完整藏文原文 · 德格版页 当前仅加载第 78 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
གྲགས། །ལྔ་པ་རྡོ་རྗེ་ཉི་མ་ཡིན། །དྲུག་པ་དེ་བཞིན་རྟ་མཆོག་སྟེ། །གོ་ཆ་དྲུག་པོ་རྣམས་ཀྱིས་བསྲུངས། །ཨོཾ་བྃ་ནི་རྡོ་རྗེ་རྣམ་སྣང་མཛད་མའོ། །ཨོཾ་ཧཾ་ཡྃ་ནི་གཤིན་རྗེ་མའོ། །ཨོཾ་མྃ་ནི་རྨོངས་བྱེད་མའོ། །ཨོཾ་ཧྲིཾ་ནི་སྐྱོད་བྱེད་མའོ། །ཨོཾ་ཧཱུྃ་ཧཱུྃ་ནི་སྐྲག་
D373.078.0282a01.01བྱེད་མའོ། །ཕཊ་ཕཊ་ནི་གཏུམ་མོ་ལུས་ཐམས་ཅད་ལ་མཚོན་ཆའོ། །ལྟེ་བ་དང་སྙིང་ག་དང་དེ་བཞིན་དུ་ཁ་དང་མགོ་བོ་དང་། སྤྱི་གཙུག་ལ་དེ་བཞིན་དུ་ནི་མཚོན་ཆ་ཡིན་ནོ། །ཨོཾ་ཡོ་ག་ཤུདྡྷཱཿསརྦ་དྷརྨཱ་ཡོ་ག་ཤུད་དྷོ྅ཧཾ། ལག་པ་གཡས་དང་གཡོན་པ་སྙིང་གར་བཞག་སྟེ།
D373.078.0282a02.01པདྨ་རྒྱས་པའི་གར་བྱའོ། །སྙིང་པོའི་ཕྱག་རྒྱ་ལ་སོགས་ལྷ། །བསྐོར་བ་མཁའ་འགྲོ་དྲ་བའི་སྡོམ། །རྣལ་འབྱོར་འདི་ནི་གཙོ་བོ་མཆོག །ལྷ་ཡི་རྣལ་འབྱོར་རྣམ་པར་བསྒོམ། །ཆོས་དང་ལོངས་སྤྱོད་རྫོགས་སྤྲུལ་པ། །བདེ་ཆེན་འཁོར་ལོ་སྦྱར་བར་བྱ། །ཉི་ཤུ་རྩ་བཞིའི་
D373.078.0282a03.01རྩ་རྣམས་ནི། །ལུས་ཀུན་དག་པར་བྱེད་པ་སྟེ། །གནས་ནི་ཉི་ཤུ་རྩ་བཞི་ཡིས། །ལུས་ནི་སྡུད་ཅིང་འཛིན་པ་ཡིན། །ལུས་འདི་དཔའ་བོའི་རང་བཞིན་ཏེ། །འདི་དེ་སངས་རྒྱས་ཀུན་མཚུངས་པའོ། །གཉིས་མེད་རྣམ་པའི་རྣལ་འབྱོར་གྱིས། །བསམ་མི་ཁྱབ་པའི་གོ་འཕང་
D373.078.0282a04.01བསྟན། །རྗེས་མཐུན་རྣལ་འབྱོར་སེམས་ཀྱིས་ནི། །གོ་འཕང་མཆོག་ནི་བསྒོམ་པར་བྱ། །འདི་ནི་དཔལ་ཧེ་རུ་ཀའི་བསྐྱེད་པའི་རིམ་པར་ཕྱེ་བ་སྟེ་བཅུ་གསུམ་པའོ།། །།དེ་ནས་རྡོ་རྗེ་རྣལ་འབྱོར་མ། །མཆོད་པ་ཡང་དག་རབ་བཤད་བྱ། །གནས་
D373.078.0282a05.01སོགས་བགྲོད་པར་མི་ནུས་ན། །ཕྱི་ཡི་རྣལ་འབྱོར་མ་མཆོད་བྱ། །རང་གི་ཁྱིམ་དུ་རྣལ་འབྱོར་མ། །མཆོད་དེ་སྔོན་དུ་བསྙེན་སོགས་བྱ། །སྔོན་དུ་བསྙེན་པ་མེད་པ་ལས། །དེ་ཡི་དོན་མེད་ཡོངས་སུ་ངལ། །མར་ངོ་ཡི་ནི་ཚེས་བཅུ་འམ། །ཡར་ངོའི་ཡང་ནི་དེ་བཞིན་ཏེ། །ཁྲུས་
D373.078.0282a06.01དང་གཙང་སྦྲ་སོགས་ལྡན་པས། །དད་པའི་སེམས་ཀྱིས་སྤྱན་དྲངས་ཏེ། །རང་གི་ཁྱིམ་དུ་ཤར་བལྟས་པར། །ཡང་དག་གནས་པས་ལྷ་མོ་མཆོད། །གུར་གུམ་མིག་སྨན་དེ་བཞིན་དུ། །ལི་ཁྲི་ཡིས་ནི་མགོ་ལ་བྱུག །རྐང་པ་ལག་པ་གདོང་དེ་བཞིན། །བྱུག་པས་བྱུགས་
D373.078.0282a07.01