完整藏文原文 · 德格版页 当前仅加载第 66 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བཅོམ་ལྡན་འདས་ཀྱི་ཕྱིར་ལྷ་རྫས་ཀྱི་བཻ་དཱུརྱའི་ཐེམ་སྐས་དུས་ཀྱི་རྗེས་སུ་འབྲང་བའི་ཙན་དན་གྱི་ཕྱེ་མ་སྣ་ཚོགས་བཀྲམ་པ་སྤྲུལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་ཐེམ་སྐས་ལས་གཤེགས་པར་གསོལ། ལྷའི་བུ་རབ་འཐབ་བྲལ་གྱིས་
D257.066.0220b01.01བཅོམ་ལྡན་འདས་ཀྱི་ཕྱིར་ལྷ་རྫས་ཀྱི་བཻ་དཱུརྱའི་ཐེམ་སྐས་ལྷ་རྫས་ཀྱི་ཕྱེ་མ་སྣ་ཚོགས་བཀྲམ་པ་སྤྲུལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་ཐེམ་སྐས་ལས་གཤེགས་པར་གསོལ། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཀྱང་བཅོམ་ལྡན་
D257.066.0220b02.01འདས་ཀྱི་ཕྱིར་མུ་ཏིག་དམར་པོའི་ཐེམ་སྐས་ལྷ་རྫས་ཀྱི་ཙན་དན་གྱི་ཕྱེ་མ་སྣ་ཚོགས་དང་། རིན་པོ་ཆེའི་དྲ་བ་སྣ་ཚོགས་ཀྱིས་ཡོངས་སུ་ཁེབས་པ་སྤྲུལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་ཐེམ་སྐས་ལས་གཤེགས་པར་གསོལ། རྒྱལ་པོ་ཆེན་པོ་
D257.066.0220b03.01བཞིས་ཀྱང་བཅོམ་ལྡན་འདས་ཀྱི་ཕྱིར་ལྷ་རྫས་ཀྱི་རིན་པོ་ཆེ་རྡོའི་སྙིང་པོ་ལས་བྱས་པ་ལྷ་རྫས་ཀྱི་རས་བཅོས་བུ་སྣ་ཚོགས་ཀྱིས་རབ་ཏུ་ཁེབས་པའི་ཐེམ་སྐས་དེ་ཉིད་སྤྲུལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གི་ཐེམ་སྐས་ལས་རི་རབ་ཀྱི་རྩེ་མོར་
D257.066.0220b04.01གཤེགས་པར་གསོལ། ལྷ་མ་ཡིན་གྱི་དབང་པོ་བཞི་འཁོར་དང་བཅས་པས་ཀྱང་བཅོམ་ལྡན་འདས་ཀྱི་ཕྱིར་ལྷ་རྫས་ཀྱི་སྤུག་གི་ཐེམ་སྐས་ལྷ་རྫས་ཀྱི་གསེར་གྱི་ཕྱེ་མ་སྣ་ཚོགས་ཀྱིས་ཡོངས་སུ་ཁེབས་པ་དེ་ཉིད་དུ་སྤྲུལ་ནས་འདི་སྐད་ཅེས་གསོལ་ཏོ། །བཅོམ་ལྡན་
D257.066.0220b05.01འདས་བདག་ཅག་གི་ཐེམ་སྐས་ལས་རི་རབ་ཀྱི་རྩེ་མོར་གཤེགས་པར་གསོལ། དེ་ནས་བཅོམ་ལྡན་འདས་དེ་དག་ལ་ཐུགས་བརྩེ་ནས་བདག་ཉིད་འདུན་པས་བདག་དང་འདྲ་བའི་སངས་རྒྱས་ཀྱི་སྐུ་དྲུག་སྤྲུལ་ནས་སངས་རྒྱས་བདུན་པོ་དེ་དག་ལྷའི་དབང་པོ་དང་། ལྷ་མ་
D257.066.0220b06.01ཡིན་གྱི་དབང་པོ་ཐམས་ཅད་ཀྱི་མདུན་དུ་ཉན་ཐོས་ཀྱིས་མདུན་དུ་བདར་ཅིང་བྱང་ཆུབ་སེམས་དཔའི་དགེ་འདུན་གྱིས་ཡོངས་སུ་བསྐོར་ནས་བཅོམ་ལྡན་འདས་བཀོད་པ་ཆེན་པོ་དེ་ལྟ་བུས་རི་རབ་ཀྱི་རྩེ་མོར་གཤེགས་སོ། །སངས་རྒྱས་བདུན་པོ་དེ་དག་མཆོག་ཏུ་ལྷན་ནེ་
D257.066.0220b07.01