完整藏文原文 · 德格版页 当前仅加载第 31 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འདུ་ཤེས་ཅན་ལ་འཐུན་པའི་བཟོད་པ་མཆིས་ལགས་སམ། དཀར་པོ་རྣམ་པར་མཐོང་བའི་ས་དང་། རིགས་ཀྱི་ས་དང་། བརྒྱད་པའི་ས་དང་། མཐོང་བའི་ས་དང་། བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པ་ཅན་གྱི་ས་དང་། རང་སངས་རྒྱས་
D10.031.0038a01.01ཀྱི་ས་དང་། བྱང་ཆུབ་སེམས་དཔའི་ས་དང་། ལམ་བསྒོམ་པ་མཆིས་ལགས་སམ། ལམ་བསྒོམ་པ་ལ་བརྟེན་ནས་ཉན་ཐོས་དང་ལྡན་པའམ། རང་སངས་རྒྱས་དང་ལྡན་པའི་ཉོན་མོངས་པ་རྣམས་ཀྱང་སྤོང་བར་འགྱུར་ལགས་སམ། ཉོན་མོངས་པ་དེ་དག་གིས་བསྒྲིབས་ན་ནི་བྱང་ཆུབ་སེམས་དཔའི་སྐྱོན་མ་
D10.031.0038a02.01མཆིས་པ་ལ་འཇུག་པར་ཡང་མི་འགྱུར་ལ། བྱང་ཆུབ་སེམས་དཔའི་སྐྱོན་མ་མཆིས་པ་ལ་མ་ཞུགས་པར་ཡང་རྣམ་པ་ཐམས་ཅད་མཁྱེན་པ་ཉིད་ཐོབ་པར་མི་འགྱུར། རྣམ་པ་ཐམས་ཅད་མཁྱེན་པ་ཉིད་མ་ཐོབ་པར་ཡང་བག་ཆགས་ཀྱི་མཚམས་སྦྱོར་བ་དང་། ཉོན་མོངས་པ་ཐམས་ཅད་སྤོང་བར་མི་འགྱུར་ལགས་སོ། །
D10.031.0038a03.01བཅོམ་ལྡན་འདས་གལ་ཏེ་ཆོས་འགའ་ཙམ་གྱིས་གནས་པ་དང་སྐྱེ་བ་ཡང་མ་མཆིས་ན་ནི། ཆོས་མ་བསྐྱེད་པ་དེ་དག་གིས་རྣམ་པ་ཐམས་ཅད་མཁྱེན་པ་ཉིད་ཐོབ་པར་ཡང་རྔོ་མི་ཐོགས་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་
D10.031.0038a04.01སྩལ་ཏོ། །རབ་འབྱོར་དེ་དེ་བཞིན་ནོ། །རབ་འབྱོར་དེ་དེ་བཞིན་ཏེ། དངོས་པོ་མེད་པའི་འདུ་ཤེས་ཅན་ལ་ནི་འཐུན་པའི་བཟོད་པ་ཡང་མེད་དོ། །དེ་བཞིན་དུ་སྦྱར་ཏེ། བག་ཆགས་ཀྱི་མཚམས་སྦྱོར་བ་ཐམས་ཅད་སྤོང་བའི་བར་དུ་མེད་དོ། །གསོལ་པ། བཅོམ་ལྡན་འདས་ཅི་བྱང་ཆུབ་སེམས་དཔའ་
D10.031.0038a05.01སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ། དངོས་པོའི་འདུ་ཤེས་སམ། དངོས་པོ་མ་མཆིས་པའི་འདུ་ཤེས་སམ། གཟུགས་ཀྱི་འདུ་ཤེས་ནས་རྣམ་པར་ཤེས་པའི་འདུ་ཤེས་ཀྱི་བར་རམ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འདུ་ཤེས་སམ། འདོད་ཆགས་ཀྱི་འདུ་
D10.031.0038a06.01ཤེས་སམ། འདོད་ཆགས་སྤོང་བའི་འདུ་ཤེས་སམ། ཞེ་སྡང་གི་འདུ་ཤེས་སམ། ཞེ་སྡང་སྤོང་བའི་འདུ་ཤེས་སམ། གཏི་མུག་གི་འདུ་ཤེས་སམ། གཏི་མུག་སྤོང་བའི་འདུ་ཤེས་སམ། མ་རིག་པའི་འདུ་ཤེས་སམ། མ་རིག་པ་སྤོང་བའི་འདུ་ཤེས་སམ། འདུ་བྱེད་ཀྱི་འདུ་ཤེས་སམ།
D10.031.0038a07.01