完整藏文原文 · 德格版页 当前仅加载第 66 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་མི་དགའ་བའི་འདུ་ཤེས་ངས་བཤད་པར་བྱའོ། །ཟས་ལ་མི་འཐུན་པའི་འདུ་ཤེས་ཀྱང་ངས་བཤད་པར་བྱའོ། །ཀཽ་ཌི་ནྱ་དེའི་ཕྱིར་ཁྱོད་ཀྱིས་ཉོན་ལ་ཞེས་བྱ་བ་ནས་བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ་ཞེས་བྱ་བའི་བར་དུའོ། །ཀཽ་ཌི་ནྱ་གང་དུ་མངོན་པར་
D257.066.0167a01.01མི་དགའ་བ་དེ་བསྐྱེད་པར་བྱ་བའི་འཇིག་རྟེན་གང་ཞེ་ན། འཇིག་རྟེན་ནི་གཉིས་ཏེ། སེམས་ཅན་གྱི་འཇིག་རྟེན་དང་། འདུ་བྱེད་ཀྱི་འཇིག་རྟེན་ནོ། །དེ་ལ་སེམས་ཅན་གྱི་འཇིག་རྟེན་གང་ཞེ་ན། སེམས་ཅན་རྣམས་ཞེས་བྱ་བ་ནི་གང་དག་འགྲོ་བ་ལྔ་པོ་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དང་། ལྷ་དང་།
D257.066.0167a02.01མི་རྣམས་ཀྱི་ནང་དུ་སྐྱེས་པ་རྣམས་སོ། །འདོད་པའི་ཁམས་ན་ནི་སྲིད་པ་མངོན་པར་གྲུབ་པ་ཉི་ཤུའོ། །གཟུགས་ཀྱི་ཁམས་ན་ནི་བཅུ་དྲུག་གོ། །གཟུགས་མེད་པའི་ཁམས་ན་ནི་སྲིད་པ་མངོན་པར་གྲུབ་པ་བཞི་སྟེ། སེམས་ཅན་གྱི་འཇིག་རྟེན་ནི་དེ་ཙམ་མོ། །དེ་ལ་འདོད་པའི་ཁམས་ཀྱི་སྲིད་པ་མངོན་པར་
D257.066.0167a03.01གྲུབ་པ་ཉི་ཤུ་གང་ཞེ་ན། སེམས་ཅན་དམྱལ་བ་ཆེན་པོ་བརྒྱད་དེ་རེ་རེ་ལ་ཡང་འཁོར་བཅུ་དྲུག་གོ། །བརྒྱད་གང་ཞེ་ན། དུས་གསུམ་པའི་ཡང་སོས་ཞེས་བྱ་བ་འཁོར་བཅུ་དྲུག་པ་དང་། ཐིག་ནག་དང་། བསྡུས་གཞོམ་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། སེམས་ཅན་
D257.066.0167a04.01དམྱལ་བ་མནར་མེད་པ་ཞེས་བྱ་བ་འཁོར་བཅུ་དྲུག་པའོ། །སེམས་ཅན་གང་དག་ལུས་དང་། ངག་དང་། ཡིད་ཀྱིས་ཉེས་པར་སྤྱད་པའི་རྒྱུས་དེ་དག་ཏུ་སྐྱེས་ཤིང་སྐྱེ་བར་འགྱུར་བ་དེ་དག་དེར་སྡུག་བསྔལ་གྱི་ཚོར་བ་རྩུབ་པ་མི་བཟད་པ་ཚ་བ་ཆེན་པོ་མྱོང་བར་འགྱུར་རོ། །དེ་དག་གིས་དེར་མིག་གིས་
D257.066.0167a05.01གཟུགས་གང་ཅི་མཐོང་ཡང་རུང་། ཐམས་ཅད་ཡིད་དུ་མི་འོང་བར་མཐོང་གི་ཡིད་དུ་འོང་བར་མ་ཡིན། ཡིད་དུ་མི་འཐད་པར་མཐོང་གི་ཡིད་དུ་འཐད་པར་མ་ཡིན། གཟུགས་མི་སྡུག་པར་མཐོང་གི་གཟུགས་སྡུག་པར་མ་ཡིན། གཟུགས་མི་ལེགས་པར་མཐོང་གི་གཟུགས་ལེགས་པར་མི་མཐོང་སྟེ། དེ་
D257.066.0167a06.01ལྟ་བས་ན་གཞི་དེས་དེ་དག་དེར་སྡུག་བསྔལ་གྱི་ཚོར་བ་རྩུབ་པ་མི་བཟད་པ་ཚ་བ་ཆེན་པོ་མྱོང་བར་འགྱུར་རོ། །དེ་དག་གིས་དེར་རྣ་བས་སྒྲ་གང་ཅི་ཐོས་ཀྱང་རུང་ཞེས་བྱ་བ་ནས་སྣས་དྲི་གང་ཅི་མནམས་ཀྱང་རུང་ཞེས་བྱ་བ་དང་། ལྕེས་རོ་གང་ཅི་མྱངས་ཀྱང་རུང་ཞེས་བྱ་བ་དང་། ལུས་ཀྱིས་རེག་བྱ་གང་ཅི་རེག་ཀྱང་རུང་
D257.066.0167a07.01