完整藏文原文 · 德格版页 当前仅加载第 78 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བྱས། །ཕྱག་རྒྱ་ལྔས་ནི་རྣམ་པར་བརྒྱན། །ཤེས་རབ་ཐབས་བདག་རྣལ་འབྱོར་པས། །ཧེ་རུ་ཀ་དཔལ་རྣམ་པར་བསྒོམ། །ཀུན་ཏུ་བཟང་པོའི་སྤྱོད་པ་ཡིས། །ཡིད་ནི་བདེ་བར་གནས་པར་བྱ། །གྲོང་དུ་མཚན་མོ་གཅིག་གནས་ཤིང་། །གྲོང་ཁྱེར་དུ་ནི་ལྔར་གནས་བྱ། །ཡིད་
D373.078.0290b01.01དང་རྗེས་མཐུན་སྦྱོར་བ་ཡིས། །ས་ཡི་སྟེང་དུ་གནས་པར་བྱ། །ཡང་ན་རླུང་ཞེས་བྱ་བ་ཡི། །སྤྱོད་པ་བདེ་ཞིང་དགའ་བར་སྤྱད། །རྟག་ཏུ་གྲོགས་པོ་མེད་པར་རྒྱུ། །གཅིག་པུར་ཡིད་ནི་རྩེ་གཅིག་པས། །སྨྱོན་པའི་བརྟུལ་ཞུགས་ལ་བརྟེན་ནས། །ལོ་མ་རླུང་གིས་བསྐྱོད་བཞིན་
D373.078.0290b02.01འཁྱམ། །དུར་ཁྲོད་དམ་ནི་མཚན་གཅིག་གམ། །ཤིང་གཅིག་གམ་ནི་ནགས་ཚལ་ལམ། །རི་ཡི་རྩེ་འམ་ཆུ་བོའི་འགྲམ། །རྒྱ་མཚོ་ཆེན་པོའི་འགྲམ་ཡང་རུང་། །སྐྱེད་མོས་ཚལ་ལམ་རི་ཕུག་གམ། །ཁང་{བཟངས་སམ་,བཟང་ངམ་}ནི་ཁང་སྟོང་ངམ། །བཞི་མདོ་དང་ནི་སྒོ་མདུན་
D373.078.0290b03.01ནམ། །དེ་བཞིན་རྒྱལ་པོའི་ཕོ་བྲང་སྒོར། །གདོལ་པའི་གནས་སམ་ཕྱུགས་ལྷས་སམ། །བཟོ་ཡི་ཁང་པར་སྦས་པས་གནས། །ཚོང་སྲང་དོར་བའི་མེ་ཏོག་ཕྲེང་། །མེ་ཏོག་རྙིང་པ་གང་ཅིའང་རུང་། །དུར་ཁྲོད་མཚན་གཅིག་མེ་ཏོག་ཕྲེང་། །དེ་དག་གིས་ནི་ལུས་
D373.078.0290b04.01རབ་མཆོད། །རང་གི་མགྲིན་པར་མེ་ཏོག་ཕྲེང་། །ཁྱད་པར་དུ་ནི་ཚངས་སྐུད་དང་། །སྐ་རགས་དག་ཀྱང་བཅིང་བར་བྱ། །རྐང་པ་གཉིས་ལ་རྐང་གདུབ་བྱ། །སྨྲ་བ་བཟླས་པའི་བདག་ཉིད་གྲགས། །ལག་པ་བསྐྱོད་པ་ཕྱག་རྒྱ་སྟེ། །རྣམ་པར་མི་རྟོག་རབ་སྦྱོར་བས། །
D373.078.0290b05.01རྣལ་འབྱོར་པ་ནི་ཅི་བདེར་གནས། །དོགས་པ་ཐམས་ཅད་རྣམ་སྤངས་ཏེ། །སྒྲུབ་པོས་སེང་གེ་བཞིན་དུ་སྤྱད། །ཡང་ན་གཡོ་མེད་བརྟུལ་ཞུགས་ལ། །བརྟེན་ནས་རྣལ་འབྱོར་སྤྱོད་པ་སྤྱད། །སྐྱེད་མོས་ཚལ་ལམ་ཁྱིམ་སྟོང་གནས། །གྲོང་དམན་ངན་པའི་ཁྱིམ་དུ་ནི། །ཇི་
D373.078.0290b06.01སྲིད་ནུས་པ་ཐོབ་དེ་སྲིད། །མི་སྨྲའི་སྦྱོར་བས་གནས་པར་བྱ། །ཇི་ལྟར་གཉིད་ལོག་འགྲོ་དང་འདུག །སད་དམ་ཡང་ནམ་སད་པའམ། །ཅི་རྙེད་པ་ཙམ་ཟ་བ་དང་། །མི་བཀྲེས་པ་ནི་བཟང་པོར་གནས། །གལ་ཏེ་སློང་མོས་གནས་པས་ན། །ལག་པའི་སྣོད་དུ་ཟ་ཞིང་གནས། །
D373.078.0290b07.01