完整藏文原文 · 德格版页 当前仅加载第 78 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་མ་ཧཱ་སམྦ་རོ་ད་ཡ་ཏནྟྲ་རཱ་ཛཱ་ནཱ་མ། བོད་སྐད་དུ། དཔལ་བདེ་མཆོག་འབྱུང་བ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་
D373.078.0265a01.01པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་རྣམས་ལ་བཞུགས་ཏེ། འཕགས་པ་དགའ་བོ་ལ་སོགས་པ་འདོད་ཆགས་དང་བྲལ་བ་རྣམས་ཀྱིས་བསྐོར་ཅིང་། འཕགས་པ་སྤྱན་རས་གཟིགས་ཀྱི་དབང་ཕྱུག་ལ་སོགས་པ་རྣལ་འབྱོར་ཀྱི་དབང་ཕྱུག་བྱེ་བ་ཕྲག་
D373.078.0265a02.01བརྒྱད་ཅུའི་དབུས་སུ་ཕྱག་ན་རྡོ་རྗེ་ལ་གཟིགས་ནས་འཛུམ་པ་མཛད་པ་དང་། ཕྱག་ན་རྡོ་རྗེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ལག་པ་ཐལ་མོ་སྦྱར་ནས་བཅོམ་ལྡན་འདས་ལ་གསོལ་བ་བཏབ་པ། ཀྱེ་རྣམ་པ་
D373.078.0265a03.01ཀུན་མཆོག་སྡོམ་པ་ཡི། །བསྐྱེད་པའི་རྣལ་འབྱོར་མཚན་ཉིད་དང་། །རྫོགས་པ་ཡང་ནི་ཇི་ལྟར་ལགས། །བཅོམ་ལྡན་ལྷ་ལས་མཉན་པར་འཚལ། །རླུང་དང་མེ་དང་ཆུ་དང་ས། །དེ་བཞིན་ནམ་མཁའ་ཇི་ལྟར་ལགས། །རྣམ་པ་ལྔ་ནི་ཇི་ལྟར་ལྷ། །གཙོ་བོ་ཡུལ་དྲུག་དེ་བཞིན་ཅི། །ཕྱི་དང་
D373.078.0265a04.01ནང་དུ་གནས་པ་ཡི། །སྐུ་གསུམ་བྱིན་རླབས་ཇི་ལྟ་བུ། །ལྷ་ཡི་སྐུ་ནི་ཇི་ལྟར་ལགས། །གཙོ་བོས་དེ་བཞིན་ལྷ་མོ་གསུངས། །ཟླ་བ་ཉི་མ་ཅི་ཞིག་ལྷ། །ལམ་ལྔ་པོ་ནི་ཇི་ལྟར་ལགས། །ལུས་ཀྱི་རང་བཞིན་ཇི་ལྟ་བུ། །དེ་བཞིན་རྩ་ཡི་གཟུགས་ནི་ཅི། །རྩ་ཡི་གྲངས་ཀྱི་ཚད་ནི་དུ། །དེ་བཞིན་
D373.078.0265a05.01ལུས་ཀྱི་གོང་བུ་ཅི། །སྦས་པའི་དམ་ཚིག་གི་ནི་བརྡ། །གཙོ་བོས་བདག་ལ་བཤད་དུ་གསོལ། །ཕྱི་དང་ནང་གི་བདག་ཉིད་ཀྱི། །གནས་ལ་སོགས་པའི་བརྡ་དུ་ཞིག །ཇི་ལྟར་ས་ལ་སོགས་པ་འཐོབ། །མཚན་མ་ཇི་ལྟར་མཐོང་བར་འགྱུར། །ཁྱོད་ཀྱི་ལས་ནི་བཅུ་གཉིས་གང་། །སྔགས་ཀྱི་
D373.078.0265a06.01བཟླས་པ་ཇི་ལྟར་འགྱུར། །བགྲང་ཕྲེང་དག་ནི་ཇི་ལྟར་རིགས། །བཟླས་པའི་གྲངས་ནི་དུ་ཞིག་ལགས། །ལྷ་ཡི་རྣམ་པའི་རྣལ་འབྱོར་ཅི། །དཀྱིལ་འཁོར་བྲི་བ་དུ་ཞིག་མཆིས། །སྔགས་ཀྱི་དངོས་གྲུབ་ཅི་ཞིག་ལྷ། །གཞོན་ནུ་མ་ཡི་མཆོད་པ་ཅི། །བྱ་དང་བྱ་མིན་ཉི་མ་གང་། །གཙོ་བོ་
D373.078.0265a07.01