完整藏文原文 · 德格版页 当前仅加载第 31 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་ནི་མངོན་པར་རྫོགས་པར་འཚང་རྒྱ་བར་མི་དཀའ་སྟེ། ཕྱིན་ཅི་ལོག་གིས་རྨོངས་པའི་སེམས་ཀྱིས་མ་རྟོགས་པ་མ་གཏོགས་པར་གང་ལ་སེམས་ཅན་རྣམས་ཆགས་པའི་ཆོས་གང་ཡང་ངོ་བོ་ཉིད་ཀྱིས་ཡོད་པ་མ་ཡིན་གྱིས། དེའི་ཕྱིར་ཁྱེད་ཅག་གིས་ཕྱིན་ཅི་
D10.031.0116a01.01ལོག་ཏུ་འཛིན་པ་ཐམས་ཅད་སྤོངས་ལ། བདག་ཀྱང་འཁོར་བ་ལས་ཐར་བར་གྱིས་ཤིག །གཞན་དག་ཀྱང་ཐར་བར་གྱིས་ཤིག །དེ་ལྟར་ཁྱེད་ཅག་གིས་བདག་ཅག་ཀྱང་དོན་ཆེ་བར་གྱིས་ལ། གཞན་དག་ཀྱང་དོན་ཆེན་པོ་ལ་སྦྱོར་བར་གྱིས་ཤིག་ཅེས། རབ་འབྱོར་དེ་ལྟར་བྱང་ཆུབ་
D10.031.0116a02.01སེམས་དཔའ་སེམས་དཔའ་ཆེན་པོས་སྦྱིན་པའི་ཕ་རོལ་ཏུ་ཕྱིན་པ་ལ་སྤྱད་པར་བྱ་སྟེ། དེ་ལྟར་སྤྱོད་པའི་ཚེ་སེམས་དང་པོ་བསྐྱེད་པ་ནས་བཟུང་སྟེ། གཞན་ཡང་ངན་སོང་དུ་མི་ལྟུང་བ་དང་། ནམ་ཡང་འཁོར་ལོས་སྒྱུར་བའི་རྒྱལ་པོ་མི་བྱེད་པར་མི་འགྱུར་བ་དེ་ལྟར་སྤྱོད་དོ། །དེ་ཅིའི་
D10.031.0116a03.01ཕྱིར་ཞེ་ན། ས་བོན་ཅི་འདྲ་བ་འབྲས་བུ་ཡང་དེ་འདྲ་བའི་ཕྱིར་རོ། །འཁོར་ལོས་སྒྱུར་བ་དེའི་དྲུང་དུ་སློངས་མོ་པ་གང་དག་ལྷགས་ན། འཁོར་ལོས་སྒྱུར་བའི་རྒྱལ་པོ་དེ་འདི་སྙམ་དུ་སེམས་ཏེ། བདག་གིས་འཁོར་ལོས་སྒྱུར་བའི་རྒྱལ་སྲིད་ཡོངས་སུ་བཟུང་བ་ནི་སེམས་ཅན་
D10.031.0116a04.01རྣམས་ཀྱི་དོན་མ་གཏོགས་པར་གཞན་གྱི་ཕྱིར་མ་ཡིན་ནོ་སྙམ་ནས། དེ་འདི་སྐད་དུ་གང་ཅི་འདོད་པ་དེ་དག་ཁྱེད་ཅག་ལ་བྱིན་ཟིན་གྱིས། དེའི་ཕྱིར་འདི་ནི་ཁྱེད་ཀྱི་ཡིན་གྱི་ངའི་མ་ཡིན་ནོ། །ང་ནི་ནང་གི་གཟུགས་འདི་ཡང་དོན་དུ་གཉེར་བ་མ་ཡིན་ན་གཞན་དག་ལྟ་ཅི་སྨོས་ཏེ།
D10.031.0116a05.01ངས་སེམས་ཅན་ཐམས་ཅད་ཀྱི་དོན་དུ་འཁོར་བ་ཡོངས་སུ་བཟུང་བ་མ་གཏོགས་པར། ང་ནི་འཁོར་བ་དོན་དུ་གཉེར་བ་མ་ཡིན་ནོ་ཞེས་ཟེར་ཏེ། དེ་སྙིང་རྗེ་བས་སྙིང་རྗེ་ཆེན་པོ་ཡོངས་སུ་རྫོགས་པར་བྱས་ནས། ཇི་ཙམ་དུ་སྙིང་རྗེ་ཆེན་པོ་ཡོངས་སུ་རྫོགས་པར་བྱས་ཤིང་། སེམས་ཅན་
D10.031.0116a06.01རྣམས་ཀྱི་དོན་བྱེད་ཀྱང་མིང་དང་བཏགས་པ་དང་། བརྡས་ཐ་སྙད་འདོགས་པ་མ་གཏོགས་པར་གང་དག་ཡོངས་སུ་གྲུབ་པར་འགྱུར་བ་དེ་ལྟ་བུའི་སེམས་ཅན་དག་མི་དམིགས་ཏེ། ཐ་སྙད་དེ་ཡང་བྲག་ཅ་ལྟ་བུར་ཐ་སྙད་མེད་པར་རིག་པར་བྱའོ། །རབ་འབྱོར་བྱང་ཆུབ་སེམས་དཔའ་སེམས་
D10.031.0116a07.01