完整藏文原文 · 德格版页 当前仅加载第 31 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཕགས་ཤིང་ཟག་པ་མེད་པ་མ་ཡིན་ནམ། གསོལ་པ། བཅོམ་ལྡན་འདས་དེ་དེ་ལྟ་ལགས་སོ། །བདེ་བར་གཤེགས་པ་དེ་དེ་ལྟ་ལགས་ཏེ། དེ་བཞིན་གཤེགས་པ་ནི་འཕགས་ཤིང་ཟག་པ་མི་མངའ་བ་ལགས་སོ། །བཀའ་སྩལ་པ། རབ་འབྱོར་ཇི་དེ་བཞིན་
D10.031.0130a01.01གཤེགས་པ་དུད་འགྲོའི་སྐྱེ་གནས་སུ་གཏོགས་པའི་སྲོག་ཆགས་སུ་མངོན་པར་སྤྲུལ་པ་མཛད་ཅིང་། དེར་མངོན་པར་སྤྲུལ་ནས་ཀྱང་། སངས་རྒྱས་ཀྱི་མཛད་པ་མི་མཛད་དམ། གསོལ་པ། བཅོམ་ལྡན་འདས་མཛད་ལགས་སོ། །བཀའ་སྩལ་པ། རབ་འབྱོར་ཇི་འོ་ན་དེ་
D10.031.0130a02.01བཞིན་གཤེགས་པ་དུད་འགྲོའི་སྐྱེ་གནས་པར་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། རབ་འབྱོར་ཇི་དེ་བཞིན་གཤེགས་པས་དུད་འགྲོའི་སྐྱེ་གནས་པའི་སྡུག་བསྔལ་ཉམས་སུ་མྱོང་བར་འགྱུར་རམ། གསོལ་པ། བཅོམ་ལྡན་
D10.031.0130a03.01འདས་དེ་ནི་མ་ལགས་སོ། །བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཕགས་པའི་ཆོས་དཀར་པོ་ཟག་པ་མེད་པ་དང་ལྡན་ཡང་བསམས་བཞིན་དུ་དེ་ལྟ་བུའི་ལུས་ཡོངས་སུ་འཛིན་པར་བྱེད་ཅིང་། ལུས་དེས་ཇི་རིགས་ཇི་
D10.031.0130a04.01ཚུལ་དུ་སེམས་ཅན་རྣམས་ཡོངས་སུ་སྨིན་པར་བྱེད་དོ། །རབ་འབྱོར་འདི་ཇི་སྙམ་དུ་སེམས། དགྲ་བཅོམ་པས་སྤྲུལ་པ་ཞིག་མངོན་པར་སྤྲུལ་ན། སྤྲུལ་པ་དེ་དགྲ་བཅོམ་པའི་ལས་བྱེད་ཅིང་། ལས་དེས་གཞན་དག་དགའ་བ་སྐྱེ་བར་འགྱུར་སྙམ་འམ། གསོལ་པ། བཅོམ་ལྡན་འདས་
D10.031.0130a05.01དེ་དེ་ལྟ་ལགས་སོ། །བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཕགས་པའི་ཆོས་དཀར་པོ་ཟག་པ་མེད་པ་དང་ལྡན་ཡང་དེ་ལྟ་བུའི་ལུས་ཡོངས་སུ་འཛིན་ཏེ། ལུས་དེས་སེམས་ཅན་རྣམས་ཀྱི་དོན་བྱེད་ཀྱང་། ལུས་དེ་ལྟ་བུ་དེས་སྡུག་བསྔལ་
D10.031.0130a06.01བ་ཡང་མེད་ལ། སྡུག་བསྔལ་གྱི་ཚོར་བ་ཉམས་སུ་མྱོང་བར་འགྱུར་བ་ཡང་མེད་དོ། །རབ་འབྱོར་འདི་ཇི་སྙམ་དུ་སེམས། སྒྱུ་མ་མཁན་གྱིས་སྒྱུ་མའི་གླང་པོ་ཆེའི་གཟུགས་སམ། རྟའི་གཟུགས་སམ། བ་ལང་གི་གཟུགས་དག་བསྟན་ཏམ། སྲོག་ཆགས་ཀྱི་གཟུགས་རྣམ་པ་སྣ་ཚོགས་
D10.031.0130a07.01