完整藏文原文 · 德格版页 当前仅加载第 66 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་དེས་ན་དེར་སེམས་ཅན་རྣམས་ཀྱིས་ཐོས་པ་ཙམ་གྱིས་སྲེད་པ་ཆུང་ངུ་དང་། འབྲིང་དང་། རབ་དང་། སྲིད་པའི་རྒྱུ་ཉོན་མོངས་པ་རྣམས་རབ་ཏུ་ཞི་བར་འགྱུར་ཞིང་གཟུགས་དང་། གཟུགས་མེད་པའི་སྲིད་པའི་རྒྱུ་བྱེད་པའི་ཉོན་མོངས་པ་རྣམས་རབ་ཏུ་ཞི་བར་
D257.066.0124b01.01འགྱུར་བ་ཡིན་ནོ། །ཉོན་མོངས་པ་གང་གཱའི་ཀླུང་གི་བྱེ་མ་སྙེད་ཀྱང་བསྙིལ་བར་འགྱུར་རོ། །འགྲོ་བ་ལྔ་ལུས་དང་། ངག་དང་། ཡིད་ཀྱི་ཉེས་པར་སྤྱོད་པ་སྔོན་ཆད་བྱས་པ་འབྲས་བུ་མཐར་མ་ཕྱིན་པ་དང་མ་སྦྱངས་པ་ཐམས་ཅད་ཀྱང་ལྡོག་པར་འགྱུར་རོ། །རིག་སྔགས་
D257.066.0124b02.01ཀྱི་རྟེན་ལུང་སྟོན་པ་འདི་གང་གིས་རིས་འཐུན་པར་སེམས་རྩེ་གཅིག་པས་མཉན་ནས་ཉིན་ཞག་བདུན་དུ་ལས་གཞན་མི་བྱེད་པར་ཆོས་འདི་རྣམ་པར་སྒོམ་པར་བྱེད་ན་དགེ་བའི་ཕྱོགས་ཐམས་ཅད་ལས་ཡོངས་སུ་ཉམས་པར་བྱེད་པ་དང་། བགེགས་བྱེད་པ་དང་། ནོར་ཡོངས་སུ་
D257.066.0124b03.01ཉམས་པར་བྱེད་པ་དང་། སྡུག་པའི་དངོས་པོ་དང་བྲལ་བར་བྱེད་པ་དང་། ལུས་ལ་ཀུན་ཏུ་གནོད་པར་བྱེད་པ་དང་། སེམས་ཀུན་ཏུ་འཁྲུག་པར་བྱེད་པ་དང་། དགེ་བ་ཐམས་ཅད་ལ་མངོན་པར་མི་དགའ་བར་བྱེད་པ་དང་། མི་དགེ་བ་ཐམས་ཅད་ལ་མངོན་པར་དགའ་བར་
D257.066.0124b04.01བྱེད་པའི་སྡིག་པའི་ལས་དེ་དག་ཐམས་ཅད་མ་ལུས་པར་འབྲས་བུ་མི་སྒྲུབ་པར་ཟད་པར་འགྱུར་ཏེ། མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། ལྟུང་བའི་རྩ་བ་བྱུང་བ་ནི་མ་གཏོགས་སོ། །དེ་དགེ་བའི་རྩ་བ་དེ་ལྟ་
D257.066.0124b05.01བུ་ཀུན་ཏུ་སྤྱོད་པར་བྱེད་དེ། གལ་ཏེ་སྦྱིན་པའི་ཕ་རོལ་ཏུ་ཕྱིན་པ་ཀུན་ཏུ་རྩོམ་པར་བྱེད་ན་དེ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །བྱང་ཆུབ་སེམས་དཔའ་དང་། རྐྱེན་གྱི་རྒྱལ་བ་དང་། དགྲ་བཅོམ་པ་ཐམས་ཅད་ཀྱིས་ཀྱང་བྱིན་གྱིས་བརླབས་པར་
D257.066.0124b06.01འགྱུར་རོ། །དེའི་ཁྱིམ་ལོངས་སྤྱོད་ཟད་མི་ཤེས་པར་ཡང་འགྱུར་རོ་ཞེས་བྱ་བ་ནས་སྔར་གསུངས་པ་བཞིན་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གོམས་པར་བྱེད་ན་ལྷ་དང་། ལྷ་མ་ཡིན་དུ་བཅས་
D257.066.0124b07.01