完整藏文原文 · 德格版页 当前仅加载第 31 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་བར་དག་ཡོངས་སུ་འཛིན་
D10.031.0119b01.01པར་བྱེད་ཅེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་རྣམས་ལ་ཡོ་བྱད་དག་སྦྱིན་པར་བྱེད་དེ། ཡོ་བྱད་དེ་དག་གིས་ཡོངས་སུ་བསྡུས་པའི་སེམས་ཅན་རྣམས་ནི་དྲན་པ་ཉེ་བར་གཞག་པ་བཞི་སྒོམ་པར་བྱེད་དོ། །ཡང་དག་པར་སྤོང་
D10.031.0119b02.01བ་བཞི་སྒོམ་པར་བྱེད་དོ། །རྫུ་འཕྲུལ་གྱི་རྐང་པ་བཞི་སྒོམ་པར་བྱེད་དོ། །དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དག་སྒོམ་པར་བྱེད་དོ། །ལམ་དེས་ཡོངས་སུ་ཟིན་པར་གྱུར་པ་ནི། འཁོར་བ་ཇི་སྙེད་
D10.031.0119b03.01པ་ལས་ཡོངས་སུ་ཐར་བར་འགྱུར་ཏེ། རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཟག་པ་མེད་པའི་ཆོས་རྣམས་ཀྱིས་སེམས་ཅན་རྣམས་ཡོངས་སུ་འཛིན་པར་བྱེད་པ་ཡིན་ནོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་
D10.031.0119b04.01ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ། སེམས་ཅན་མགོན་མེད་པ་སྡུག་བསྔལ་བ། ཟས་དང་སྐོམ་གྱིས་ཕོངས་པ་དག་མཐོང་ན། འདི་ལྟར་ཡོངས་སུ་སྨིན་པར་བྱེད་དེ། རིགས་ཀྱི་བུ་དག་ཚུར་ཤོག །ཁྱེད་ཅག་ང་ལས་ཟས་དང་། སྐོམ་དང་། གོས་དང་བཞོན་
D10.031.0119b05.01པ་དང་། མལ་ཆ་དང་། སྟན་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། རིན་པོ་ཆེ་སྣ་བདུན་དང་། ཡོ་བྱད་གང་ཡང་རུང་བའི་བར་དག་ལོང་ལ། སེམས་ཅན་རྣམས་ལ་ཕན་ཐོགས་ཤིག་དང་། དེ་ནི་ཁྱེད་ཅག་ལ་ཡུན་རིང་པོའི་དོན་དང་། ཕན་པ་དང་བདེ་བར་
D10.031.0119b06.01འགྱུར་རོ། །འདི་ནི་ངའི་དོན་ཡིན་གྱི། ཁྱེད་ཅག་གི་མ་ཡིན་ནོ། །སྙམ་དུ་བསམ་པར་མི་བྱ་བར་འདི་ནི་བདག་གིས་ཡུན་རིང་པོ་ནས་སེམས་ཅན་རྣམས་ཀྱི་དོན་དུ་བསྒྲུབས་པ་ཡིན་ནོ་སྙམ་དུ་དེ་ལྟར་ཁྱེད་ཀྱིས་བདག་རང་གི་ཡིན་ནོ་སྙམ་དུ་སེམས་ལ་སེམས་ཅན་རྣམས་ལ་སྦྱིན་པ་
D10.031.0119b07.01