完整藏文原文 · 德格版页 当前仅加载第 78 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །འདི་ལྟར་གླུ་དང་རོལ་མོ་བྱེད། །ཡང་དང་ཡང་དུ་དགོད་པ་ན། །རྒྱལ་པོ་ཆོམ་རྐུན་འཇིགས་པ་དག །གཞོན་ནུ་དེ་སྟོན་མཁས་པས་བརྟག །མྱོས་བྱེད་འཐུངས་ནས་ཡང་དང་ཡང་། །རྣམ་པ་དུ་མས་གར་བྱེད་ན། །དེ་རྣམས་ལ་ནི་ནད་
D373.078.0283a01.01ཆེན་འབྱུང་། །མཆོད་པའི་དུས་སུ་བརྟག་པར་བྱ། །སྟོན་མོའི་བཟའ་བ་ཐམས་ཅད་ནི། །དོར་ནས་ཕྱོགས་སུ་ལྟ་བྱེད་ན། །སྤྱོད་པ་ཉམས་པར་བྱས་པའི་སྐྱོན། །ལྷ་རྣམས་བདག་ལ་འཁྲུགས་པའོ། །ཕན་ཚུན་གཏམ་ལ་འཇུག་པ་དང་། །གལ་ཏེ་ཕན་ཚུན་རྒོད་བྱེད་
D373.078.0283a02.01ན། །གཙོ་བོའི་ཆོ་ག་ཉམས་པར་ནི། །གཞོན་ནུ་དེ་བསྟན་ཤེས་པར་བྱ། །ཟོས་མ་ཐག་ཏུ་སྐྱུག་བྱེད་ན། །སྨྱོ་བའི་ནད་ནི་འབྱུང་བར་སྟོན། །མཛེས་མ་གལ་ཏེ་འགྲོ་བའི་ཚེ། །རྒྱབ་ཀྱི་ཕྱོགས་སུ་ལྟ་བྱེད་ན། །སླར་ཡང་ལས་ནི་དགོས་པ་དང་། །ཡུན་རིང་ཞིག་ན་ནད་བྱུང་སྟོན། །
D373.078.0283a03.01ས་ལ་རྐང་པས་ཉེད་པ་ན། །གནས་ནི་འཕོ་བའི་དོན་དུ་འགྱུར། །མཆོད་དུས་བབས་པར་གྱུར་ན་ནི། །ཕན་ཚུན་གཡུལ་ནི་འགྱེད་པར་སྟོན། །རྣམ་འགྱུར་འདི་དག་བྲལ་བས་ནི། །མཆོད་པ་འགྲུབ་པར་མཚོན་པར་བྱ། །དེ་བས་བརྩོན་པས་མཆོད་ནས་ནི། །སྒྲུབ་པོས་རྟག་ཏུ་བརྟག་
D373.078.0283a04.01པར་བྱ། །རྡོ་རྗེ་རྣལ་འབྱོར་མ་རྣམས་མཆོད། །འདོད་པའི་འབྲས་བུ་ཀུན་རབ་སྟེར། །འདི་ནི་རྡོ་རྗེ་རྣལ་འབྱོར་མ། །མཆོད་པའི་ཆོ་ག་ངེས་པར་བསྟན་པའི་རིམ་པར་ཕྱེ་བ་སྟེ་བཅུ་བཞི་པའོ།། །།དེ་ནས་དེ་ཕྱིར་སྣོད་ཀྱི་ནི། །མཚན་ཉིད་མཆོག་ནི་ཡང་དག་བཤད། །
D373.078.0283a05.01འཇིམ་པའམ་དེ་བཞིན་རུས་སྦལ་སྣོད། །འཁར་བའམ་ཟངས་སམ་ལྕགས་ལས་བྱས། །གསེར་རམ་དངུལ་ལས་བྱས་པའམ། །དུང་ངམ་དེ་བཞིན་ཉ་ཕྱིས་ཏེ། །བལ་པོ་སེའུ་ཡི་འབྲས་བུ་མཆོག །དེ་བཞིན་གཞན་ཡང་གསར་བྱུང་བ། །རྭ་ལས་བྱུང་དང་ཤིང་སྣོད་སོགས། །
D373.078.0283a06.01གཞན་ཡང་རྡོ་སྣོད་ཁྱད་པར་རོ། །དུམ་བུ་གཅིག་དང་དུམ་བུ་གཉིས། །དེ་བཞིན་གསུམ་དང་བཞི་དང་ལྔ། །དུམ་བུ་དྲུག་དང་དུམ་བུ་བདུན། །དུམ་བུ་བརྒྱད་པར་རབ་ཏུ་གྲགས། །བྲམ་ཟེ་རྒྱལ་རིགས་རྗེའུ་རིགས་སམ། །དམངས་རིགས་བུད་མེད་རིགས་མཐར་སྐྱེས། །
D373.078.0283a07.01