完整藏文原文 · 德格版页 当前仅加载第 78 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་འགྲོ་དྲུག་སེམས་ཅན་རྣམས། །ཚིགས་དང་ཚིགས་ནི་ཐམས་ཅད་དུ། །རྣམ་ཤེས་བཅས་པ་ལྟ་བུར་གནས། །དེ་ལྟར་སྲིད་པའི་དངོས་པོ་ཀུན། །བློ་དང་ལྡན་པས་ཤེས་པར་བྱ། །སེམས་ཅན་རྣམས་ནི་འཆི་བ་ན། །ཡན་ལག་ཉིང་ལག་ཐམས་
D373.078.0268a01.01ཅད་ཀྱི། །རླུང་ནི་ཐམས་ཅད་བསྐྱོད་པར་འགྱུར། །སྐད་ཅིག་དེ་ལ་མེ་དྲོད་འདོར། །ཆུ་ནི་རྟག་ཏུ་སྐམས་གྱུར་ནས། །དེ་ནས་ཚོར་བ་མེད་པར་འགྱུར། །ལུས་ལ་སོགས་པའི་ས་ཁམས་ཀྱི། །སྲ་བ་ཉིད་ཙམ་གནས་པར་འགྱུར། །སྐྱེ་བ་དང་ནི་འཆི་བ་དག །ཐམས་ཅད་
D373.078.0268a02.01དུ་ནི་འབྱུང་བར་འགྲོ། །ལྷ་དང་ལྷ་མིན་མི་རྣམས་ནི། །འབྱུང་བ་མེད་པར་སྐྱེ་མི་འགྱུར། །ལྷ་ཡི་འཇིག་རྟེན་སྐྱོང་ལ་སོགས། །ཐམས་ཅད་ལ་ནི་ལྷན་ཅིག་གནས། །རིག་བྱེད་གྲུབ་མཐའ་ཐམས་ཅད་ཀྱི། །རྟག་ཏུ་འདོད་ཅིང་བསྒོམ་པ་སྟེ། །གང་ཕྱིར་ཐམས་ཅད་ཀུན་དུ་
D373.078.0268a03.01འགྲོ། །ས་སྟེངས་སྐྱེས་བུ་ཀུན་ལ་གནས། །འབྱུང་བ་བཞི་པོ་གཙོ་བོ་མཆོག །བསྟན་བཅོས་ཀུན་ལས་ཡང་དག་བཤད། །རླུང་ནི་སྲོག་ཏུ་ཡང་དག་བལྟ། །མེ་ནི་འཚོ་བའི་མཚན་ཉིད་དེ། །ཆུ་ནི་བདུད་རྩིའི་ངོ་བོ་ཉིད། །ས་ནི་ཞིང་ཙམ་ཉིད་དུ་གནས། །དེ་ལ་རྟག་ཏུ་གནས་
D373.078.0268a04.01པའི་ལྷ། །རྣམ་ཤེས་མཆོག་གི་དབང་ཕྱུག་སྟེ། །ལྷ་ལྔ་ཡི་ནི་རྣམ་པ་རུ། །རྣམ་ཤེས་དེ་ནི་ཡོངས་སུ་འགྱུར། །གཟུགས་དང་ཚོར་བ་འདུ་ཤེས་དང་། །དེ་བཞིན་འདུ་བྱེད་རྣམ་པར་ཤེས། །མེ་ལོང་ལྟ་བུ་མཉམ་ཉིད་དང་། །སོ་སོར་ཀུན་དུ་རྟོག་པ་དང་། །དེ་བཞིན་བྱ་བ་གྲུབ་པ་དང་། །
D373.078.0268a05.01ཆོས་དབྱིངས་ཤིན་ཏུ་རྣམ་དག་སྟེ། །ཡེ་ཤེས་འདི་དག་རབ་ཏུ་གནས། །རྣམ་སྣང་མཛད་དང་རིན་ཆེན་འབྱུང་། །འོད་དཔག་མེད་དང་དོན་ཡོད་གྲུབ། །དེ་བཞིན་མི་བསྐྱོད་པ་ཉིད་དེ། །རྣམ་ལྔ་རོ་གཅིག་རྫོགས་བྱང་ཆུབ། །གཟུགས་དང་སྒྲ་དང་དེ་བཞིན་དྲི། །རོ་དང་རེག་བྱ་ཆོས་དེ་
D373.078.0268a06.01བཞིན། །ཡུལ་དྲུག་ཏུ་ནི་ཤེས་བྱ་སྟེ། །འདི་དག་རྣམ་པར་དག་པར་བཤད། །ཁམས་ནི་{བཅྭ་,བཅོ་}བརྒྱད་ཤེས་བྱ་སྟེ། །དེ་དག་ཕུང་པོའི་རང་བཞིན་ཉིད། །ཡི་གེ་མཆོག་ནི་བསྒོམ་པར་བྱ། །སངས་རྒྱས་འབྲས་བུ་འཐོབ་བྱའི་ཕྱིར། །མིག་ལ་སོགས་པ་བསྒོམ་བྱ་སྟེ། །མིག་གི་དབང་
D373.078.0268a07.01