完整藏文原文 · 德格版页 当前仅加载第 31 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
མང་བའི་སྔ་ལྟས་ཡིན་ནོ། །སྟན་དང་། གོས་དང་། བགོ་བ་རྣམས་དང་། ཁང་{བཟངས་,བཟང་}དང་། གཞལ་མེད་ཁང་དང་། གནས་བཟང་པོ་དག་གི་སྦྱིན་པ་བྱས་པས་ན་མདོག་གསེར་འདྲ་བ་དང་། པགས་པ་སྲབ་པར་གྱུར་ཏེ། དེ་གཉིས་ནི་སྟན་དང་། གོས་དང་། བགོ་བ་རྣམས་
D10.031.0079a01.01དང་། ཁང་{བཟངས་,བཟང་}དང་། གཞལ་མེད་ཁང་དང་། གནས་བཟང་པོ་དག་འཐོབ་པའི་སྔ་ལྟས་ཡིན་ནོ། །འདུ་འཛི་སྤངས་པ་དང་། མཁན་པོ་དང་། སློབ་དཔོན་དང་། ཕ་མ་དང་། ཕུ་ནུ་ལ་སོགས་པ་བླ་མ་རྣམས་ཇི་ལྟར་རིགས་པའི་གནས་སུ་བཀོད་ཅིང་རིམ་གྲོ་བྱས་པ་དང་། སྦྱིན་པ་བྱིན་པ་
D10.031.0079a02.01དང་། མགུ་བར་བྱས་པས་ན་སྤུ་རེ་རེ་ནས་སྐྱེ་ཞིང་གཡས་སུ་འཁྱིལ་པ་དང་། ཞལ་ལ་མཛོད་སྤུའི་མཚན་མངའ་བར་གྱུར་ཏེ། དེ་གཉིས་ནི་ཟླ་མེད་པའི་སྔ་ལྟས་ཡིན་ནོ། །མུ་ཅོར་མི་སྨྲ་ཞིང་གཞན་ལ་མི་སྨོད་པ་དང་། སྙན་པར་སྨྲ་བ་དང་། ལེགས་པར་སྨྲས་པ་ལ་རྗེས་སུ་འཐུན་པར་བྱེད་པ་དང་། སེང་
D10.031.0079a03.01གེའི་སྒྲ་དང་འཐུན་པར་སྨྲ་བས་ན་རོ་སྟོད་སེང་གེའི་འདྲ་བ་དང་། དཔུང་མགོ་ལེགས་པར་གྲུབ་པར་གྱུར་ཏེ། དེ་གཉིས་ནི་མི་ཆོམས་པའི་སྔ་ལྟས་ཡིན་ནོ། །ནད་པ་རྣམས་ལ་རྩི་དང་། གཡོག་འཁོར་དང་། སྨན་དང་འཐུན་པའི་ཁ་ཟས་བྱིན་ཞིང་རིམ་གྲོ་བྱས་པས་ན་ཐལ་གོང་རྒྱས་པ་དང་། རོ་བྲོ་
D10.031.0079a04.01བ་མཁྱེན་པར་གྱུར་ཏེ། དེ་གཉིས་ནི་གནོད་པ་མི་མངའ་བའི་སྔ་ལྟས་ཡིན་ནོ། །ཀུན་དགའ་ར་བ་དང་། འདུན་ས་དང་། བསིལ་ཁང་དང་། ཁྲོན་པ་དང་། བགྲོད་དཀའ་བར་ཟམ་པ་གདགས་པ་དང་། ཁ་ཟས་དང་། མེ་ཏོག་ཕྲེང་དང་། གཙུག་ལག་ཁང་དང་། འདུག་གནས་ལ་སོགས་
D10.031.0079a05.01པ་བྱ་བ་ལ་ཐོག་མར་འགྲོ་ཞིང་གཞན་དག་ཀྱང་སྤྲོ་བ་བསྐྱེད་པ་དང་། གཞན་དག་ལ་ལྷག་པར་བྱིན་པས་ན་ཤིང་ནྱ་གྲོ་དྷ་ལྟར་ཆུ་ཞེང་གབ་པ་དང་། དབུ་གཙུག་ཏོར་དང་ལྡན་པར་གྱུར་ཏེ། དེ་གཉིས་ནི་མངའ་དབང་ཆེན་པོ་བརྙེས་པའི་སྔ་ལྟས་ཡིན་ནོ། །ཡུན་རིང་པོ་ནས་འཇམ་ཞིང་སྙན་པ་དང་།
D10.031.0079a06.01མཉེན་པའི་ཚིག་བརྗོད་པས་ན་ལྗགས་རིང་ཞིང་སྲབ་པ་དང་། ཚངས་པའི་དབྱངས་དང་ལྡན་པར་གྱུར་ཏེ། དེ་གཉིས་ནི་གསུང་གི་ལམ་ཡན་ལག་ལྔ་དང་ལྡན་པའི་དབྱངས་བརྙེས་པའི་སྔ་ལྟས་ཡིན་ནོ། །གསུང་གི་ལམ་ཡན་ལག་ལྔ་དང་ལྡན་པའི་དབྱངས་ནི་ཀུན་ཏུ་ཤེས་པར་བྱ་ཞིང་རྣམ་པར་
D10.031.0079a07.01