完整藏文原文 · 德格版页 当前仅加载第 31 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་། རྣམ་པར་ཤེས་པ་སྟེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། གལ་ཏེ་ཆོས་ཀྱི་དབྱིངས་སུ་མ་གཏོགས་པའི་ཆོས་འགའ་ཞིག་མཐོང་ན་ནི། བླ་ན་མེད་པ་ཡང་དག་པར་རྫོགས་པའི་
D10.031.0096a01.01བྱང་ཆུབ་ལ་གནས་པར་ཡང་མི་འགྱུར་བ་ཞིག་ན། འདི་ལྟར་ཆོས་ཐམས་ཅད་ཆོས་ཀྱི་དབྱིངས་ཡིན་ཏེ། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཐམས་ཅད་ཆོས་ཀྱི་དབྱིངས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །
D10.031.0096a02.01བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་དེ་དག་ཐམས་ཅད་ཆོས་ཀྱི་དབྱིངས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ནས་ཀྱང་། མིང་མེད་པའི་ཆོས་རྣམས་ལ་འདི་ནི་གཟུགས་སོ། །འདི་ནི་ཚོར་བའོ། །འདི་ནི་
D10.031.0096a03.01འདུ་ཤེས་སོ། །འདི་ནི་འདུ་བྱེད་རྣམས་སོ། །འདི་ནི་རྣམ་པར་ཤེས་པའོ། །ཞེས་བྱ་བ་དང་། དེ་བཞིན་དུ་སྦྱར་ཏེ། འདི་ནི་བྱང་ཆུབ་བོ་ཞེས་བྱ་བའི་བར་དུ་མིང་དང་བརྡས་སྟོན་པར་བྱེད་དོ། །རབ་འབྱོར་འདི་ལྟ་སྟེ་དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་
D10.031.0096a04.01མཁས་པ་ཞིག་གིས། རྫས་ཀྱི་རྣམ་པ་གང་ཡང་རུང་བ་ཞིག་ལ་བྱིན་གྱིས་བརླབས་ནས། གཟུགས་རྣམ་པ་སྣ་ཚོགས་འདི་ལྟ་སྟེ། བུད་མེད་ཀྱི་གཟུགས་སམ། སྐྱེས་པའི་གཟུགས་སམ། གླང་པོ་ཆེའི་གཟུགས་སམ། རྟའི་གཟུགས་སམ། གླང་གི་གཟུགས་སམ།
D10.031.0096a05.01སྐྱེད་མོས་ཚལ་ལམ། ཀུན་དགའ་ར་བ་ཉམས་དགའ་བ་དག་གམ། ཆུ་ཀླུང་ཉམས་དགའ་བ་དག་གམ། རྫིང་བུ་ཉམས་དགའ་བ་དག་ཉེ་བར་བསྟན་ཏེ། དེར་གདིང་བ་དང་། རོལ་དབྱམ་སྣ་ཚོགས་བཏིང་བ་དག་ཀྱང་ཉེ་བར་བསྟན་ནས། མེ་ཏོག་དང་། མེ་ཏོག་ཕྲེང་གི་
D10.031.0096a06.01ཡོན་ཏན་དང་། བཟའ་བ་དང་བཅའ་བ་དག་ཀྱང་ཀུན་ཏུ་བསྟན། གླུ་དབྱངས་དང་རོལ་མོ་མང་པོས་སྐྱེ་བོ་དགའ་བར་བྱེད་པ་དག་ཀྱང་ཀུན་དུ་བསྟན་ནས་སྦྱིན་པ་སྦྱིན་པར་བྱེད་པའམ། ཚུལ་ཁྲིམས་སྲུང་བའམ། བཟོད་པ་སྒྲུབ་པའམ། བརྩོན་འགྲུས་རྩོམ་པའམ། ཏིང་ངེ་
D10.031.0096a07.01