完整藏文原文 · 德格版页 当前仅加载第 66 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་ཡང་ནི་འགྲོ་བར་ཤོག །འཛམ་གླིང་འདི་ལ་སྟོན་པར་ཤོག །དེ་བཞིན་ཁྱེད་ཅག་ཐམས་ཅད་ཀྱིས། །དེ་ལ་དམོད་པ་བོར་བར་གྱིས། །དེ་བཞིན་འགྲོ་ལ་བསྟན་པར་གྱིས། །ཀུན་གྱིས་སྨྲས་པ། དེ་བཞིན་རྟག་ཏུ་གྱུར་པར་ཤོག །མི་ཟད་པ་ཡི་བྱ་
D257.066.0199a01.01བ་གྱིས། །ཁྱོད་ཀྱིས་སྤྱོད་པས་གང་སྐྱེ་བ། །མི་ཡི་ཐུ་བོ་མི་བཟད་འགྱུར། །དེ་ཡི་མངལ་འཇུག་ཆུ་སྟོད་ཡིན། །བྲ་ཉེ་ལ་ནི་སྐྱེས་པའི་མི། །འཆི་བའི་ཚེ་ན་ལྷ་མཚམས་དང་། །ཁྲུམས་སྟོད་ཅེས་ནི་བྱ་བ་ཡིན། །འདི་ལ་མཁས་པས་བརྟག་བྱ་སྟེ། །ས་རི་
D257.066.0199a02.01མོན་གྲུ་མ་ཡིན་གཞི། །དམག་འགྲོ་རྩོད་པའི་གནས་དག་གིས། །བྱ་སྤང་སྤུ་གྲིའི་ལས་མི་བྱ། །སྣར་མ་མེ་བཞི་བྱི་བཞིན་ནི། །རྒུད་བྱེད་དགྲ་རྣམས་ཁྱོད་ཀྱིས་གཞོམ། །ཁྱོད་ཀྱིས་ལས་ནི་ཆེ་ཆུང་ཀུན། །གྲེ་ཡི་ཚེ་ན་བྱ་བར་གྱིས། །ཆུ་སྨད་དང་ནི་དབོ་ཡང་ནི། །
D257.066.0199a03.01ཕུན་སུམ་ཚོགས་པ་བྱེད་པར་བྱེད། །སྨན་རྣམས་བརྟེན་བྱ་སྦྱིན་དང་དུལ། །གོས་དང་རྒྱན་གྱི་བྱ་བའང་བརྗོད། །མགོ་དང་ནག་པ་ཞེས་བྱ་དང་། །གྲོ་བཞིན་མཆུ་ནི་བདེ་བར་བྱེད། །ས་ག་ནབ་སོ་མོན་གྲེ་སྟེ། །དེ་དག་ལམ་འཇུག་སྒྲུབ་པ་ཡིན། །སྐག་དང་སྣྲུབས་ཞེས་བྱ་བ་
D257.066.0199a04.01དང་། །ཐ་སྐར་དང་ནི་མཆུ་དང་གྲེ། །གྲོགས་པོ་མཆོག་ཏུ་འགྱུར་བ་ཡིན། །བསྒྲུབ་ཏུ་མི་རུང་ལས་ཀྱང་གྱིས། །འདི་ཚེ་ཁྲི་བཞོན་གོས་དང་མལ། །མཛའ་བོ་རྣམས་ལའང་བརྩམ་པར་བྱ། །ཉི་མའི་བུ་ནི་མིག་དམར་ཏེ། །དྲང་སྲོང་ཆེན་པོ་དེར་དཔང་བཙུགས། །བཅུ་
D257.066.0199a05.01གཉིས་ཁྱིམ་དུས་གནས་དེ་ནས། །དེར་ཡོད་ལས་འཐུན་གྲིབ་གོམ་དྲུག །དེར་ནི་དུས་ཀྱང་མཉམ་པ་ཡིན། །ཉིན་དང་མཚན་ཀྱང་མཚུངས་པ་ཡིན། །དེ་ཡོད་ཐ་སྐར་མཚན་མོ་གང་། །ལྷ་མཚམས་ཉིན་པར་གནས་པ་ན། །ཁྱོད་ཀྱིས་ང་ནི་སྤང་བར་གྱིས། །མཁའ་
D257.066.0199a06.01ལ་སྤྱོད་ཅིང་ཁྱོད་ཀྱིས་སྟོན། །གླིང་བཞི་པ་ནི་མགུ་བྱའི་ཕྱིར། །འདི་ནི་ཇི་ལྟར་ལྷགས་པ་བཞིན། །ངས་འདིར་གང་ཞིག་ཡང་དག་བརྗོད། །ལྷ་ཡི་དྲང་སྲོང་ཀུན་དགའ་གྱུར། །དེ་བཞིན་ཁྱོད་ནི་ཀུན་དུ་སོང་། །སྨིན་དྲུག་དེ་བཞིན་མེ་ཡི་ལྷ། །བདག་ཉིད་གླིང་བཞི་དེར་
D257.066.0199a07.01