完整藏文原文 · 德格版页 当前仅加载第 66 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནམ། འོན་ཏེ་འདུས་མ་བྱས་ཀྱི་ཆོས་རྣམས་ཡིན། སྨྲས་པ། སྟོང་པ་ཉིད་སྒྲོ་བཏགས་པ་ཉིད་ཀྱི་ཕྱིར་ཡང་དག་པའི་མཐའ་དང་། དེ་བཞིན་ཉིད་དུ་འདུས་བྱས་དང་འདུས་མ་བྱས་དང་ཡང་དག་པར་ལྡན་པ་མ་ཡིན་ནོ། །ཡང་སྨྲས་པ། ཅི་སྟོང་པ་ཉིད་དུ་ཡང་དག་
D257.066.0182b01.01པར་འདུ་བ་ཡིན་ནམ། སྨྲས་པ། ཐེར་ཟུག་ཏུ་གནས་པ་མ་ཡིན་པ་དང་། རང་བཞིན་སྟོང་པ་ཉིད་དང་། འཇིག་པ་མེད་པ་ཉིད་ཀྱི་ཕྱིར་ཆོས་ཐམས་ཅད་ཡང་དག་པར་འདུ་བ་སྟོང་པ་ཉིད་དོ། །འདི་ལ་གང་སྟོང་པ་ཉིད་ཅེས་བྱ་བའི་དངོས་པོ་ཡང་མི་དམིགས་སོ། །
D257.066.0182b02.01རིགས་ཀྱི་བུ་ཇི་ལྟར་ངོ་བོ་ཉིད་ངོ་བོ་ཉིད་ཀྱིས་སྟོང་པ་དང་། མཚན་གྱི་གཞི་མཚན་གྱི་གཞིས་སྟོང་པ་དང་། མཚན་གྱི་གཞི་མེད་པ་མཚན་གྱི་གཞིས་སྟོང་པ་ཡིན་པ་དེ་བཞིན་དུ་ཚུལ་དེས་ཆོས་ཐམས་ཅད་ཤེས་པར་བྱའོ། །དེ་ཅིའི་ཕྱིར་ཞེ་ན། དེ་ལྟར་བརྗོད་དུ་མེད་པའི་ཕྱིར་
D257.066.0182b03.01ཆོས་ཐམས་ཅད་སྟོང་པ་ཉིད་ཀྱི་ཕྱིར་རོ། །འདི་ལྟར་ཆོས་ཐམས་ཅད་ཀྱི་དེའི་ངོ་བོ་ཉིད་ཉན་ཐོས་རྣམས་ཀྱིས་བྱས་པ་མ་ཡིན་ནོ། །རང་རྒྱལ་བ་རྣམས་ཀྱིས་མ་ཡིན་ནོ། །དེ་བཞིན་གཤེགས་པ་རྣམས་ཀྱིས་མཛད་པ་མ་ཡིན་ཏེ། དེ་ལྟར་ཡང་དག་པའི་མཐའ་དང་། དེ་
D257.066.0182b04.01བཞིན་ཉིད་དང་། འདུས་བྱས་དང་། འདུས་མ་བྱས་ཀྱི་ཆོས་ཉིད་ཐམས་ཅད་ནམ་མཁའ་དང་ཡང་དག་པར་ལྡན་པ་ཉིད་ཀྱི་ཕྱིར་མི་འདྲ་བ་མེད་པ་ཉིད་ནི་ཐ་མི་དད་པ་ཡིན་པར་ཤེས་པར་བྱའོ། །བསྟན་པ་འདི་བཤད་པ་ན་སྔོན་སྟོང་པ་ཉིད་ཀྱི་ཚུལ་ལ་ཡོངས་སུ་སྦྱང་བ་བྱས་པའི་སེམས་
D257.066.0182b05.01ཅན་དཔག་ཏུ་མེད་པ་ནི་སྔོན་གྱི་མི་དགེ་བའི་ལས་ཀྱི་སྒྲིབ་པ་ཟད་ཅིང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་ཐོབ་པར་གྱུར་ཏོ། །སེམས་ཅན་ཁྲག་ཁྲིག་ཕྲག་དགུ་བཅུ་རྩ་གཉིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་ཤིང་ཕྱིར་
D257.066.0182b06.01མི་ལྡོག་པའི་ཆོས་རྣམས་ལ་གནས་པར་གྱུར་ཏོ། །འཕགས་པ་འདུས་པ་ཆེན་པོ་ཐེག་པ་ཆེན་པོའི་མདོ། ཉི་མའི་སྙིང་པོའི་ལེའུ་བཅུ་གཅིག་པ་ལས་ཀུན་ཏུ་བསྲུང་བའི་ལེའུ་སྟེ་ལྔ་པ་རྫོགས་སོ།། །།ཡང་དེའི་ཚེ་རྒྱལ་པོ་གཟུགས་ཅན་སྙིང་པོ་དགའ་བ་དང་
D257.066.0182b07.01