'phags pa shin tu rgyas pa chen po'i sde nyi ma'i snying po zhes bya ba'i mdo/
当前为德格木刻版 170b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 170b
- 可引用原文
- 7 行
- 全文规模
- 全经 2157 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 66 函 · 德格 170b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཡང་དག་པར་བརྩོན་པའི་སེམས་དང་ལྡན་པ་དེ་ཡང་དག་པ་ཇི་ལྟ་བ་བཞིན་ཤེས་ནས་འདུ་བྱེད་ཐམས་ཅད་ལ་མངོན་པར་མི་དགའ་བར་འདུ་ཤེས་པར་འགྱུར་རོ། །དེ་བཞིན་དུ་ཡང་སོ་སོར་བརྟགས་པའི་འགོག་པ་ལ་དམིགས་པའམ་སོ་སོར་བརྟགས་པ་མ་ཡིན་པའི་འགོག་པ་ལ་དམིགས་པས་དུས་གསུམ་ལ་རྗེས་སུ་སེམས་པར་བྱེད། ཀུན་ཏུ་སྦྱོར་བ་ཐམས་ཅད་སྤོང་བར་བྱེད། མཐོང་བ་རྣམ་པར་དག་པར་བྱེད། འཁོར་བའི་རྒྱུན་སྤོང་བར་བྱེད་ཅིང་ཡང་དག་པ་ཉིད་སྐྱོན་མེད་པར་ཞུགས་ནས་རྒྱུན་དུ་ཞུགས་པའི་འབྲས་བུ་ཐོབ་པར་བྱེད་དོ། །ཀཽ་ཌི་ནྱ་མཁས་པ་ནི་དེ་ལྟར་རྣམ་པ་ཐམས་
ཅད་དུ་འདུ་བྱེད་ཀྱི་འཇིག་རྟེན་ལ་མངོན་པར་མི་དགའ་བའི་འདུ་ཤེས་སྐྱེད་པར་བྱེད་དོ། །ཀཽ་ཌི་ནྱ་འདི་ནི་མངོན་པར་མི་དགའ་བའི་འདུ་ཤེས་ཀྱི་སྦྱོར་བའི་དམིགས་པའོ། །དེ་ལ་ཆོས་གོས་ལ་མི་འཐུན་པའི་འདུ་ཤེས་གང་ཞེ་ན། ཀཽ་ཌི་ནྱ་མཁས་པས་གང་གི་ཚེ་ཆོས་གོས་མཐོང་ངམ། རེག་གམ།ཤམ་ཐབས་སུ་བྱེད་དམ། གྱོན་པར་བྱེད་དམ། བཞག་གམ། སྦས་ཀྱང་རུང་སྟེ་དེ་ཐམས་ཅད་དུ་འདི་ནི་མིའི་པགས་པའོ། །དེ་ལ་ཁྲག་གིས་བསྐུས་པའོ། །ཁྲག་འཛག་པའོ། །མཆོག་ཏུ་དྲི་མི་ཞིམ་པའོ། །ཐམས་ཅད་ཀྱིས་སྐྱོན་བགྲང་བར་བྱའོ། །སྲིན་བུ་དང་སྦྲང་བུས་གང་བའོ། །མཛངས་པ་
རྣམས་ཀྱིས་མངོན་པར་དགའ་བར་བྱ་བ་མ་ཡིན་པའོ་ཞེས་དེ་ལྟ་བུར་འདུ་ཤེས་པར་འགྱུར་རོ། །མཁས་པ་དེ་ལྟར་ཆོས་གོས་ལ་མངོན་པར་མི་དགའ་བའི་འདུ་ཤེས་སྐྱེད་དོ། །ཀཽ་ཌི་ནྱ་མཁས་པས་ཇི་ལྟར་ཟས་ལ་མི་འཐུན་པའི་འདུ་ཤེས་བསྐྱེད་པར་བྱ་ཞེ་ན། མཁས་པས་གང་ཟས་བླངས་པར་གྱུར་ན་དེ་ཟས་འདི་ཡང་ནང་གྲོལ་ལོ། །སྐྲ་དང་པགས་པ་མེད་ཅིང་རྣག་དང་ཁྲག་གིས་བསྐུས་པ་སྲིན་བུ་དང་། སྦྲང་བུས་ཡོངས་སུ་བསྐོར་བའོ། །སྣོད་འདི་ནི་མི་མགོའི་ཐོད་པ་མཆོག་ཏུ་དྲི་ང་བ་སྐྱོན་དུ་བགྲང་བར་བྱའོ་ཞེས་དེ་ལྟ་བུར་འདུ་ཤེས་སྐྱེད་དེ། གལ་ཏེ་འབྲས་ཅན་ཞིག་ལེན་ན་མི་རོ་སྲིན་
བུས་གང་བའོ། །ཞེས་དེ་ལྟ་བུར་འདུ་ཤེས་པར་འགྱུར་རོ། །གལ་ཏེ་ཆུ་ཞིག་ལེན་ན་དེ་འདི་ནི་མིའི་ཁྲག་མཆོག་ཏུ་སྐྱོན་དུ་བགྲང་བར་བྱའོ་ཞེས་བྱ་བ་དང་། དེ་བཞིན་དུ་ཕྱེ་དག་ལ་འདི་ནི་མིའི་རུས་པའི་ཕྱེ་མའོ་ཞེས་བྱ་བ་དང་། དེ་བཞིན་དུ་ཁུར་སྐྱལ་འདི་ནི་མིའི་པགས་པའོ་ཞེས་དེ་ལྟར་འདུ་ཤེས་པར་འགྱུར་རོ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D257
- 德格版页
- 170b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0257 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。