完整藏文原文 · 德格版页 当前仅加载第 66 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ནི་དེའི་བར་དུ་ཡང་རྒྱལ་པོ་གཟུགས་ཅན་སྙིང་པོ་དང་ཐབས་ཅིག་ཆོས་ཀྱིས་གནས་པའི་གཏམ་ཀུན་ཏུ་སྤྱོད་པར་མཛད་དོ། །ཡང་དེའི་ཚེ་ནུབ་ཕྱོགས་ལོགས་ཀྱི་ཕྱོགས་ཆ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་བཞི་བཅུ་རྩ་གཉིས་ཀྱི་བྱེ་མ་སྙེད་འདས་
D257.066.0121b01.01པ་དེ་ན། སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པར་གནས་པ་སྙིང་པོའི་རྒྱལ་མཚན་ཞེས་བྱ་བ་ཡོད་དོ། །སངས་རྒྱས་ཀྱི་ཞིང་སྙིང་པོའི་རྒྱལ་མཚན་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་དཔལ་བརྩེགས་རྒྱལ་པོ་ཞེས་བྱ་
D257.066.0121b02.01བ་བཞུགས་ཏེ། འཚོ་ཞིང་གཞེས་ལ་འཁོར་བཞི་པོ་རྣམས་ཀྱི་བསམ་པ་ཇི་ལྟ་བ་བཞིན་དུ་སེམས་ཅན་རྣམས་ལ་ཆོས་ཀྱང་སྟོན་ཏོ། །འཁོར་དེ་ན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྣང་བའི་སྙིང་པོ་དཔལ་ཞེས་བྱ་བ་ཆོས་མཉན་པའི་ཕྱིར་འདུས་ཏེ་འདུག་པར་
D257.066.0121b03.01གྱུར་ཏོ། །དེས་ཀྱང་གྱེན་དུ་རྣམ་པར་བལྟས་སོ། །དེས་སྟེང་གི་ནམ་མཁའ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་དཔག་ཏུ་མེད་པ་ནུབ་ཕྱོགས་ཀྱི་ཕྱོགས་ཆ་ནས་ཤར་ཕྱོགས་སུ་འགྲོ་བ་དག་མཐོང་ངོ་། །དེས་གང་དུ་བྱང་ཆུབ་སེམས་དཔའ་སེམས་དཔའ་ཆེན་པོ་
D257.066.0121b04.01དེ་དག་འདོང་བའི་ཤར་ཕྱོགས་ལ་རྣམ་པར་བལྟས་ཏེ། དེས་དེར་སྣང་བ་ཆེན་པོ་མཐོང་ནས་དེ་བཞིན་གཤེགས་པ་ཡེ་ཤེས་དཔལ་བརྩེགས་རྒྱལ་པོ་ལ་ཡོངས་སུ་ཞུས་སོ་ཞེས་བྱ་བ་ནས། དེ་བཞིན་གཤེགས་པ་ཡེ་ཤེས་དཔལ་བརྩེགས་རྒྱལ་པོ་དེས་བྱང་ཆུབ་སེམས་དཔའ་
D257.066.0121b05.01སེམས་དཔའ་ཆེན་པོ་སྣང་བའི་སྙིང་པོ་དཔལ་ལ་འདི་སྐད་ཅེས་བཀའ་སྩལ་ཏོ་ཞེས་བྱ་བའི་བར་དང་། རིགས་ཀྱི་བུ་ཤར་ཕྱོགས་ཀྱི་ཕྱོགས་ཆ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་བཞི་བཅུ་རྩ་གཉིས་ཀྱི་བྱེ་མ་སྙེད་འདས་ནས་སྙིགས་མ་ལྔ་དང་ལྡན་པར་
D257.066.0121b06.01གནས་པ་དེ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ་ཞེས་བྱ་བའི་བར་དང་། དེའི་ཚེ་དེ་ན་འདུས་པ་ཆེན་པོ་ཡོད་དེ། དེ་ན་དེ་བཞིན་
D257.066.0121b07.01