完整藏文原文 · 德格版页 当前仅加载第 31 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
འོང་བ་མེད་ཅིང་། གང་དུ་ཡང་འགྲོ་བ་མེད་པ་དེ་ལྟར་རྣམ་པར་ཤེས་པའི་སྐྱེ་བ་དང་འཇིག་པ་རབ་ཏུ་ཤེས་སོ། །རྣམ་པར་ཤེས་པའི་དེ་བཞིན་ཉིད་ཇི་ལྟར་རབ་ཏུ་ཤེས་ཞེ་ན། ཚོར་བའི་དེ་བཞིན་ཉིད་ཇི་ལྟ་བ་དེ་ལྟར་རྣམ་པར་ཤེས་པའི་དེ་བཞིན་ཉིད་རབ་ཏུ་ཤེས་ཏེ། དེ་ལྟར་ན་རྣམ་
D10.031.0093a01.01པར་ཤེས་པའི་དེ་བཞིན་ཉིད་རབ་ཏུ་ཤེས་པ་ཡིན་ནོ། །ཁམས་རྣམས་ཇི་ལྟར་ཤེས་ཞེ་ན། མིག་གི་ཁམས་ནི་མིག་གི་ཁམས་ཀྱི་ངོ་བོ་ཉིད་ཀྱིས་སྟོང་པ་དེ་ལྟར་མིག་གི་ཁམས་རབ་ཏུ་ཤེས་སོ། །གཟུགས་ཀྱི་ཁམས་ཇི་ལྟར་ཤེས་ཞེ་ན། གཟུགས་ཀྱི་ཁམས་ནི་གཟུགས་ཀྱི་ཁམས་ཀྱི་ངོ་
D10.031.0093a02.01བོ་ཉིད་ཀྱིས་སྟོང་པ་དེ་ལྟར་གཟུགས་ཀྱི་ཁམས་རབ་ཏུ་ཤེས་སོ། །མིག་གི་རྣམ་པར་ཤེས་པའི་ཁམས་ཇི་ལྟར་རབ་ཏུ་ཤེས་ཞེ་ན། མིག་གི་རྣམ་པར་ཤེས་པའི་ཁམས་ནི་མིག་གི་རྣམ་པར་ཤེས་པའི་ཁམས་ཀྱི་ངོ་བོ་ཉིད་ཀྱིས་སྟོང་པ་དེ་ལྟར་མིག་གི་རྣམ་པར་ཤེས་པའི་ཁམས་རབ་ཏུ་ཤེས་
D10.031.0093a03.01སོ། །རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་། ལུས་ཀྱི་ཁམས་དང་།
D10.031.0093a04.01རེག་བྱའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དང་། ཡིད་ཀྱི་ཁམས་ཇི་ལྟར་རབ་ཏུ་ཤེས་ཞེ་ན། ཡིད་ཀྱི་ཁམས་ནི་ཡིད་ཀྱི་ཁམས་ཀྱི་ངོ་བོ་ཉིད་ཀྱིས་སྟོང་པ་དེ་ལྟར་ཡིད་ཀྱི་ཁམས་རབ་ཏུ་ཤེས་སོ། །ཆོས་ཀྱི་ཁམས་ཇི་ལྟར་རབ་ཏུ་ཤེས་ཞེ་ན། ཆོས་ཀྱི་ཁམས་ནི་ཆོས་ཀྱི་
D10.031.0093a05.01ཁམས་ཀྱི་ངོ་བོ་ཉིད་ཀྱིས་སྟོང་པ་དེ་ལྟར་ཆོས་ཀྱི་ཁམས་རབ་ཏུ་ཤེས་སོ། །ཡིད་ཀྱི་རྣམ་པར་ཤེས་པའི་ཁམས་ཇི་ལྟར་རབ་ཏུ་ཤེས་ཞེ་ན། ཡིད་ཀྱི་རྣམ་པར་ཤེས་པའི་ཁམས་ནི་ཡིད་ཀྱི་རྣམ་པར་ཤེས་པའི་ངོ་བོ་ཉིད་ཀྱིས་སྟོང་པ་དེ་ལྟར་ཡིད་ཀྱི་རྣམ་པར་ཤེས་པའི་ཁམས་རབ་ཏུ་ཤེས་
D10.031.0093a06.01ཏེ། དེ་ལྟར་ན་ཁམས་{བཅྭ་,བཅོ་}བརྒྱད་རབ་ཏུ་ཤེས་པ་ཡིན་ནོ། །སྐྱེ་མཆེད་རྣམས་ཇི་ལྟར་རབ་ཏུ་ཤེས་ཞེ་ན། ནང་གི་སྐྱེ་མཆེད་རྣམས་ནི་ནང་གི་སྐྱེ་མཆེད་རྣམས་ཀྱིས་སྟོང་ལ། ཕྱིའི་སྐྱེ་མཆེད་རྣམས་ནི་ཕྱིའི་སྐྱེ་མཆེད་རྣམས་ཀྱིས་སྟོང་པ་དེ་ལྟར་སྐྱེ་མཆེད་རྣམས་རབ་ཏུ་ཤེས་སོ། །འཕགས་
D10.031.0093a07.01