完整藏文原文 · 德格版页 当前仅加载第 78 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་བཤད་བྱ་བ། །ལྷ་ཡི་དཀྱིལ་འཁོར་འབྱུང་བ་སྟེ། །གསང་བ་མཆོག་གི་དགྱེས་པ་ཅན། །དངོས་གྲུབ་ཡོན་ཏན་ཀུན་གྱི་གནས། །འདོད་པའི་ཡོན་ཏན་ཀུན་ཁྱབ་པའི། །ས་ཕྱོགས་མཁས་པས་ཡང་དག་བརྟག །ཁྲག་འཐུང་ཕྱག་གཉིས་སྦྱོར་ལྡན་པས། །
D373.078.0280b01.01ཕུང་པོ་ལྔ་སོགས་ང་རྒྱལ་བྱ། །ཞལ་བཞི་པ་ཡི་སྔགས་བརྗོད་པས། །ཕྱོགས་ནི་བཅིང་ཞིང་ར་བ་སྟེ། །ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། ཤར་དུའོ། །ཨོཾ་གྲཱིཧྞ་གྲཱིཧྞ་ཧཱུྃ་ཧཱུྃ་ཕཊ། བྱང་བུའོ། །ཨོཾ་གྲཱིཧྞཱ་པ་ཡ་གྲཱིཧྞཱ་པ་ཡ་ཧཱུྃ་ཧཱུྃ་ཕཊ། ནུབ་ཏུའོ། །ཨོཾ་ཨཱ་ན་ཡ་ཧོ་བིདྱཱ་རཱ་ཛ་ཧཱུྃ་ཧཱུྃ་ཕཊ།
D373.078.0280b02.01ལྷོ་རུའོ། །ཕྱོགས་སུ་སེ་གོལ་བརྡབས་པ་ཡིས། །གདུག་པའི་བདུད་ནི་བསྐྲད་པར་བྱ། །སྙིང་གའི་ཆུ་སྐྱེས་ཧཱུྃ་ཡིག་ལས། །འོད་ཟེར་ཕྲེང་བ་སྤྲོ་བར་བྱ། །དེ་ཡི་སྣང་བས་མདུན་དུ་ནི། །བླ་མ་སངས་རྒྱས་སོགས་བལྟས་ལ། །ཕྱག་བཙལ་མེ་ཏོག་བདུག་སོགས་པས། །
D373.078.0280b03.01མཆོད་དེ་རྗེས་ལ་སྡིག་པ་བཤགས། །དཀོན་མཆོག་གསུམ་ལ་སྐྱབས་འགྲོ་ཞིང་། །བྱང་ཆུབ་སེམས་ནི་རྣམ་པར་བསྐྱེད། །གཞན་ལ་ཕན་པའི་སེམས་ནི་བྱམས་པ་སྟེ། །གཞན་གྱི་སྡུག་བསྔལ་འཇོམས་བྱེད་སྙིང་རྗེ་ཡིན། །གཞན་གྱི་བདེ་བས་ཚིམ་པ་དགའ་བ་སྟེ། །
D373.078.0280b04.01སེམས་ཅན་ཀུན་སྙོམས་བཏང་སྙོམས་རྣམ་པར་བསམ། །ཨོཾ་སྭ་བྷཱ་བ་ཤུདྡྷཱཿསརྦྦ་དྷརྨྨཱ་སྭ་བྷཱ་བ་ཤུདྡྷོ྅ཧཾ་ཞེས་བྱ་བས། སེམས་ཙམ་ཉིད་ལ་རྣམ་གནས་ཤིང་། །བྱང་ཆུབ་ཚོགས་ནི་བསྒོམ་པར་བྱ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། རྟེན་དང་བརྟེན་པའི་གཟུགས་
D373.078.0280b05.01སུ་ནི། །བྷཻ་རམ་བ་ལ་སོགས་པ་བསམ། །ཡྃ་ལས་བྱུང་བའི་རླུང་དཀྱིལ་འཁོར། །གཞུ་འདྲ་ཁ་དོག་སྔོན་པོ་སྟེ། །དེ་ཡི་སྟེང་དུ་རྃ་ལས་ནི། །མེ་ཡི་དཀྱིལ་འཁོར་གྱི་ནི་གཟུགས། །ཁ་དོག་དམར་པོ་ཟུར་གསུམ་པ། །རྡོ་རྗེ་རྩེ་གསུམ་གྱིས་མཚན་པའོ། །དེ་ཡི་སྟེང་དུ་བྃ་བྱུང་བའི། །
D373.078.0280b06.01ཆུ་ཡི་དཀྱིལ་འཁོར་ཟླུམ་པོ་དཀར། །དེ་ཡི་སྟེང་དུའང་ལྃ་བྱུང་བའི། །ས་ཡི་དཀྱིལ་འཁོར་ཟུར་བཞི་པ། །ཁ་དོག་སེར་པོ་གྲྭ་བཞིར་ནི། །དེ་བཞིན་རྡོ་རྗེ་རྩེ་གསུམ་མཚན། །དེ་ཡི་སྟེང་དུ་སུྃ་བྱུང་བའི། །ཟུར་བཞི་པ་ནི་རི་རབ་སྟེ། །རིན་ཆེན་བཞི་ཡི་བདག་ཉིད་མཛེས། །རྩེ་མོ་བརྒྱད་
D373.078.0280b07.01