完整藏文原文 · 德格版页 当前仅加载第 31 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཅན་དག་འདི་སྙམ་དུ། ཀྱེ་མ་མི་འདིས་ཇི་ཙམ་དུ་འདི་ལྟ་སྟེ། གཟུགས་རྣམ་པ་སྣ་ཚོགས་དག་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་སྐུའི་བར་དག་བསྟན་པས་སྐྱེ་བོ་འདི་དག་ཡང་དག་པར་འཛིན་ཅིང་། ཅི་ནས་ཀྱང་མཛེས་དགུ་ཤ་སྟག་བྱེད་པ་ནི་
D10.031.0097a01.01ཤིན་ཏུ་ལེགས་པར་བསླབས་པ་ཡིན་ནོ་སྙམ་དུ་ཤེས་སོ། །དེ་ན་མི་གང་དག་མཁས་པའི་རང་བཞིན་ཅན། གསལ་ཞིང་ཡིད་གཞུངས་ལ་གཟུགས་དེ་དག་ལ་དཔྱོད་པ་དང་ལྡན་པ་དེ་དག་ནི་འདི་སྙམ་དུ་འདི་ལ་ཆོས་གང་ཡང་དམིགས་སུ་མེད་ན། མི་འདིས་ཡོད་པ་མ་ཡིན་པའི་ཆོས་རྣམས་ཀྱིས་སྐྱེ་
D10.031.0097a02.01བོའི་ཚོགས་འདི་དག་དགའ་བར་བྱེད་པ་དང་། འདི་ལྟར་འདི་ནི་དེ་དག་ལ་སྐྱེ་བོ་འདི་དག་ནི་རྫས་མེད་པ་ལ་རྫས་སུ་འདུ་ཤེས་པ་ཡིན་ནོ་སྙམ་པའི་ཤེས་པ་འབྱུང་བ་ནི་ངོ་མཚར་རྨད་དུ་བྱུང་བའི་ཆོས་ཡིན་ནོ་སྙམ་མོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་
D10.031.0097a03.01ཕ་རོལ་ཏུ་ཕྱིན་པ་ལ་སྤྱོད་པ་ཡང་ཆོས་ཀྱི་དབྱིངས་སུ་མ་གཏོགས་པའི་ཆོས་གཞན་གང་ཡང་མི་མཐོང་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། སེམས་ཅན་དང་སེམས་ཅན་དུ་གདགས་པ་ཡང་མི་དམིགས་མོད་ཀྱི། དེ་ཐབས་ལ་མཁས་པ་དང་ལྡན་པས་བདག་ཀྱང་སྦྱིན་པ་སྦྱིན་པར་བྱེད་ལ།
D10.031.0097a04.01གཞན་དག་ཀྱང་སྦྱིན་པ་ལ་སྦྱོར་བར་བྱེད་ཅིང་། སྦྱིན་པའི་བསྔགས་པ་ཡང་བརྗོད་ལ། གཞན་གང་དག་སྦྱིན་པ་སྦྱིན་པར་བྱེད་པ་དེ་དག་གི་བསྔགས་པ་ཡང་རྗོད་ཅིང་རྗེས་སུ་དགའ་བར་བྱེད་དོ། །བདག་ཀྱང་ཚུལ་ཁྲིམས་སྲུང་བར་བྱེད། བདག་ཀྱང་བཟོད་པ་སྒོམ་པར་བྱེད། བདག་ཀྱང་
D10.031.0097a05.01བརྩོན་འགྲུས་རྩོམ་པར་བྱེད། བདག་ཀྱང་བསམ་གཏན་ལ་མཉམ་པར་འཇོག་པར་བྱེད། བདག་ཀྱང་ཤེས་རབ་སྒོམ་པར་བྱེད་ལ། གཞན་དག་ཀྱང་ཤེས་རབ་ལ་སྦྱོར་བར་བྱེད་ཅིང་། ཤེས་རབ་ཀྱི་བསྔགས་པ་ཡང་བརྗོད་ལ། གཞན་གང་དག་ཤེས་རབ་སྒོམ་པར་བྱེད་པ་དེ་དག་གི་
D10.031.0097a06.01བསྔགས་པ་ཡང་རྗོད་ཅིང་རྗེས་སུ་དགའ་བར་བྱེད་དོ། །དེ་བཞིན་དུ་སྦྱར་ཏེ། བདག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་འཛིན་ལ། གཞན་དག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་འཇུག་ཅིང་། རྗེས་སུ་དགའ་བར་བྱེད་དོ། །བདག་ཀྱང་བསླབ་པའི་གཞི་
D10.031.0097a07.01