完整藏文原文 · 德格版页 当前仅加载第 31 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེའི་ཉན་ཐོས་རྣམས་ཀྱི་ཁ་ཟས་རོ་བརྒྱ་དང་ལྡན་པ་དག་འབྱོར་པར་གྱུར་ཅིག་ཅེས་ཡོངས་སུ་སྔོ་བར་བྱེད་དོ། །རབ་འབྱོར་གཞན་ཡང་བྱང་
D10.031.0126a01.01ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་རྣམས་དང་། དེ་བཞིན་གཤེགས་པའི་ཉན་ཐོས་རྣམས་དང་། དེ་བཞིན་གཤེགས་པའི་སྐུ་གཟུགས་རྣམས་དང་། དེ་བཞིན་གཤེགས་པའི་མཆོད་རྟེན་དག་ལ་ལྷའི་བྱུག་པ་དག་འབུལ་ཞིང་། དེ་འདི་ལྟར་དགེ་
D10.031.0126a02.01བའི་རྩ་བ་འདིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེའི་སེམས་ཅན་རྣམས་ལྷའི་རེག་པ་ཕུན་སུམ་ཚོགས་པ་དང་ལྡན་པར་གྱུར་ཅིག་ཅེས་ཡོངས་སུ་སྔོ་བར་བྱེད་དོ། །རབ་འབྱོར་གཞན་ཡང་བྱང་
D10.031.0126a03.01ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་སེམས་ཏེ། ཡིད་ལ་བསམས་པ་ཙམ་ཉིད་ཀྱིས་སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་རྣམས་དང་། སེམས་ཅན་ཐམས་ཅད་ལ་འདོད་པའི་ཡོན་ཏན་ལྔ་པོ་གཟུགས་དང་སྒྲ་དང་། དྲི་དང་། རོ་དང་། རེག་
D10.031.0126a04.01བྱ་ཡིད་དུ་འོང་བ་དག་འབུལ་བར་གྱུར་ཅིག །སྙམ་དུ་སེམས་ཤིང་དེ་དག་ཕུལ་ནས་ཀྱང་། དེ་འདི་ལྟར་དགེ་བའི་རྩ་བ་འདིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེའི་ཉན་ཐོས་ཀྱི་དགེ་འདུན་
D10.031.0126a05.01ཐམས་ཅད་དང་། སེམས་ཅན་ཐམས་ཅད་ཀྱིས་ཡིད་ལ་བསམས་པ་ཙམ་གྱིས་འདོད་པའི་ཡོན་ཏན་ལྔ་པོ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཡིད་དུ་འོང་བ་དག་འབྱུང་བར་གྱུར་ཅིག་ཅེས་ཡོངས་སུ་སྔོ་བར་བྱེད་དོ། །རབ་འབྱོར་གཞན་ཡང་བྱང་ཆུབ་
D10.031.0126a06.01སེམས་དཔའ་སེམས་དཔའ་ཆེན་པོ་བདག་དང་སེམས་ཅན་ཐམས་ཅད་ལྷན་ཅིག་འགྲོགས་ཏེ། སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་རྣམས་ལ་འདོད་པའི་ཡོན་ཏན་ལྔ་པོ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཡིད་དུ་འོང་བའི་སྦྱིན་པ་དག་འབུལ་བར་
D10.031.0126a07.01