完整藏文原文 · 德格版页 当前仅加载第 31 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་ལ་འགོད་དོ། །དགྲ་བཅོམ་པ་ཉིད་ཀྱི་བར་ལ་དགོད་པར་བྱ་བ་གང་ཡིན་པ་དེ་དག་ནི་དགྲ་བཅོམ་པ་ཉིད་ལ་འགོད་དོ། །རང་བྱང་ཆུབ་ལ་དགོད་པར་བྱ་བ་གང་ཡིན་པ་དེ་དག་ནི་རང་བྱང་ཆུབ་ལ་འགོད་དོ། །བྱང་ཆུབ་ལ་དགོད་པར་བྱ་བ་གང་ཡིན་པ་དེ་དག་ནི་བྱང་ཆུབ་ལ་འགོད་དེ། རབ་
D10.031.0031a01.01འབྱོར་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་གྱི་རྣམ་པ་ཤེས་པ་ཉིད་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལ་བསླབས་ནས་སེམས་ཅན་གྱི་བསམ་པ་ལ་འཇུག་གོ། །སེམས་ཅན་གྱི་བསམ་པ་ལ་ཞུགས་ནས་ཅི་ནས་དེའི་ཆོས་བསྟན་པ་ཆུད་མི་ཟ་ཞིང་དོན་ཡོད་པར་འགྱུར་བ་དེ་ལྟ་བུར་
D10.031.0031a02.01ཆོས་སྟོན་ཏོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཕ་རོལ་གྱི་དབང་པོ་མཆོག་དང་མཆོག་མ་ཡིན་པ་ཤེས་པ་ཤིན་ཏུ་བྱེ་བྲག་ཕྱེད་ཅིང་། ཤིན་ཏུ་རྟོགས་པ་ཡིན་པའི་ཕྱིར་ཏེ། དེས་ནི་སེམས་ཅན་རྣམས་ཀྱི་འགྲོ་བ་དང་། འོང་བ་དང་། འཆི་འཕོ་དང་། སྐྱེ་བ་ཡང་དག་པ་ཇི་ལྟ་བ་བཞིན་དུ་ཤེས་སོ། །རབ་འབྱོར་
D10.031.0031a03.01བྱང་ཆུབ་ཀྱི་ཕྱོགས་ཀྱི་ཆོས་གང་དག་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བསླབ་པར་བྱ་བ་དང་། ཉན་ཐོས་རྣམས་དང་། རང་སངས་རྒྱས་རྣམས་ཀྱིས་བསླབ་པར་བྱ་བའི་ལམ་ཐམས་ཅད་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདིའི་ནང་དུ་འདུས་པས་ན་བྱང་ཆུབ་སེམས་དཔའ་སེམས་དཔའ་
D10.031.0031a04.01ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་བྱང་ཆུབ་ཀྱི་ཕྱོགས་ཀྱི་ཆོས་རྣམས་གང་ལགས་པ་དང་། བྱང་ཆུབ་གང་ལགས་པའི་ཆོས་དེ་དག་
D10.031.0031a05.01ལྡན་པ་ཡང་མ་ལགས། མི་ལྡན་པ་ཡང་མ་ལགས་ལ། གཟུགས་ཅན་ཡང་མ་ལགས། བསྟན་དུ་ཡང་མ་མཆིས། ཐོགས་པར་ཡང་མ་མཆིས་ཏེ། འདི་ལྟར་མཚན་ཉིད་མ་མཆིས་པར་མཚན་ཉིད་གཅིག་པ་ལགས་ན། བཅོམ་ལྡན་འདས་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཇི་ལྟར་བྱང་ཆུབ་
D10.031.0031a06.01སྒྲུབ་པར་འགྱུར། བཅོམ་ལྡན་འདས་ལྡན་པ་ཡང་མ་ལགས། མི་ལྡན་པ་ཡང་མ་ལགས། གཟུགས་ཅན་ཡང་མ་ལགས། བསྟན་དུ་ཡང་མ་མཆིས། ཐོགས་པ་ཡང་མ་མཆིས་ཏེ། འདི་ལྟར་མཚན་ཉིད་མ་མཆིས་པར་མཚན་ཉིད་གཅིག་པའི་ཆོས་ནི་གང་ལ་ཡང་སྒྲུབ་པའམ། འཇིག་པར་
D10.031.0031a07.01