完整藏文原文 · 德格版页 当前仅加载第 31 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །རིགས་ཀྱི་བུ་ཁྱོད་དེ་ལྟར་ཡི་དམ་ལ་བརྟན་པ་ནི་ལེགས་སོ་ལེགས་སོ། །འདི་ལྟ་བུའི་ཆོས་འདོད་པས་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་གིས་ཀྱང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན།
D10.031.0191b01.01ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་ལ་མཁས་པ་ཡོངས་སུ་རྫོགས་པར་མཛད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །རིགས་ཀྱི་བུ་ཁོ་བོ་ལ་སྙིང་དང་། ཁྲག་དང་། རུས་པ་དང་། རྐང་གིས་
D10.031.0191b02.01བྱ་བ་མེད་ཀྱི། ཁོ་བོ་ཁྱོད་སད་པའི་ཕྱིར་འདིར་འོངས་ཀྱིས་རིགས་ཀྱི་བུ་ཁྱོད་ཀྱིས་དམ་པ་སློངས་ཤིག །རིགས་ཀྱི་བུ་ཁྱོད་ལ་དམ་པ་ཇི་ལྟ་བུ་ཞིག་སྦྱིན་པར་བྱ། དེས་དེ་ལ་སྨྲས་པ། བརྒྱ་བྱིན་སངས་རྒྱས་ཀྱི་ཆོས་བླ་ན་མེད་པ་དག་བདག་ལ་སྩོལ་ཅིག །
D10.031.0191b03.01བརྒྱ་བྱིན་གྱིས་སྨྲས་པ། རིགས་ཀྱི་བུ་ཡུལ་འདི་ཁོ་བོའི་ཡུལ་དུ་གྱུར་པ་མ་ཡིན་ཏེ། ཡུལ་འདི་སངས་རྒྱས་བཅོམ་ལྡན་འདས་རྣམས་ཀྱི་ཡུལ་དུ་གྱུར་པ་ཡིན་གྱིས། དམ་པ་གཞན་སློངས་ཤིག །བྱང་ཆུབ་སེམས་དཔའ་རྟག་ཏུ་ངུས་སྨྲས་པ། བདག་
D10.031.0191b04.01གི་ལུས་ཡོངས་སུ་རྫོགས་པར་བྱ་བའི་གནས་འདི་ལ་ནི། ལྷའི་དབང་པོ་བརྩོན་པ་ཆུང་བར་གྱིས་ཤིག །ལྷའི་དབང་པོ་བདག་ཉིད་ཀྱིས་བདེན་པའི་བྱིན་གྱིས་རླབས་བྱའོ། །ལྷའི་དབང་པོ་བདེན་པ་གང་གིས་བདག་བླ་ན་མེད་པ་ཡང་དག་པར་རྫོགས་པའི་བྱང་
D10.031.0191b05.01ཆུབ་ལས་ཕྱིར་མི་ལྡོག་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ལུང་བསྟན་ཅིང་བདག་གི་ལྷག་པའི་བསམ་པ་གཡོ་མེད་པར་མཁྱེན་ཅེ་ན། བདེན་པ་དེ་དང་། བདེན་པའི་ཚིག་དེས། བདག་གི་ལུས་སྔོན་གྱི་
D10.031.0191b06.01བཞིན་དུ་གྱུར་ཅིག་ཅེས་བྱས་པ་དང་། སྐད་ཅིག་ཐང་ཅིག་ཡུད་ཙམ་དེ་ཉིད་ལ། སངས་རྒྱས་ཀྱི་མཐུ་དང་། ལྷག་པའི་བསམ་པ་ཡོངས་སུ་དག་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་ངུའི་ལུས་སྔོན་གྱི་བཞིན་དུ་གནས་པར་གྱུར་ཏོ། །དེ་
D10.031.0191b07.01