完整藏文原文 · 德格版页 当前仅加载第 31 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
བུད་མེད་དམ། རྟའམ། བ་ལང་ངམ། གླང་པོ་ཆེའམ། བདག་གི་ཤ་སྦྱིན་པར་བྱེད་པ་ན་འདི་སྐད་དུ་ཀྱེ་མི་དག་ཚུར་ཤེག ། ཁྱེད་ཅི་འདོད་པ་བཞིན་དུ་ཁྱེད་ཉིད་ཀྱི་དང་འདྲ་བར་བསམ་པ་བཟང་པོས་དོགས་པ་མེད་པར་ཁྱེར་ཏེ། དེང་ཤིག་ཅེས་སྒྲ་སྒྲོགས་པར་བྱེད་དོ། །དེས་སྦྱིན་པ་དེ་བྱིན་ནས་སེམས་ཅན་དེ་དག་སངས་རྒྱས་
D10.031.0070b01.01ལ་སྐྱབས་སུ་འགྲོ་བར་བྱེད། ཆོས་ལ་སྐྱབས་སུ་འགྲོ་བར་བྱེད། དགེ་འདུན་ལ་སྐྱབས་སུ་འགྲོ་བར་བྱེད་དེ། ལ་ལ་དག་ནི་བསླབ་པའི་གཞི་ལྔ་འཛིན་དུ་འཇུག་གོ། །ལ་ལ་དག་ནི་གསོ་སྦྱོང་གི་ཡན་ལག་བརྒྱད་ཡང་དག་པར་འཛིན་དུ་འཇུག་གོ། །ལ་ལ་དག་ནི་དགེ་བ་བཅུའི་ལས་ཀྱི་ལམ་ལ་འགོད་པར་བྱེད་དོ། །ལ་ལ་
D10.031.0070b02.01དག་ནི་བསམ་གཏན་དང་པོ་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པའི་བར་དུ་འཛིན་དུ་འཇུག་གོ། །ལ་ལ་དག་ནི་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཡང་དག་པར་འཛིན་དུ་འཇུག་གོ། །ལ་ལ་དག་ནི་སངས་རྒྱས་རྗེས་སུ་དྲན་པ་དང་། ཆོས་
D10.031.0070b03.01རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། ལྷ་རྗེས་སུ་དྲན་པ་དང་། ལ་ལ་དག་ནི་ལུས་ལ་སོ་སོར་རྟོག་པ་མི་སྡུག་པའི་འདུ་ཤེས་ལ་སོགས་པ་ལ་སྦྱོར་རོ། །ལ་ལ་དག་ནི་རྣམ་པར་དག་པ་ལ། ལ་ལ་དག་ནི་དྲན་པ་ཉེ་
D10.031.0070b04.01བར་གཞག་པ་བཞི་ལ། ལ་ལ་དག་ནི་ཡང་དག་པར་སྤོང་བ་བཞི་ལ། ལ་ལ་དག་ནི་རྫུ་འཕྲུལ་གྱི་རྐང་པ་བཞི་ལ། ལ་ལ་དག་ནི་དབང་པོ་ལྔ་ལ། ལ་ལ་དག་ནི་སྟོབས་ལྔ་ལ། ལ་ལ་དག་ནི་བྱང་ཆུབ་ཀྱི་ཡན་ལག་བདུན་ལ། ལ་ལ་དག་ནི་འཕགས་པའི་ལམ་ཡན་ལག་བརྒྱད་པ་ལ།
D10.031.0070b05.01ལ་ལ་དག་ནི་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཏིང་ངེ་འཛིན་ལ། ལ་ལ་དག་ནི་རྣམ་པར་ཐར་པ་བརྒྱད་ལ། ལ་ལ་དག་ནི་མཐར་གྱིས་གནས་པའི་སྙོམས་པར་འཇུག་པ་དགུ་ལ། ལ་ལ་དག་ནི་དེ་བཞིན་གཤེགས་པའི་སྟོབས་བཅུ་དང་། མི་འཇིགས་
D10.031.0070b06.01པ་བཞི་དང་། སོ་སོ་ཡང་དག་པར་རིག་པ་བཞི་ལ། ལ་ལ་དག་ནི་བྱམས་པ་ཆེན་པོ་ལ། ལ་ལ་དག་ནི་སྙིང་རྗེ་ཆེན་པོ་ལ། ལ་ལ་དག་ནི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ལ། ལ་ལ་དག་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལ། ལ་ལ་དག་ནི་དཔེ་བྱད་བཟང་པོ་བརྒྱད་ཅུ་ལ།
D10.031.0070b07.01