完整藏文原文 · 德格版页 当前仅加载第 66 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བརྟག་པར་བྱ་སྟེ། འདི་ལྟར་གནས་མལ་སྣ་ཚོགས་ལ་སྐྱིལ་མོ་ཀྲུང་དུ་འདུག་ནས་དབང་པོ་ཐམས་ཅད་བསྡམས་པའི་རང་གི་སེམས་ཀྱིས་འདི་ལྟར་བརྟག་པར་བྱའོ། །བདག་གི་མིག་གཡས་པ་འདི་ནི་འབྱུང་བ་ཆེན་པོ་བཞི་ལས་གྱུར་པ། རྒྱུས་པས་འབྲེལ་
D257.066.0173b01.01པ་ཆུས་གང་བ་ཡིན་ཏེ། སྒྱུར་བར་བྱེད་པ་གཞན་གང་ཡང་མེད་ཀྱི་རླུང་རྣམས་ཡིན་ནོ། །གང་དག་མིག་གི་དབང་པོར་ཞུགས་ནས་སྐོར་བར་བྱེད་ཅིང་སྒྱུར་བར་བྱེད་པ་དེ་དག་ཀྱང་རླུང་རྣམས་སོ། །ཡོངས་སུ་སྦྱོང་བར་བྱེད་ཅིང་འབྱུང་བར་བྱེད་པ་དེ་དག་ནི་ནམ་མཁའ་
D257.066.0173b02.01ལ་རྟེན་པ་དག་གོ། །ནམ་མཁའ་དེ་ཡང་གཟུང་བ་མེད་པ། བརྗོད་དུ་མེད་པ། བདག་མེད་པའོ། །ཇི་ལྟར་ནམ་མཁའ་བདག་མེད་པ་དེ་བཞིན་དུ་རླུང་དེ་དག་ཀྱང་བདག་མེད་པའོ། །གང་དག་མིག་གི་དབང་པོ་ལ་འཇུག་ཅིང་སྐོར་བར་བྱེད། སྒྱུར་བར་བྱེད། ཡོངས་སུ་སྦྱོང་
D257.066.0173b03.01བར་བྱེད། འབྱུང་བར་བྱེད་པ་དེ་དག་ཀྱང་གཟུང་བ་མེད་པ། བརྗོད་དུ་མེད་པ། བདག་མེད་པ། དམིགས་པ་དང་བྲལ་བ་དག་གོ། །དེ་བཞིན་དུ་གང་མིག་གི་དབང་པོ་ལ་སའི་ཁམས་སྲ་བ་ཉིད་ཤིང་ནྱ་གྲོ་དྷའི་ས་བོན་ཙམ་ཡོད་པ་ཡང་མིག་ཐམས་ཅད་ལ་ཚུལ་བཞིན་དུ་
D257.066.0173b04.01ཡིད་ལ་བྱེད་པ་སྐྱེ་བས་སོ་སོར་བརྟགས་ནས་དེ་བདག་ཏུ་མི་དམིགས་སོ། །དེ་ལ་བདག་ཉིད་ཀྱིས་ནེམ་ནུར་མེད་པར་འགྱུར་རོ། །དེ་ལ་སའི་ཁམས་ལ་བདག་མེད་དེ། ཁམས་དེ་ཡང་གཟུང་བ་མེད་པ་བདག་མེད་པར་དམིགས་སོ། །དེ་བཞིན་དུ་དེ་ལ་ཆུའི་ཁམས་ལ་སོ་སོར་
D257.066.0173b05.01རྟོག་པར་བྱེད་དོ་ཞེས་བྱ་བ་ནས་དེ་བཞིན་དུ་མེའི་ཁམས་ཀྱི་བར་ལ་སོ་སོར་རྟོག་པར་བྱེད་དོ། །དེ་ལྟར་མིག་གི་བར་ལ་སོ་སོར་བརྟགས་པས་མིག་གི་འབྱུང་བ་ཆེན་པོ་རྣམས་ལ་བདག་མེད་པར་བདག་ཉིད་ཁོ་ནས་ནེམ་ནུར་མེད་པར་འགྱུར་རོ། །དེ་འདི་སྙམ་དུ་ཡང་སེམས་
D257.066.0173b06.01ཏེ། མིག་དང་གཟུགས་ལ་བརྟེན་ནས་རེག་པའི་བདག་ཏུ་གྱུར་ན་མི་རུང་ངོ་སྙམ་ནས་དེ་རླུང་དེ་ཡང་ནམ་མཁའི་ངོ་བོར་ཡང་ཚུལ་བཞིན་དུ་སོ་སོར་བརྟགས་ཏེ་དེ་ཐམས་ཅད་དུ་གང་དུ་ཡང་བདག་མི་དམིགས་སོ། །བརྟེན་ནས་རྣམ་པར་ཤེས་པ་འབྱུང་བ་ཡང་རྐྱེན་རྣམས་མེད་ན་མི་འབྱུང་སྟེ། མིག་དང་
D257.066.0173b07.01