完整藏文原文 · 德格版页 当前仅加载第 78 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་སོ་ཤིང་སྦྱིན་པར་བྱ། །སྲད་བུ་དམར་པོས་ཁྱད་པར་དུ། །དཔུང་པར་བཅིངས་ཏེ་རྟག་ཏུ་བསྲུང་། །ཡི་གེ་དྷཱི་ཡི་སྔགས་བཟླས་པའི། །ཀུ་ཤ་དེ་ལ་རབ་ཏུ་སྦྱིན། །རྨི་ལམ་དགེ་དང་མི་དགེ་བརྟག །སྐུ་གསུང་ཐུགས་ཀྱི་སྡོམ་པའང་སྦྱིན། །ཡོན་དང་ལྷན་ཅིག་མཉམ་
D373.078.0287b01.01ལྡན་པའི། །མེ་ཏོག་སིལ་མ་རབ་གཟུང་ནས། །དེར་ནི་གདོང་གཡོགས་བཅིངས་ནས་སུ། །དཀྱིལ་འཁོར་དུ་ནི་རབ་ཏུ་གཞུག །སྐྱེ་བ་སྔོན་བསགས་སྡིག་པ་རྣམས། །དཀྱིལ་འཁོར་མཐོང་བས་བྱང་བར་འགྱུར། །ཀྱེ་ཁྱོད་སུ་ཞེས་དྲི་བྱ་ཞིང་། །བདག་ནི་སྐལ་བཟང་ཞེས་
D373.078.0287b02.01ཀྱང་སྨྲ། །དམ་ཚིག་ཆུ་དང་མནའ་བསྒག་དང་། །མེ་ཏོག་དཀྱིལ་འཁོར་དོར་བ་སྟེ། །གང་དང་གང་དུ་མེ་ཏོག་བབས། །དེ་དང་དེ་ཡི་རིགས་སུ་འགྱུར། །ཆུ་དང་ཅོད་པན་རྡོ་རྗེ་དང་། །དྲིལ་བུ་དང་ནི་མིང་དབང་བསྐུར། །དེ་བཞིན་གཤེགས་ལྔའི་བདག་ཉིད་དབང་། །བརྟུལ་
D373.078.0287b03.01ཞུགས་དང་ནི་ལུང་བསྟན་ཉིད། །རྗེས་གནང་དང་ནི་དབུགས་དབྱུང་དང་། །ཕྱིར་མི་ལྡོག་པའང་སྦྱིན་བྱ་སྟེ། །གདུགས་དང་གདན་དང་རིག་པ་སོགས། །རྡོ་རྗེ་དྲིལ་སོགས་ཡང་དག་ལྡན། །སློབ་དཔོན་དབང་བསྐུར་ཡང་དག་རྫོགས། །བུམ་པ་ལས་ནི་བྱུང་བའོ། །
D373.078.0287b04.01གཉིས་པ་གསང་བ་མཆོག་ཡིན་ཏེ། །གསུམ་པ་ཤེས་རབ་ཡེ་ཤེས་ཡིན། །བཞི་པ་དེ་ལྟར་ཡང་དེ་བཞིན། །དབང་བསྐུར་འདི་དག་ཡང་དག་ལྡན། །དེ་ནི་དམ་ཚིག་ཅན་ཤེས་བྱ། །གསང་བ་མཆོག་གི་དཀྱིལ་འཁོར་དུ། །མཆོག་ཏུ་རབ་ཞུགས་མཐོང་བས་ན། །དེང་ཁྱོད་
D373.078.0287b05.01སྡིག་པ་ཐམས་ཅད་ལས། །རྣམ་གྲོལ་བཟང་པོར་གྱུར་པས་གནས། །སངས་རྒྱས་ཀུན་གྱིས་མཉམ་གསུངས་པའི། །རྗེས་གནང་མཆོག་ཏུ་དབུགས་དབྱུང་བ། །དངོས་གྲུབ་དམ་ཚིག་སྡོམ་པ་ནི། །འདི་དག་རྟག་ཏུ་བསྲུང་བར་གྱིས། །སློབ་མ་དད་པའི་སྟོབས་ཀྱིས་
D373.078.0287b06.01ནི། །བླ་མའི་ཞབས་ལ་ཕྱག་བཙལ་ནས། །གཙོ་བོས་ཇི་ལྟར་བཀའ་སྩལ་པ། །དེ་ལྟར་བགྱི་ཞེས་སྨྲ་བར་བྱ། །དེ་ནས་དེ་བཞིན་གཤེགས་གསུངས་པའི། །སྣ་ཚོགས་རྒྱན་དང་ན་བཟའ་སོགས། །ཁྱད་པར་དུ་ནི་རང་གི་ལུས། །བླ་མ་ལ་ནི་ཡོན་དུ་དབུལ། །
D373.078.0287b07.01