完整藏文原文 · 德格版页 当前仅加载第 31 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
ན། དེ་ལ་ལམ་བསྒོམ་པ་གང་ལ་བརྟེན་ནས་ཀུན་ནས་ཉོན་མོངས་པར་ཡང་མི་འགྱུར་ལ། རྣམ་པར་བྱང་བར་ཡང་མི་འགྱུར་བའི་ལམ་བསྒོམ་པ་ལྟ་ག་ལ་མཆིས་ལགས། བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། ཆུ་ཀླུང་དང་། སྨན་ལྗོངས་དང་། ནགས་ཐིབས་པོ་དང་།
D10.031.0141b01.01རི་ཁྲོད་དང་། བྱ་སྐྱིབས་དག་ནས་བྲག་ཅ་བྱུང་བར་གྱུར་ན། བྲག་ཅ་དེ་ལ་ལས་གང་མངོན་པར་འདུས་བྱས་པས་སེམས་ཅན་དམྱལ་བར་འགྲོ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་དུ་འགྲོ་བའམ། མི་རྣམས་སམ། འདོད་པ་ན་སྤྱོད་པའི་ལྷ་རྣམས་སམ།
D10.031.0141b02.01གཟུགས་ན་སྤྱོད་པའི་ལྷ་རྣམས་སམ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་གྱི་ལྷ་རྣམས་སུ་འགྲོ་བར་འགྱུར་བའི་ལས་མངོན་པར་འདུ་བྱེད་པ་འགའ་ཞིག་ཡོད་སྙམའམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བཅོམ་ལྡན་འདས་བྲག་ཅ་དེ་ཉིད་
D10.031.0141b03.01ཀྱང་དངོས་པོ་མ་མཆིས་པ་ལགས་ན། དེའི་ལས་གང་མངོན་པར་འདུས་བགྱིས་པས། སེམས་ཅན་དམྱལ་བར་མཆི་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་དུ་མཆི་བའམ། མིའམ། འདོད་པ་ན་སྤྱོད་པའི་ལྷ་རྣམས་སམ། གཟུགས་ན་སྤྱོད་པའི་ལྷ་རྣམས་
D10.031.0141b04.01སམ། གཟུགས་མ་མཆིས་པ་ན་སྤྱོད་པ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་གྱི་ལྷ་རྣམས་སུ་མཆི་བར་འགྱུར་བའི་ལས་མངོན་པར་འདུ་བགྱིད་པ་ལྟ་ག་ལ་མཆིས་ལགས། བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། བྲག་ཅ་དེ་ལ་ལམ་བསྒོམ་པ་གང་
D10.031.0141b05.01ལ་བརྟེན་ནས། ཀུན་ནས་ཉོན་མོངས་པར་ཡང་མི་འགྱུར་ལ། རྣམ་པར་བྱང་བར་ཡང་མི་འགྱུར་བའི་ལམ་བསྒོམ་པ་འགའ་ཞིག་ཡོད་སྙམའམ། གསོལ་པ། བཅོམ་ལྡན་འདས་བྲག་ཅ་དེ་ཉིད་ཀྱང་གཏན་མ་མཆིས་ལགས་ན། དེ་ལ་ལམ་བསྒོམ་པ་གང་ལ་བརྟེན་ནས། ཀུན་
D10.031.0141b06.01ནས་ཉོན་མོངས་པར་ཡང་མི་འགྱུར་ལ། རྣམ་པར་བྱང་བར་ཡང་མི་འགྱུར་བའི་ལམ་བསྒོམ་པ་ལྟ་ག་ལ་མཆིས་ལགས། བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། སྨིག་རྒྱུ་ལ་ཆུ་མེད་པར་ཆུར་འདུ་ཤེས་པ་དང་། ཀླུང་མེད་པར་ཀླུང་དུ་འདུ་ཤེས་པ་དང་། གྲོང་ཁྱེར་མེད་པར་
D10.031.0141b07.01