完整藏文原文 · 德格版页 当前仅加载第 66 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ། །ཡང་དེའི་ཚེ་སངས་རྒྱས་ཀྱི་ཞིང་འདི་ཕྱོགས་བཅུའི་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་སྟོང་པ་དང་། སྟོང་པ་མ་ཡིན་པ་དག་དང་། ཡོངས་སུ་དག་པ་དང་། ཡོངས་སུ་དག་པ་མ་ཡིན་པ་དག་ན་ཀུན་ནས་ལྷམ་མེ། ལྷན་ནེ། ལྷང་ངེར་ཡང་དག་པར་
D257.066.0094b01.01སྣང་བ་ནི་འདི་ལྟ་སྟེ། མཚན་མོ་མུན་པ་བྱུང་བ་ན་ཟླ་བ་དང་། ཉི་མ་བརྒྱ་སྟོང་ཤར་ནས་ལྷམ་མེ། ལྷན་ནེ། ལྷང་ངེ་བ་བཞིན་ཏེ། དེ་ལྟར་དེའི་ཚེ་མི་མཇེད་ཀྱི་སངས་རྒྱས་ཀྱི་ཞིང་ཡང་ཕྱོགས་བཅུའི་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་སྟོང་པ་དང་། སྟོང་པ་མ་ཡིན་པ་དག་
D257.066.0094b02.01དང་། ཡོངས་སུ་དག་པ་དང་། ཡོངས་སུ་མ་དག་པ་དག་ན་ཀུན་ནས་མཆོག་ཏུ་ལྷམ་མེ། ལྷན་ནེ། ལྷང་ངེར་གྱུར་ཏོ། །དེ་ནས་སངས་རྒྱས་ཀྱི་ཞིང་དེ་དང་དེ་དག་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཡོད་པ་དང་། གང་དག་བསྐལ་པ་བརྒྱས་ངེས་པར་བྱུང་བ་དག་
D257.066.0094b03.01དང་། གང་དག་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ལ་གཞན་ལ་རག་མ་ལས་པའི་ཡེ་ཤེས་ལ་མཁས་པ་དག་དང་། མི་འཇིགས་པ་ཐོབ་པའི་བར་དེ་དག་སངས་རྒྱས་ཀྱི་མཐུས་དེ་ནས་ཆས་ཏེ། སེམས་ཀྱི་སྐད་ཅིག་མ་གཅིག་དང་ལྡན་པས་སངས་རྒྱས་ཀྱི་ཞིང་འདིར་ཞུགས་
D257.066.0094b04.01ནས་གནས་ཇི་ལྟ་བ་བཞིན་ས་སྟེང་དུ་སྐྱིལ་མོ་ཀྲུང་གིས་འཁོད་པར་གྱུར་ཏོ། །དེ་བཞིན་དུ་རང་རང་གི་དགེ་བའི་ཕྱོགས་ལ་ནན་ཏན་དག་ཏུ་བྱེད་ཅིང་ཇི་ལྟར་དགེ་བའི་ཕྱོགས་ཀྱི་སྟོབས་བསྐྱེད་པ་ཐོབ་པ་དེ་དག་དང་། མི་འཇིགས་པའི་རྒྱུ་དང་རྐྱེན་དང་ལྡན་པ་དེ་དག་གི་ལུས་ལས་དེ་འདྲ་བ་ཁོ་
D257.066.0094b05.01ནའི་འོད་བྱུང་བར་གྱུར་ཏོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་གྱིས་ཡོངས་སུ་བསྐོར་ནས་ཉན་ཐོས་ཆེན་པོ་རྣམས་ལ་བཀའ་སྩལ་པ། ཁྱེད་བསམ་གཏན་གྱི་ཡུལ་གྱི་མཐུ་ལ་ལྟོས་ཤིག །བྱིན་གྱི་རླབས་ཀྱི་རྒྱུས་བདུད་ཐམས་ཅད་ཀྱི་ཡུལ་དང་། ཀླུ་ཐམས་ཅད་ཀྱི་
D257.066.0094b06.01ཡུལ་ཟིལ་གྱིས་མནན་ནས། སྔོན་གྱི་དེ་བཞིན་གཤེགས་པ་ཐམས་ཅད་ཀྱིས་འདིར་ཆོས་ཀྱི་ཚུལ་དང་། དཀོན་མཆོག་གསུམ་གྱི་གདུང་རྒྱུན་མི་འཆད་པའི་ཕྱིར་དང་། གསལ་བར་མཛད་པའི་ཕྱིར་མི་མཇེད་ཀྱི་སངས་རྒྱས་ཀྱི་ཞིང་འདི་ཐམས་ཅད་ཡོངས་སུ་སྤྱད་པ་མཛད་དོ། །དེ་བཞིན་
D257.066.0094b07.01