完整藏文原文 · 德格版页 当前仅加载第 66 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དབང་ཆེ་བར་གྲགས་པ། དབང་ཆེ་བར་གྲགས་པ་ལྷའི་དྲང་སྲོང་གི་བར་ཞེས་བགྱི་བ་ནས་མིའི་དྲང་སྲོང་གི་བར་དེ་དག་ཐམས་ཅད་འདིར་ལྷགས་པར་གྱུར་ན་འདིར་བདག་ཅག་ལ་ཤས་ཆེར་ཕན་པ་དང་བདེ་བར་འགྱུར་ལགས་སོ། །དེར་བཅོམ་ལྡན་འདས་བཞུགས་
D257.066.0222b01.01ནས་འཛུམ་པ་མཛད་དེ། དེའི་ཞལ་གྱི་སྒོ་ནས་འོད་ཟེར་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་གྱི་ཁ་དོག་ལྟ་བུ་རྣམ་པ་སྣ་ཚོགས་བྱུང་ངོ་། །འོད་ཟེར་དེ་དག་གཤེགས་ནས་བདུད་ཀྱི་གནས་བྱེ་བ་ཕྲག་བརྒྱ་དང་།
D257.066.0222b02.01བརྒྱ་བྱིན་གྱི་གནས་བྱེ་བ་ཕྲག་བརྒྱ་དང་། ཚངས་པའི་གནས་ཞེས་བྱ་བ་ནས་ལྷའི་དབང་པོ་ཐམས་ཅད་ཀྱི་གནས་དང་། ལྷ་མ་ཡིན་གྱི་གནས་དང་། དྲང་སྲོང་གི་གནས་བྱེ་བ་ཕྲག་བརྒྱའི་སངས་རྒྱས་ཀྱི་ཞིང་འདི་ཇི་སྙེད་པ་ཐམས་ཅད་དུ་འོད་ཟེར་དེ་དག་ཞུགས་སོ། །དེ་དང་དེ་
D257.066.0222b03.01དག་ཏུ་སེམས་ཅན་དབང་ཆེ་བར་གྲགས་པ་དབང་ཆེ་བར་གྲགས་པ་བདུད་དམ་ཞེས་བྱ་བ་ནས་དྲང་སྲོང་རྣམས་ཞེས་བྱ་བའི་བར་དུ་མིང་དུ་བཏགས་པ་དེ་དང་དེ་དག་ཐམས་ཅད་ལ་རབ་ཏུ་གོ་བར་མཛད་ནས་བདུད་ཅེས་བྱ་བ་ནས་དྲང་སྲོང་ཞེས་བྱ་བའི་བར་དེ་དང་དེ་དག་དེ་ནས་ཆས་ཏེ་
D257.066.0222b04.01བཅོམ་ལྡན་འདས་ག་ལ་བ་དང་། སངས་རྒྱས་ཀྱི་སྐུ་དྲུག་པོ་དེ་དག་ག་ལ་བར་སྐད་ཅིག་ཐང་ཅིག་ཡུད་ཙམ་ཅིག་གིས་འདིར་རི་རབ་ཀྱི་རྩེ་མོར་འཁོད་དོ། །བཅོམ་ལྡན་འདས་ཀྱིས་སྤྲུལ་པ་དག་རྒྱུན་བཅད་ནས་བཀའ་སྩལ་པ། ངའི་སངས་རྒྱས་ཀྱི་ཞིང་འདི་ན་རིའི་རྒྱལ་པོ་
D257.066.0222b05.01རི་རབ་བྱེ་བ་ཕྲག་བརྒྱ་ཇི་སྙེད་ཡོད་པ་ཐམས་ཅད་ཀྱི་ནང་ན་རི་རབ་འདི་ནི་མཆོག་དང་ཕུལ་ཡིན་པར་ངས་བཤད་དེ། རི་རབ་འདི་ནི་འདུས་པ་ཆེན་པོ་ཐམས་ཅད་ཀྱིས་ལོངས་སྤྱོད་པ་ཡིན་ཞིང་རི་རབ་ཐམས་ཅད་ཀྱི་རྒྱལ་པོ་ཡིན་ནོ། །དེ་ཐོས་ནས་བརྒྱ་བྱིན་ཀཽ་ཤི་ཀ་དང་ཞེས་བྱ་བ་ནས་མི་
D257.066.0222b06.01མཇེད་ཀྱི་བདག་པོ་ཚངས་པ་ཞེས་བྱ་བའི་བར་མཆོག་ཏུ་ཡིད་བདེ་བ་དང་རངས་པ་སྐྱེས་སོ། །བཅོམ་ལྡན་འདས་ཀྱི་མཐུས་ཀླུའི་རྒྱལ་པོ་ཆེན་པོ་བཞི་པོ་དེ་དག་དྲང་སྲོང་ཐུབ་པའི་གནས་རྟེན་དེ་ནས་སོང་སྟེ། ཀླུའི་རྒྱལ་པོ་རྒྱ་མཚོ་ནི་འདི་ནས་ལྷོ་ཕྱོགས་ཀྱི་རྒྱ་མཚོ་ཆེན་པོའི་ནང་དུ་
D257.066.0222b07.01