完整藏文原文 · 德格版页 当前仅加载第 66 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྙིང་བརྩེ་བའི་སེམས་དང་ལྡན་པ་དང་། ལོག་པར་མི་ལྟུང་བའི་སེམས་དང་ལྡན་པ་དང་། བྱམས་པའི་སེམས་དང་ལྡན་པ་དང་། སྙིང་རྗེའི་སེམས་དང་ལྡན་པ་དང་། མི་ཉམས་པའི་ཆོས་ཅན་དུ་ཡང་དག་པར་བསྒྲུབ་པར་བགྱིའོ། །
D257.066.0182a01.01བཅོམ་ལྡན་འདས་ཀྱིས་བཀའ་སྩལ་པ། སྦྱིན་པ་ཆེན་པོ་ལ་ཡང་དག་པར་རྟེན་པ་ལེགས་སོ་ལེགས་སོ། །ཁྱོད་བརྩོན་པའི་བརྟུལ་བ་དེས་ཐེག་པ་ཆེན་པོ་རྣམ་པར་འཕེལ་བར་བྱེད་པར་འགྱུར་རོ། །ཡང་དེའི་ཚེ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་
D257.066.0182a02.01ཏོ། །བཙུན་པ་བཅོམ་ལྡན་འདས་འདུས་པ་ཆེན་པོའི་ལེའུ་འདི་བཤད་པ་ན། བཅོམ་ལྡན་འདས་ཀྱིས་བསྟན་པ་ཡང་དག་པར་འཛིན་པ་ཡོངས་སུ་སྐྱོང་བ་དང་། ཡོ་བྱད་དང་ཡང་དག་པར་ལྡན་པའི་སྦྱིན་པ་པོ་དང་། སྦྱིན་བདག་མང་པོ་གང་དག་མཆིས་པའི་རྐྱེན་དེས་
D257.066.0182a03.01སངས་རྒྱས་ཀྱི་ཞིང་འདིར་ཆོས་ཀྱི་ཚུལ་ལ་ཡུན་རིང་དུ་འབར་ཞིང་མི་ཉམས་པའི་ཆོས་ཅན་དུ་འགྱུར་ལགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་སྨྲས་པ། ཀྱེ་གསང་བ་པའི་བདག་པོ་ཅི་ནམ་མཁའ་ཡོངས་སུ་ཉམས་པ་མངོན་ནམ། སྨྲས་པ། གནས་
D257.066.0182a04.01ལ་སྒྲོ་བཏགས་པ་མེད་པའི་ཕྱིར་རོ། །སྨྲས་པ། ཅི་ཆོས་རྣམས་ཀྱི་ཡང་དག་པར་འདུ་བ་མངོན་ནམ། སྨྲས་པ། ཅི་ཡང་དག་པའི་མཐར་ཐུག་པའི་ཕྱིར་མི་མངོན་ནོ། །སྨྲས་པ་ཅི་ཡང་དག་པའི་མཐའ་དང་ནམ་མཁའ་མི་འདྲ་བར་མངོན་ནམ། སྨྲས་པ། འདི་ནི་ཐ་མི་དད་པ་
D257.066.0182a05.01ཉིད་དེ། ཐ་མི་དད་པ་ཉིད་ཀྱི་ཕྱིར་མི་འདྲ་བའོ། །སྨྲས་པ་ཅི་ནམ་མཁའ་དང་ཆོས་རྣམས་མི་འདྲའམ། སྨྲས་པ་ཅི་མི་གཡོ་བ་དང་མི་སྐྱེ་བའི་ཆོས་ཀྱི་དབྱིངས་སུ་འཇུག་པས་མི་འདྲ་བ་མེད་པ་ཉིད་དོ། །སྨྲས་པ་རིགས་ཀྱི་བུ་ཅི་འདུས་བྱས་དང་འདུས་མ་བྱས་ཀྱི་ཆོས་རྣམས་ཀྱི་ཐ་
D257.066.0182a06.01དད་པ་ཉིད་མི་མངོན་ནམ། སྨྲས་པ། ཇི་ལྟར་ཡང་དག་པའི་མཐའ་དང་དེ་བཞིན་ཉིད་ཐ་མི་དད་པ་ཉིད་ཡིན་པ་དེ་བཞིན་དུ་འདུས་བྱས་ཀྱི་ཆོས་རྣམས་ནམ་མཁར་སྒྲོ་བཏགས་པ་ཉིད་ཀྱི་ཕྱིར་ཐ་མི་དད་པ་ཉིད་དོ། །སྨྲས་པ་ཅི་ཡང་དག་པའི་མཐའ་དེ་བཞིན་དུ་འདུས་བྱས་ཀྱི་ཆོས་རྣམས་
D257.066.0182a07.01