完整藏文原文 · 德格版页 当前仅加载第 78 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
ཏིལ་གྱིས་སྡིག་པ་འཇོམས་རིག་བྱ། །སོ་བས་ནོར་དང་འབྲུ་རྣམས་འགུགས། །མཱ་ཥས་སྟོབས་ནི་ཆེན་པོར་བྱེད། །ནས་ཀྱིས་རླུང་གི་ཤུགས་རབ་སྟེར། །དཱུར་བས་ཚེ་ནི་འཕེལ་བར་བྱེད། །གྲོ་ཡིས་ནད་ནི་འཇོམས་པར་བྱེད། །འོ་མ་སྦྲང་རྩིས་ཤེས་རབ་འཕེལ། །ལག་པན་
D373.078.0294b01.01གྱིས་ནི་བདེ་ཀུན་སྟེར། །མེས་ནི་འདོད་དོན་དངོས་གྲུབ་སྟེ། །།རབ་འདོད་ལྷས་ནི་གྲོལ་བར་སྩོལ། །ལྷག་མ་ལས་ཀྱི་རྗེས་མཐུན་པར། །ཞི་སོགས་ལས་བྱས་ཤེས་པར་བྱ། །དགང་གཟར་ཤེས་རབ་བླུགས་གཟར་ཐབས། །དེ་གཉིས་སྦྱར་བ་གཉིས་མེད་བསྒོམ། །དེ་ལས་ངེས་
D373.078.0294b02.01འབྱུང་མར་གྱི་རྒྱུན། །ཡེ་ཤེས་ཆེན་པོའི་བདུད་རྩིར་འདོད། །རྒྱུ་དང་མི་རྒྱུའི་བདག་ཉིད་ཀྱི། །མེ་ནི་དེ་ཡིས་ཡང་དག་མཆོད། །འདི་ལྟར་སྦྱིན་སྲེག་གང་བྱེད་ལ། །སྐལ་བཟང་དངོས་གྲུབ་རབ་ཏུ་སྟེར། །འདི་ནི་སྦྱིན་སྲེག་ངེས་པར་བསྟན་པའི་རིམ་པར་ཕྱེ་བ་སྟེ་ཉི་ཤུ་རྩ་གསུམ་
D373.078.0294b03.01པའོ།། །།དེ་ནས་ལས་ནི་རབ་འབྱམ་འབྱུང་། །དངོས་གྲུབ་སྣ་ཚོགས་གོ་འཕང་སྔགས། །སྣ་ཚོགས་ལས་ཀྱི་འབྲས་འབྱུང་བ། །ཡང་དག་པར་ནི་རབ་ཏུ་བཤད། །ཨོཾ་ན་མཿཤྨ་ཤཱ་ན་པཱ་སི་ནེ་། མ་ཧཱ་ཀཱ་ལ་ཨ་ནུ་ཙཱཪྻ། ཏདྱ་ཐཱ། ཨོཾ་ཙ་ལ་པྲ་ཙ་ལ། ལཱ་
D373.078.0294b04.01ལ་ལཱ་ལ་ཡ། དེ་བ་ལིངྒ་སྭཱ་ཧཱ། བསྙེན་པ་ཁྲི་བྱས་ཏེ། མཚན་ཕྱེད་ན་ལིང་ག་བཟུང་ལ་ཇི་སྲིད་འོངས་ཀྱི་བར་དེ་སྲིད་དུ་བཟླས་པར་བྱ་སྟེ་གོང་བུ་དགུག་པའོ། །ཨོཾ་ཙ་མུཎྜེ་དྷུ་མ་ཀེ་ཤི། དྷཱུ་མ་བིངྱུ་ཛྫི་ཧྭེ། ཧ་ན་ཧ་ན། པ་ཙ་པ་ཙ། དེ་བ་དཏྟཾ་ཨཱ་ན་ཡ་སྭཱ་ཧཱ། རྐང་པ་གཡོན་པའི་མཐིལ་
D373.078.0294b05.01དུ་སེན་རྩིས་རི་རབ་བྲིས་ལ། དེའི་ནང་གི་ཟུར་གྱི་ཆ་ལ་ཡི་གེ་ཧྲཱིཿབཞི་དབུས་སུ་སྔགས་ཀྱི་ཚིག་བྲིས་ཏེ། གནོན་ཅིང་བཟླས་ན་དབང་དུ་བྱེད་པའི་མཆོག་ཡིན་ནོ། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་བི་དྷྭཾ་ས་ཡ་ཡོ་སཽ་མཱ་ར་ཡ་ཧཱུྃ་ཕཊ། གྲོག་མཁར་གྱི་ས་བའི་རྣམ་པ་ལྔ་དང་བསྲེས་
D373.078.0294b06.01པ་ལས་མཐོ་གང་ཙམ་གྱི་བཱ་སུ་ཀི་བྱས་ཏེ། ཀ་ར་བཱི་རའི་ལྕུག་མས་ཆུ་གཏོར་ཞིང་། གུ་གུལ་གྱིས་བར་མ་ཆད་པར་བདུགས་ཏེ། དཀར་གསུམ་གྱི་གཏོར་མ་བྱིན་ན་ཉི་མ་བདུན་ན་ཆུའི་རྒྱུན་འབེབས་པར་བྱེད་དོ། །ཅི་སྟེ་མི་འབེབས་ན་ཉི་མ་བདུན་པ་ལ་དུམ་བུ་དུམ་བུར་བྱས་ཏེ་བུམ་
D373.078.0294b07.01