完整藏文原文 · 德格版页 当前仅加载第 66 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་མོས་སྐྱེས་བུ་དམ་པ་དག་ལ་བསྟེན་པར་བྱའོ། །བསྙེན་པར་བྱའོ། །བསྙེན་བཀུར་བྱའོ། །དེ་དག་ལ་ཡང་གང་འདོད་པ་རྣམས་ཀྱི་རོ་མྱང་བ་དང་། ཉེས་དམིགས་དང་། ངེས་པར་འབྱུང་བ་ཡོངས་སུ་དྲི་བར་བྱའོ། །དེར་དེ་
D257.066.0149a01.01དག་ཆོས་ཐོས་ནས་གང་གི་ཕྱིར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་བར་དུ་འགྱུར་རོ། །སྐྱེས་བུ་དམ་པ་རྣམས་ཞེས་བྱ་བ་ནི་སངས་རྒྱས་དང་། བྱང་ཆུབ་སེམས་དཔའ་རྣམས་དང་། རྐྱེན་གྱི་རྒྱལ་བ་རྣམས་
D257.066.0149a02.01དང་། དགྲ་བཅོམ་པ་རྣམས་དང་། ད་ལྟར་འཇིག་རྟེན་དུ་སྟོན་པ་ང་བྱུང་ངོ་ཞེས་བྱ་བ་ནས་སངས་རྒྱས་བཅོམ་ལྡན་འདས་སོ་ཞེས་བྱ་བའི་བར་ཡིན་ཏེ། ང་ནི་སེམས་ཅན་ཐམས་ཅད་ལ་ཕན་པར་བཞེད་པ། སྡུག་བསྔལ་ཐམས་ཅད་ལས་རབ་ཏུ་ཐར་བར་བཞེད་པ།
D257.066.0149a03.01འདོད་པའི་སྐྱོན་ཐམས་ཅད་རབ་ཏུ་སྟོན་པར་བཞེད་པ་ཡིན་ནོ། །དེ་བས་ན་འདིར་ཁྱེད་ཇི་སྙེད་ལྷགས་པ་ཐམས་ཅད་ང་གཞན་མ་ཡིན་པར་གསུང་བ། མི་མཉམ་པ་མེད་པར་གསུང་བ། བྱམས་པར་གསུང་བ། སྙིང་རྗེ་བར་གསུང་བ། སེམས་ཅན་ཐམས་ཅད་ལ་ཕན་པར་མཛད་པ་
D257.066.0149a04.01ལས་འདོད་པ་རྣམས་ཀྱི་ཉེས་དམིགས་ཡང་དག་པ་ཇི་ལྟ་བ་བཞིན་ཉོན་ཅིག །མཉན་ནས་ཀྱང་ཚུལ་བཞིན་དུ་ཡིད་ལ་བྱོས་ཤིག་དང་། ཕྱིས་ངན་སོང་གསུམ་པོ་ཐམས་ཅད་ལས་ཡོངས་སུ་ཐར་བར་འགྱུར་ཞིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
D257.066.0149a05.01པར་འཚང་རྒྱ་བར་འགྱུར་རོ། །ཡང་དེའི་ཚེ་སངས་རྒྱས་ཀྱི་ཞིང་མི་མཇེད་ཐམས་ཅད་དུ་གཏོགས་པའི་སེམས་ཅན་དེ་དག་ཐམས་ཅད་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་འདོད་པ་རྣམས་ཀྱི་ཉེས་དམིགས་གང་བདག་ཅག་གིས་སེམས་རྩེ་གཅིག་
D257.066.0149a06.01པས་ཐོས་པར་འགྱུར་བ་བཤད་དུ་གསོལ། ཐོས་ནས་ཀྱང་སྟོབས་ཇི་ལྟ་བ་བཞིན་དུ་བསྒྲུབ་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྐྱེན་བཞིས་སེམས་ཅན་དག་གི་འདོད་པ་རྣམས་འབྱུང་སྟེ། བཞི་གང་ཞེ་ན། གཟུགས་ཀྱི་འདོད་ཆགས་དང་། དབྱིབས་
D257.066.0149a07.01