完整藏文原文 · 德格版页 当前仅加载第 66 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩེགས་རྒྱལ་པོ་དེས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ཁྱེད་ཅག་ཐམས་ཅད་ལྷན་ཅིག་འཐུན་པར་སྲེད་མེད་ཀྱི་བུའི་མདོག་དང་། རྟགས་དང་། གཟུགས་དང་། དབྱིབས་དང་། སྤྱོད་ལམ་དང་། ཆ་བྱད་ཀྱིས་ཁྱེད་དེང་ཤིག །བཙུན་
D257.066.0128a01.01པ་བཅོམ་ལྡན་འདས་དེ་ལྟར་འཚལ་ལགས་སོ་ཞེས་ཀྱང་གསོལ་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྣང་བའི་སྙིང་པོ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་དང་ལྷན་ཅིག་ཏུ་སྲེད་མེད་ཀྱི་བུའི་མདོག་དང་། རྟགས་དང་། གཟུགས་
D257.066.0128a02.01དང་། དབྱིབས་དང་། སྤྱོད་ལམ་དང་། ཆ་བྱད་དུ་བདག་ཉིད་མངོན་པར་སྤྲུལ་ནས་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་དཔལ་བརྩེགས་རྒྱལ་པོའི་ཞབས་གཉིས་ལ་མགོ་བོས་ཕྱག་འཚལ་ཏེ། ལན་གསུམ་དུ་བསྐོར་བ་བྱས་ནས་དེ་ནས་ཆས་ཏེ་ཡུད་ཙམ་
D257.066.0128a03.01གཅིག་གིས་སངས་རྒྱས་ཀྱི་ཞིང་མི་མཇེད་འདིར་ཕྱིན་ཏོ། །སངས་རྒྱས་ཀྱི་ཞིང་མི་མཇེད་འདིར་དེ་དག་ཕྱིན་པ་ཙམ་གྱི་མོད་ལ་སངས་རྒྱས་ཀྱི་ཞིང་མི་མཇེད་ཐམས་ཅད་དུ་བཅོམ་ལྡན་འདས་ལ་མཆོད་པའི་ལས་བྱ་བའི་ཕྱིར་འཛམ་བུའི་ཆུ་བོའི་གསེར་གྱི་ཆར་པ་མངོན་པར་རབ་ཏུ་ཕབ་
D257.066.0128a04.01བོ། །དེ་དག་གླིང་བཞི་པ་བར་མ་འདི་ག་ལ་བ་དང་། ཡུལ་མ་ག་དྷཱའི་ཞིང་ག་ལ་བ་དེ་ལོགས་སུ་དོང་སྟེ། དོང་ནས་ཀྱང་བཅོམ་ལྡན་འདས་ཤཱཀྱ་ཐུབ་པའི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །བཅོམ་ལྡན་འདས་ནི་ད་དུང་ཡང་རྒྱལ་པོ་
D257.066.0128a05.01གཟུགས་ཅན་སྙིང་པོ་དང་ཐབས་ཅིག་ཆོས་ཀྱིས་གནས་པའི་གཏམ་རབ་ཏུ་མཛད་དོ། །ཡང་དེའི་ཚེ་བྱང་ཕྱོགས་ན་སངས་རྒྱས་ཀྱི་ཞིང་གང་གཱའི་ཀླུང་བརྒྱད་ཅུའི་བྱེ་མ་སྙེད་འདས་པ་དེ་ན་སངས་རྒྱས་ཀྱི་ཞིང་སྤོས་ཐམས་ཅད་ཡང་དག་པར་འཕགས་པ་ཞེས་བྱ་བ་ཡོད་དེ། སངས་རྒྱས་
D257.066.0128a06.01ཀྱི་ཞིང་སྙིགས་མ་ལྔ་དང་ལྡན་པར་གནས་པ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་མེ་ཏོག་གི་སྙིང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །འཁོར་དེར་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་
D257.066.0128a07.01