完整藏文原文 · 德格版页 当前仅加载第 66 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ང་ལ་བསྐུར་བ་འདུས་པ་འདིར་ངས་བཤད་པ་ལ་དད་པ་སྦྱིན་པར་མཛད་པ་སྟོང་པ་ཉིད་དང་རྗེས་སུ་འཐུན་པའི་གཟུངས་སྔགས་ལྷ་དང་བཅས་པའི་འཇིག་རྟེན་གྱི་མདུན་དུ་ངས་བཤད་པར་བྱའོ། །འདི་ལྟར་འདི་ནི་འདིར་ངས་བཤད་ན་སེམས་ཅན་གྲངས་མེད་དཔག་ཏུ་མེད་པའི་དོན་བྱེད་
D257.066.0159b01.01པ་ཡིན་ཞིང་འདིར་སེམས་ཅན་རྣམས་ཀྱིས་མངོན་སུམ་དུ་གྱུར་པར་འགྱུར་རོ། །ཀཽ་ཌི་ནྱ་དེའི་ཕྱིར་ཁྱོད་ཅེས་བྱ་བ་ནས་བཅོམ་ལྡན་འདས་དེས་དེ་ལ་འདི་སྐད་ཅེས་བཀའ་སྩལ་ཏོ་ཞེས་བྱ་བའི་བར་ཏོ། །ཀཽ་ཌི་ནྱ་འདི་ལ་སེམས་ཅན་གང་དག་འདོད་ཆགས་ཀྱི་རྒྱགས་པས་མྱོས་ཤིང་ངེས་པར་
D257.066.0159b02.01འབྱུང་བར་མི་ལྟ་བས་གནས་པ་དེ་དག་ཡུན་རིང་པོར་འཁོར་བར་བྱེད་པར་འགྱུར་རོ། །ཡུན་རིང་པོར་ངན་སོང་གསུམ་དུ་སྡུག་བསྔལ་གྱི་ཚོར་བ་རྩུབ་པ་མི་ཟད་པ་མྱོང་བར་འགྱུར་རོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྙིང་རྗེ་ཆེན་པོ་སྐྱེས་ཏེ། དེ་ནས་བྱང་
D257.066.0159b03.01ཆུབ་སེམས་དཔའ་སེམས་དཔའ་ཆེན་པོ་སྙིང་རྗེའི་སྟོབས་ཆེན་པོ་དང་། བརྩོན་འགྲུས་དང་། བརྩོན་པ་དང་། བརྟུལ་བ་ཆེན་པོས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་ཚོལ་བར་བྱེད་དོ། །དེ་དག་མྱུར་དུ་མངོན་པར་རྫོགས་པར་འཚང་རྒྱའོ། །
D257.066.0159b04.01སེམས་ཅན་རྣམས་ངན་སོང་གསུམ་ལས་བསྒྲལ་བའི་ཕྱིར་ངེས་པར་འབྱེད་པ་དང་། ངེས་པར་འབྱིན་པ་དང་། གཅེས་སྤྲས་བྱེད་པས་ཡང་དག་པར་སྡུག་བསྔལ་ཟད་པར་འགྲོ་བར་བྱ་བའི་ཕྱིར་ཆོས་སྟོན་ཏོ། །སེམས་ཅན་གང་དག་ཆོས་བསྟན་པ་དེ་ཉན་པར་བྱེད་ཅིང་སྡུག་
D257.066.0159b05.01བསྔལ་ལས་ངེས་པར་འབྱུང་བར་ལྟ་བ་དེ་དག་འབྲས་བུ་དང་པོ་ཐོབ་པར་བྱེད་དོ་ཞེས་བྱ་བ་ནས་འབྲས་བུ་བཞི་པའི་བར་དུ་ཐོབ་པར་བྱེད་དོ། །ཡང་ན་གལ་ཏེ་གང་དག་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་ཡེ་ཤེས་ཡོངས་སུ་བཙལ་བར་བྱ་བའི་ཕྱིར་འཁོར་བའི་སྡུག་བསྔལ་
D257.066.0159b06.01འཇིགས་སུ་རུང་བ་རྣམས་ལ་སྤྲོ་བར་བྱེད་པ་དེ་དག་བླ་ན་མེད་པའི་ཡེ་ཤེས་རྗེས་སུ་ཐོབ་ནས་སེམས་ཅན་རྣམས་འདོད་པ་དག་ལ་ངེས་པར་འབྱུང་བར་བྱ་བའི་ཕྱིར་ཆོས་སྟོན་པར་མཛད་དེ། དཔེར་ན་ད་ལྟར་ང་བཞིན་ནོ། །ཀཽ་ཌི་ནྱ་དེ་ལ་རེག་པའི་འདོད་ཆགས་གང་ཞེ་ན། སེམས་ཅན་
D257.066.0159b07.01