完整藏文原文 · 德格版页 当前仅加载第 66 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་ཅིང་སེམས་ཅན་ཐམས་ཅད་ཀྱིས་སེམས་པར་བྱེད་ན་གལ་ཏེ་དེ་དག་ལ་ལྷ་དང་ལྷ་མ་ཡིན་དུ་བཅས་པའི་འཇིག་རྟེན་ན་སེམས་ཅན་ལ་ལ་ཕ་རོལ་ཏུ་ཕྱིན་པ་དེ་དང་དེ་དག་གི་བར་ཆད་བྱེད་པར་ནུས་པ་ཞིག་ཡོད་ན་སེམས་ཅན་དེ་དག་གི་དགེ་བའི་ཕྱོགས་འཕེལ་བ་བརྒྱ་
D257.066.0135a01.01སྟོང་དུ་མར་གྱུར་ཅིག །སྔོན་གྱི་ལས་ཀྱི་འབྲས་བུའི་རྒྱུ་ནི་མ་གཏོགས་སོ། །བདག་ཀྱང་རེ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །གང་ཡང་བུད་མེད་བུ་ལ་མངོན་པར་དགའ་བ་ཞེས་བྱ་བ་ནས། བུའི་ཁུར་
D257.066.0135a02.01གྱིས་སྐྱོ་བ་ཞེས་བྱ་བའི་བར་དང་། གང་བུད་མེད་སྦྲུམ་པ་ཞེས་བྱ་བའི་བར་བདག་ལ་ཕྱག་འཚལ་བར་བྱེད་ཅིང་། སེམས་ཅན་ཐམས་ཅད་ཀྱིས་དགའ་བ་དང་། གུས་པ་དང་། དད་པས་བདག་གི་མིང་ཡོངས་སུ་སྒྲོགས་པར་བྱེད་ལ། གལ་ཏེ་མའམ་མངལ་ན་ཡོད་པ་དེ་ལ་
D257.066.0135a03.01མིའམ་མི་མ་ཡིན་པ་སྡང་བའི་སེམས་ཀྱིས་རྣམ་པར་ཐོ་འཚམ་པར་བྱེད་དམ། སྨན་དང་། གསང་སྔགས་ཀྱི་སྦྱོར་བས་ཀྱང་རུང་སྟེ། ལུས་ཀུན་ཏུ་འཁྲུག་པར་བྱེད་དམ། སེམས་ཀུན་ཏུ་འཁྲུག་པར་བྱེད་དམ་ཞེས་བྱ་བ་ནས་བཙས་པ་ཙམ་གྱི་བར་ལ་ཡང་ཐ་ན་ཡུད་ཙམ་གཅིག་
D257.066.0135a04.01ཙམ་ཡང་རྣམ་པར་ཐོ་འཚམ་པར་བྱེད་ན། བདག་རེ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མ་གྱུར་ཅིག་ཅེས་སྔོན་ང་བྱང་ཆུབ་སེམས་དཔར་གྱུར་པའི་སྨོན་ལམ་དེ་ལྟ་བུ་བཏབ་བོ། །དེ་བཞིན་དུ་ད་ལྟར་ཡང་སེམས་ཅན་གང་དག་
D257.066.0135a05.01སངས་རྒྱས་ཀྱི་ཞིང་ཐམས་ཅད་ན་སྡུག་བསྔལ་དེ་ལྟ་བུས་གཟིར་བ་དག་ཀྱང་ཞེས་བྱ་བ་ནས། ཇི་ལྟར་སྔར་བསྟན་པ་བཞིན་སེམས་ཅན་ཐམས་ཅད་ཀྱིས་དགའ་བ་དང་། གུས་པ་དང་། དང་བས་བདག་གི་མིང་ཡོངས་སུ་སྒྲོགས་པར་བྱེད་པ་ཐམས་ཅད་སྡུག་བསྔལ་དེ་དག་ལས་ཡོངས་
D257.066.0135a06.01སུ་གྲོལ་བར་འགྱུར་ཏེ་གཞན་དུ་མ་ཡིན་ནོ། །སྦྱངས་པ་མ་ཡིན་ན་སྔོན་གྱི་ལས་ཀྱི་འབྲས་བུའི་རྒྱུ་ནི་མ་གཏོགས་སོ།། །།འཕགས་པ་ཤིན་ཏུ་རྒྱས་པ་ཆེན་པོའི་སྡེ་ཉི་མའི་སྙིང་པོ་ཞེས་བྱ་བའི་མདོ། བམ་པོ་ལྔ་པ། དེས་འདི་སྐད་ཅེས་གསོལ་ཏོ། །བཙུན་
D257.066.0135a07.01