完整藏文原文 · 德格版页 当前仅加载第 31 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་མ་བྱུང་ཡང་རུང་སྟེ། ཆོས་རྣམས་ཀྱི་ཆོས་ཉིད་དང་། དེ་བཞིན་ཉིད་དང་། མ་ནོར་བ་དེ་བཞིན་ཉིད་འདི་ནི་གནས་པ་སྟེ། དེ་ལ་བདག་ཀྱང་མེད། སེམས་ཅན་ཡང་མེད། སྲོག་ཀྱང་མེད་གང་ཟག་ཀྱང་མེད། བྱེད་པ་པོ་ཡང་མེད། བྱེད་དུ་འཇུག་པ་
D10.031.0114a01.01པོ་ཡང་མེད་ན། དེ་ལ་གཟུགས་ལྟ་ག་ལ་ཡོད། ཚོར་བ་དང་། འདུ་ཤེས་དང་། འདུ་བྱེད་རྣམས་ལྟ་ཡང་ག་ལ་ཡོད། རྣམ་པར་ཤེས་པ་ལྟ་ཡང་ག་ལ་ཡོད་དེ། མེད་ཅིང་ཡོད་པ་མ་ཡིན་པའི་ཆོས་དེ་དག་ལ་གང་ལས། སེམས་ཅན་རྣམས་ཡོངས་སུ་ཐར་བར་བྱ་བའི་འགྲོ་
D10.031.0114a02.01བ་ལྔའི་འཁོར་བ་ལྟ་ཡང་ཡོད་པར་ག་ལ་འགྱུར་ཏེ། ཤཱ་རིའི་བུ་དེའི་ཕྱིར་ཆོས་འདི་དག་ནི་དེ་ལྟར་རང་བཞིན་གྱིས་སྟོང་པ་ཉིད་ཡིན་ནོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོས་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
D10.031.0114a03.01ལས་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཞུགས་ཏེ་གང་ལ་བྱིས་པ་སོ་སོའི་སྐྱེ་བོ་ཕྱིན་ཅི་ལོག་གིས་རྨོངས་པར་གྱུར་པ་རྣམས་མངོན་པར་ཞེན་པ་མ་གཏོགས་པར་གང་ལ་མོས་པར་ནུས་པའི་ཆོས་ཀྱི་ངོ་བོ་ཉིད་གང་ཡང་དམིགས་སུ་མེད་དོ། །བྱང་ཆུབ་སེམས་
D10.031.0114a04.01དཔའ་སེམས་དཔའ་ཆེན་པོ་ནི་དེ་ལྟར་གོ་ཆ་གང་བགོས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་། བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱ་བར་མི་བྱའི། བདག་གིས་ནི་བླ་ན་མེད་པ་
D10.031.0114a05.01ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་སྙམ་པ་དང་། མངོན་པར་རྫོགས་པར་སངས་རྒྱས་ནས་ཀྱང་དོན་གང་གིས་སེམས་ཅན་རྣམས་ཕྱིན་ཅི་ལོག་ལས་ཡོངས་སུ་ཐར་བར་འགྱུར་བ་དེ་ལྟ་བུའི་ཆོས་ཀྱིས་སེམས་ཅན་རྣམས་ཀྱི་དོན་བྱའོ་ཞེས་དེ་ལྟ་
D10.031.0114a06.01བུའི་གོ་ཆ་བགོས་པ་ཡིན་ནོ། །ཤཱ་རིའི་བུ་འདི་ལྟ་སྟེ་དཔེར་ན། སྒྱུ་མ་མཁན་གྱིས་སྤྲུལ་པའི་མི་ཞིག་གིས་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་མང་པོ་དག་ཅིག་སྤྲུལ་ནས། དེ་སྤྲུལ་པ་དེ་དག་ལ་བཟའ་བ་དང་། བཅའ་བ་ཉམས་སུ་བསོད་པ་མང་པོ་དག་སྟོབས་ཤིང་ཚིམ་པར་བྱེད་
D10.031.0114a07.01