完整藏文原文 · 德格版页 当前仅加载第 78 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་མཆོད་པར་བྱ། །མགོ་ལ་མེ་ཏོག་ཕྲེང་བ་དཔྱངས། །དྲི་ཞིམ་པ་ཡི་བདུག་པས་བདུག །གཅིག་དང་གསུམ་དང་བཞི་དང་ལྔ། །ཁྱད་པར་དུ་ནི་བདུན་དང་དགུ། །ཇི་སྲིད་ཉི་ཤུ་རྩ་བཞིའི་བར། །ཡོན་བདག་ངེས་པར་དང་བ་ཡིས། །བཟའ་དང་མྱོས་བྱེད་བཏུང་བ་དང་། །
D373.078.0282b01.01ཉ་དང་ཤ་ལ་སོགས་ལྡན་པས། །ཕྱག་རྒྱ་བྱིན་གྱིས་བརླབས་ནས་མཆོད། །དཔའ་བོས་བརྡ་ནི་བསྟན་པར་བྱ། །རྡོ་རྗེ་རྣམ་སྣང་མཛད་པའི་ཚོགས། །ལྷ་ཡི་བདག་ཉིད་རྟག་ཏུ་མཆོད། །གཏོར་མའི་བྱ་བ་སྔོན་འགྲོ་བས། །མར་མེ་ལྔ་དང་བཟའ་བ་དབུལ། །གླུ་དང་བསྟོད་
D373.078.0282b02.01པར་རབ་ལྡན་པས། །རྡོ་རྗེ་རྣལ་འབྱོར་མ་རྣམས་མཆོད། །འདིར་ནི་བརྩོན་པས་རྡོ་རྗེ་ལྷ་མོ་རྣམས། །མྱོས་བྱེད་ཤ་ཡིས་རབ་ཏུ་མཆོད་བྱས་ཏེ། །དཔལ་ལྡན་རྡོ་རྗེ་ཐེག་པར་མོས་འགྱུར་དེའི། །དད་པས་སྟོན་མོས་དེ་རྣམས་མཆོད་བྱས་ན། །ཐུགས་ནི་མཉེས་པས་
D373.078.0282b03.01མཆོག་ནི་སྩོལ་འགྱུར་ཏེ། །གང་ཕྱིར་མཆོག་ནི་དེ་ཡི་ལག་ན་གནས། །རྣལ་འབྱོར་མ་ནི་མཆོད་ནས་སུ། །ཞི་རྒྱས་མཚན་མ་བརྟག་བྱ་སྟེ། །གཞོན་ནུ་མ་མཆོད་སྐད་ཅིག་ལ། །དགེ་དང་མི་དགེའི་ལས་འབྲས་བརྟག །གང་ཞིག་ལག་གཉིས་ཉེད་པ་ན། །ཡིད་ནི་མཉེས་
D373.078.0282b04.01པར་མ་གྱུར་ནས། །དེས་ན་ནད་རྣམས་འཕེལ་བ་དང་། །སྡུག་བསྔལ་འཐོབ་པ་ཉིད་དུ་འགྱུར། །མཆོད་བྱས་དེ་ཡི་སྐད་ཅིག་ལ། །གད་མོའི་སྒྲ་ནི་ཕྱུང་གྱུར་ན། །ནད་མེད་པ་ནི་མི་འགྲུབ་ཅིང་། །འཆི་བ་ཉིད་དུ་ཐེ་ཚོམ་མེད། །མཆོད་པའི་མོད་ལ་དུ་བྱེད་ཅིང་། །མིག་
D373.078.0282b05.01གཉིས་ཉེད་པར་བྱེད་ན་ནི། །སྐད་ཅིག་ལ་ནི་འཆི་ཞེས་བརྗོད། །སྒྲུབ་པོས་རྟག་ཏུ་མཆོད་བྱས་པས། །སོ་སོ་སོ་སོར་ཟུང་རེར་ནི། །ཕན་ཚུན་གདོང་ནི་ཕྱོགས་གྱུར་ན། །ཐམས་ཅད་དུ་ནི་རྩོད་འགྱུར་བར། །གཞོན་ནུ་མས་ནི་རྟག་ཏུ་སྟོན། །རྣལ་འབྱོར་མ་ནི་རྒྱབ་
D373.078.0282b06.01ཕྱོགས་ལྟ། །སོ་ཡིས་སེན་མོ་འཆའ་བྱེད་ན། །ཤ་ཡི་བཟའ་བས་མ་ཚིམ་སྟེ། །སླར་ཡང་ལས་ནི་དགོས་པར་འགྱུར། །བཟའ་དང་བཏུང་བ་ཐམས་ཅད་ཀྱི། །སྟོན་མོས་མཉེས་པར་མ་གྱུར་ན། །མཚོན་ལ་སོགས་པ་བློ་བུར་བའི། །ནད་ནི་འཕྲལ་དུ་སྐྱེ་བར་
D373.078.0282b07.01