完整藏文原文 · 德格版页 当前仅加载第 31 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཇི་ལྟར་སྦྱིན་པ་སྦྱིན་ཡང་དེ་ལ་གཉིས་ཀྱི་འདུ་ཤེས་ཅན་དུ་ཡང་མི་འགྱུར་བ་ལགས། དེ་བཞིན་དུ་དཔེ་བྱད་བཟང་པོ་བརྒྱད་ཅུའི་བར་དུ་ཡང་མངོན་པར་སྒྲུབ་ལ། དེ་ལ་གཉིས་ཀྱི་འདུ་
D10.031.0048b01.01ཤེས་ཅན་དུའང་མི་འགྱུར་བ་ལགས། བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ཅིང་། དེས་སྦྱིན་པའི་ཕ་རོལ་ཏུ་ཕྱིན་པ་དེའི་ནང་དུ་ཕ་རོལ་ཏུ་ཕྱིན་པ་དྲུག་པོ་ཐམས་ཅད་
D10.031.0048b02.01འདུས་པར་བྱས་ནས། སྦྱིན་པ་སྦྱིན་པར་བྱེད་དོ། །དེ་བཞིན་དུ་བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱེད་ཅིང་ལམ་གྱི་བར་གྱི་ནང་དེར། ཕ་རོལ་ཏུ་ཕྱིན་པ་དྲུག་པོ་ཐམས་ཅད་འདུས་པར་བྱས་ཏེ་ལམ་སྒོམ་པར་བྱེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
D10.031.0048b03.01ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་གང་གི་ཚེ་སྦྱིན་པ་སྦྱིན་པ་ན་ཟག་པ་མེད་པའི་སེམས་དེ་ལ་གནས་ནས་སྦྱིན་པ་སྦྱིན་པར་བྱེད་དོ། །དེ་ཟག་པ་མེད་པའི་སེམས་དེ་ལ་གནས་ཏེ། བདག་གིས་སུ་ཞིག་ལ་སྦྱིན་པར་བྱ། ཅི་ཞིག་སྦྱིན་པར་བྱ། སུ་ཞིག་སྦྱིན་པར་བྱེད་སྙམ་པའི་མཚན་མ་ཡང་ཡང་དག་
D10.031.0048b04.01པར་རྗེས་སུ་མི་མཐོང་ངོ་། །དེ་མཚན་མ་དང་བྲལ་བའི་སེམས་དང་། ཟག་པ་དང་བྲལ་བ་དང་། སྲེད་པ་དང་བྲལ་བ་དང་། མ་རིག་པ་དང་བྲལ་བའི་སེམས་ཀྱིས་སྦྱིན་པ་སྦྱིན་པར་བྱེད་དོ། །དེས་སེམས་དེའང་མི་མཐོང་ལ། དེས་སྦྱིན་པ་དེ་ཡང་ཡང་དག་པར་རྗེས་སུ་མི་མཐོང་ངོ་། །ཆོས་ཐམས་ཅད་ཀྱི་
D10.031.0048b05.01བར་དུ་ཡང་ཡང་དག་པར་རྗེས་སུ་མི་མཐོང་ངོ་། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། མཚན་མ་དང་བྲལ་བའི་སེམས་ཀྱིས་ཚུལ་ཁྲིམས་སྲུང་སྟེ། ཚུལ་ཁྲིམས་དེ་ཡང་ཡང་དག་པར་རྗེས་སུ་མི་མཐོང་། ཆོས་ཐམས་ཅད་ཀྱི་བར་
D10.031.0048b06.01དུ་ཡང་ཡང་དག་པར་རྗེས་སུ་མི་མཐོང་ངོ་། །མཚན་མ་དང་བྲལ་བའི་སེམས་ཀྱིས་བཟོད་པ་བསྒོམ་སྟེ། བཟོད་པ་དེ་ཡང་ཡང་དག་པར་རྗེས་སུ་མི་མཐོང་ངོ་། །ཆོས་ཐམས་ཅད་ཀྱི་བར་དུ་ཡང་ཡང་དག་པར་རྗེས་སུ་མི་མཐོང་། སངས་རྒྱས་ཀྱི་ཆོས་དེ་དག་ཀྱང་ཡང་དག་པར་རྗེས་སུ་མི་མཐོང་ངོ་། །མཚན་
D10.031.0048b07.01