完整藏文原文 · 德格版页 当前仅加载第 66 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཟད་པར་འགྱུར་བའི་གཟུངས་སྔགས་ལ་ང་དད་པ་སྦྱིན་པར་མཛད་དོ། །དེར་བདེན་པ་དང་རྗེས་སུ་འཐུན་པའི་གཟུངས་སྔགས་མཐུ་ཆེ་བ། ཕན་ཡོན་ཆེ་བ། འདོད་པའི་འདོད་ཆགས་ཐམས་ཅད་ཀུན་ཏུ་ཟད་པར་བྱེད་པ། གཟུགས་ཀྱི་འདོད་ཆགས་ཐམས་ཅད་
D257.066.0109a01.01ཀུན་ཏུ་ཟད་པར་བྱེད་པ། གཟུགས་མེད་པའི་འདོད་ཆགས་ཐམས་ཅད་ཀུན་ཏུ་ཟད་པར་བྱེད་པ། ང་རྒྱལ་དང་། ལྷག་པའི་ང་རྒྱལ་དང་། ངའོ་སྙམ་པའི་ང་རྒྱལ་ཐམས་ཅད་ཀུན་ཏུ་ཟད་པར་བྱེད་པ། ཚོལ་བ་ཐམས་ཅད་ཀུན་ཏུ་ཟད་པར་བྱེད་པ། བརྣབ་སེམས་ཐམས་ཅད་དང་། རྒོད་
D257.066.0109a02.01པ་ཐམས་ཅད་དང་། མ་རིག་པ་ཐམས་ཅད་ཀུན་ཏུ་ཟད་པར་བྱེད་པ། འཇིག་ཚོགས་ལ་ལྟ་བ་ཐམས་ཅད་དང་། མཐར་འཛིན་པའི་ལྟ་བ་ཐམས་ཅད་དང་། ཐེ་ཙོམ་ཐམས་ཅད་དང་། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་ཐམས་ཅད་ཀུན་ཏུ་ཟད་པར་བྱེད་པ། རྟག་པར་
D257.066.0109a03.01ལྟ་བ་ཐམས་ཅད་དང་། ཆད་པར་ལྟ་བ་ཐམས་ཅད་ཀུན་ཏུ་ཟད་པར་བྱེད་པ། སེམས་ཅན་དུ་ལྟ་བ་ཐམས་ཅད་དང་། སྒྲིབ་པར་ལྟ་བ་ཐམས་ཅད་དང་། གསོ་བར་ལྟ་བ་ཐམས་ཅད་དང་། གང་ཟག་ཏུ་ལྟ་བ་ཐམས་ཅད་དང་། བྱེད་པ་པོར་ལྟ་བ་ཐམས་ཅད་དང་། ཚོར་བ་པོར་
D257.066.0109a04.01ལྟ་བ་ཐམས་ཅད་ཀུན་ཏུ་ཟད་པར་བྱེད་པ། གཟུགས་སུ་ལྟ་བ་ཐམས་ཅད་དང་། སྒྲར་ལྟ་བ་ཐམས་ཅད་དང་། དྲིར་ལྟ་བ་ཐམས་ཅད་དང་། རོར་ལྟ་བ་ཐམས་ཅད་དང་། རེག་བྱར་ལྟ་བ་ཐམས་ཅད་ཀུན་ཏུ་ཟད་པར་བྱེད་པ། རྨད་དུ་བྱུང་བ་ཆེན་པོར་ལྟ་བ་ཐམས་ཅད་དང་། སྐྱེ་
D257.066.0109a05.01བར་ལྟ་བ་ཐམས་ཅད་དང་། གནས་པར་ལྟ་བ་ཐམས་ཅད་ཀུན་ཏུ་ཟད་པར་བྱེད་པ་འདི་དང་། བདེན་པ་དང་རྗེས་སུ་འཐུན་པའི་བཟོད་པ་གཟུགས་ཀྱི་ཕུང་པོ་ཐམས་ཅད་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་བྱེད་པ་ནས། རྣམ་པར་ཤེས་པའི་ཕུང་པོ་ཐམས་ཅད་ཀྱི་བར་
D257.066.0109a06.01ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་བྱེད་པ། མིག་གི་དབང་པོ་ཐམས་ཅད་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་བྱེད་པ་ནས། ཡིད་ཀྱི་དབང་པོ་ཐམས་ཅད་ཀྱི་བར་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་བྱེད་པ་ཕུང་པོ་དང་། ཁམས་དང་།
D257.066.0109a07.01