完整藏文原文 · 德格版页 当前仅加载第 31 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ན་ལྷའི་བུ་གང་དག་འདོད་པའི་ཡོན་ཏན་ལྔ་རྒྱས་པ་དེ་དག་གིས་ལྷག་པར་མོས་པ་དེ་དག་གི་གཞལ་མེད་ཁང་འབར་བར་བྱས་ནས་གྲོགས་པོ་དག་འདུ་བྱེད་ཐམས་ཅད་ནི་མི་རྟག་པ་ཡིན་ན། སུ་ཞིག་འདུ་བྱེད་རྣམས་ལ་ཡིད་རྟོན་ཅིང་འདུག་ཅེས་ཆོས་སྟོན་པ་དག་མཐོང་ངོ་། །རབ་འབྱོར་གཞན་
D10.031.0070a01.01ཡང་འདི་ལ་ངས་སངས་རྒྱས་ཀྱི་སྤྱན་གྱིས་རྣམ་པར་བལྟས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན་སུ་དག་བྲམ་ཟེའི་ལྟ་བ་ལ་མངོན་པར་ཞེན་པ་དེ་དག་ལ། ཀྱེ་གྲོགས་པོ་དག་ཆོས་ཐམས་ཅད་སྟོང་པ་ལ་ཇི་ལྟར་ལྟ་བ་བསྐྱེད། ཆོས་
D10.031.0070a02.01ཐམས་ཅད་གསོབ་དང་། གསོག་ཡིན་པ་ལ་ཇི་ལྟར་ལྟ་བ་བསྐྱེད་ཅེས་ལྟ་བ་དེ་དག་ལས་འབྱེད་པ་དག་མཐོང་ངོ་། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་ལ་གནས་ནས་སེམས་ཅན་རྣམས་ལ་ཆོས་སྟོན་ཏེ། རབ་འབྱོར་འདི་ནི་བྱང་ཆུབ་སེམས་དཔའ་སེམས་དཔའ་
D10.031.0070a03.01ཆེན་པོ་རྣམས་ཀྱི་ངོ་མཚར་རྨད་དུ་བྱུང་བའི་ཆོས་ཡིན་ནོ། །རབ་འབྱོར་འདི་ལ་ངས་སངས་རྒྱས་ཀྱི་སྤྱན་གྱིས་རྣམ་པར་བལྟས་ན་ཤར་ཕྱོགས་ཀྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་མི་རྣམས་བསྡུ་བའི་དངོས་པོ་བཞིས་སྡུད་
D10.031.0070a04.01པར་བྱེད་དེ། བཞི་གང་ཞེ་ན། སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་འཐུན་པས་སྡུད་པར་བྱེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་སྦྱིན་པས་སེམས་ཅན་རྣམས་སྡུད་པར་བྱེད་ཅེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་
D10.031.0070a05.01ཆེན་པོས་ཇི་ལྟར་ཟང་ཟིང་གི་སྦྱིན་པ་དང་། ཆོས་ཀྱི་སྦྱིན་པ་དང་། སྦྱིན་པ་རྣམ་པ་གཉིས་ཀྱིས་སེམས་ཅན་རྣམས་སྡུད་པར་བྱེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པས་ཇི་ལྟར་སེམས་ཅན་རྣམས་སྡུད་ཅེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་
D10.031.0070a06.01ཆེན་པོས་གསེར་རམ། དངུལ་ལམ། ནོར་བུའམ། མུ་ཏིག་གམ། བཻ་དཱུརྱའམ། དུང་ངམ། མན་ཤེལ་ལམ། བྱུ་རུའམ། ཟས་སམ། སྐོམ་འམ། གོས་སམ། བཞོན་པའམ། མལ་ཆའམ། སྟན་ནམ། སྤོས་སམ། མེ་ཏོག་ཕྲེང་ངམ། མར་མེའམ། སྐྱེས་པའམ།
D10.031.0070a07.01