་བསྟན་པ་སྟེ། །
D373.078.0268b04.01དམ་ཚིག་གསུམ་དང་དགེ་བ་གསུམ། །དེ་བཞིན་སྐུ་དང་གསུང་དང་ཐུགས། །ཤེས་རབ་དང་ནི་ཐབས་ཉིད་དང་། །དེ་ཡི་སྦྱོར་བ་གསུམ་པ་སྟེ། །ཆོས་ཀྱི་འབྱུང་གནས་རང་བཞིན་གྱིས། །ཇི་ལྟར་གསང་གསུམ་མཐོང་བ་དང་། །འཁོར་གསུམ་མི་དམིགས་སྦྱོར་བ་ཡིས། །
D373.078.0268b05.01སྔགས་གསུམ་གྱི་ནི་རང་བཞིན་ཉིད། །ཕྱི་དང་ནང་གི་བདག་ཉིད་ཀྱི། །རྩ་གསུམ་གྱི་ནི་རང་གི་དངོས། །ཕྱི་རོལ་འཇིག་རྟེན་པ་ཡི་ཆོས། །ལྷ་ལ་སོགས་པའི་བདག་ཉིད་ནང་། །ཕྱི་ནང་དག་པ་ཉིད་ཀྱི་ཕྱིར། །རྣལ་འབྱོར་པས་ནི་སངས་རྒྱས་འཐོབ། །ཆོས་ཀྱི་དབྱིངས་ཀྱི་རང་བཞིན་
D373.078.0268b06.01དུ། །ལྷ་ནི་མངོན་སུམ་དམིགས་པར་བྱ། །རྣམ་པ་ཀུན་གྱི་མཆོག་རང་བཞིན། །ལྷ་མོར་ཡོངས་སུ་བརྟག་པར་བྱ། །དང་པོའི་ལྷ་ཡི་རང་བཞིན་དུ། །རྡོ་རྗེ་སེམས་དཔའ་རྣམ་པར་བཞུགས། །གནས་དང་ཞིང་ལ་སོགས་པའི་བརྡ། །དཔའ་བོ་རྣལ་འབྱོར་མའི་འདུས་པ། །དེ་
D373.078.0268b07.01