完整藏文原文 · 德格版页 当前仅加载第 78 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཕྲག་བདུན་ཅུ་རྩ་གཉིས་འགྱུར། །རྩ་རྣམས་དང་ནི་ཉེ་བའི་རྩ། །དེ་དག་གནས་ལ་བརྟེན་པ་སྟེ། །བརྒྱ་ལས་ཉི་ཤུ་ལྷག་པའི་རྩ། །གཙོ་བོ་ཞེས་ནི་བྱ་བར་བརྗོད། །རྩ་ཡི་གནས་དང་ཡུལ་རྣམས་ནི། །ཉི་ཤུ་རྩ་བཞིའི་གྲངས་ཡིན་ཏེ། །དེ་རྣམས་དབུས་ཀྱི་རྩ་གསུམ་
D373.078.0272b01.01གང་། །ཐམས་ཅད་ཁྱབ་ཅིང་བརྟེན་པའོ། །མགོར་ནི་པུལླཱི་ར་ཡིན་ཏེ། །སོ་དང་སེན་མོ་འབབ་པར་གནས། །སྤྱི་གཙུག་ཛཱ་ལན་དྷ་ར་སྟེ། །སྐྲ་དང་སྤུ་ནི་འབབ་པར་གནས། །ཨོ་ཌྱན་རྣ་བ་གཡས་པའི་རྩ། །པགས་པ་དང་ནི་དྲི་མ་འབབ། །མགོ་རྒྱབ་ཨར་བུ་ད་ཡིན་
D373.078.0272b02.01ཏེ། །ཤ་ནི་ཡང་དག་འབབ་པའི་རྩ། །གོ་དཱ་བ་རཱི་རྣ་བ་གཡོན། །རྒྱུས་པ་ཡང་དག་འབབ་པའི་རྩ། །སྨིན་དབུས་ར་མེ་ཤྭ་རཱི་སྟེ། །རྟག་ཏུ་རུས་པ་འབབ་པའོ། །མིག་ནི་དེ་བི་ཀོ་ཊིར་གནས། །མཆིན་པ་འབབ་པའི་རྩ་ཡིན་ནོ། །མཱ་ལ་བ་ནི་དཔུང་པ་གཉིས། །སྙིང་ལ་འབབ་
D373.078.0272b03.01པའི་རྩ་གནས་སོ། །མཆན་ཁུང་ཀཱ་མ་རཱུ་པ་སྟེ། །རྟག་ཏུ་མིག་ནི་འབབ་པའོ། །ནུ་མ་གཉིས་ནི་ཨོ་ཌི་སྟེ། །རྟག་ཏུ་མཁྲིས་པ་འབབ་པའི་རྩ། །ཏྲི་ཤ་ཀུ་ནི་ལྟེ་བ་སྟེ། །རྩ་ནི་གློ་བ་འབབ་པས་གནས། །སྣ་རྩེ་ཀོ་ས་ལ་ཡིན་ཏེ། །རྒྱུ་མའི་ཕྲེང་བ་འབབ་པས་གནས། །ཁ་ནི་ཀ་
D373.078.0272b04.01ལིང་ག་ཡིན་ཏེ། །རྟག་ཏུ་གཉེ་མ་འབབ་པས་གནས། །མགྲིན་པ་ལམ་པཱ་ཀ་ཡིན་ཏེ། །རྟག་ཏུ་ལྟོ་བ་འབབ་པའི་རྩ། །ཀཱཉྩི་སྙིང་གའི་གནས་ཡིན་ཏེ། །བཤང་བ་འབབ་པའི་རྩ་ཡིན་ནོ། །མདོམས་བར་ཧི་མ་ལ་ཡ་སྟེ། །མཆོག་མའི་མཚམས་ནི་འབབ་པའི་རྩ། །ཏྲེ་ཏ་བུ་
D373.078.0272b05.01རི་མཚན་མ་སྟེ། །བད་ཀན་འབབ་པའི་རྩ་ཡིན་ནོ། །གྲི་ཧ་དེ་བ་ཏཱ་བཤང་ལམ་སྟེ། །རྟག་ཏུ་རྣག་ནི་འབབ་པའོ། །བརླ་གཉིས་སཽ་རཱཥྚ་ཡིན་ཏེ། །རྟག་ཏུ་ཁྲག་ནི་འབབ་པའོ། །བྱིན་པ་གཉིས་ནི་གསེར་གླིང་གནས། །རྡུལ་འབབ་པ་ཡི་རྩ་ཡིན་ནོ། །རྐང་པའི་སོར་མོ་ན་ག་ར། །རྟག་
D373.078.0272b06.01ཏུ་ཚིལ་འབབ་རྩར་ཤེས་བྱ། །རྐང་པའི་བོལ་ནི་སིན་དྷུ་སྟེ། །མཆི་མ་འབབ་པའི་གཟུགས་ཅན་མ། །མ་རུ་དེ་ཤ་མཐེ་བོང་སྟེ། །རྟག་ཏུ་མཆིལ་མ་འབབ་པས་གནས། །ཀུལླུ་ཏ་ནི་པུས་མོ་སྟེ། །རྟག་ཏུ་སྣ་ཆུ་འབབ་པས་གནས། །དེ་དག་དབུས་ན་གནས་པའི་རྩ། །ལ་ལ་
D373.078.0272b07.01