德格《甘珠尔》D8

ཀྱི་སྒོ་རྣམས་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པའི་སྟོབས་བཅུ་ཡོངས་སུ་རྫོགས་པར་འགྱུར་རོ། །{མྱི་,མི་}འཇིགས་པ་བཞི་ཡོངས་སུ་རྫོགས་པར་འགྱུར་རོ། །སོ་སོ་ཡང་དག་པར་རིག་པ་བཞི་ཡོངས་སུ་

རྫོགས་པར་འགྱུར་རོ། །སྙིང་རྗེ་ཆེན་པོ་ཡོངས་སུ་རྫོགས་པར་འགྱུར་རོ། །སངས་རྒྱས་ཀྱི་ཆོས་མ་འདྲེས་པ་{བཅྭོ་,བཅོ་}བརྒྱད་ཡོངས་སུ་རྫོགས་པར་འགྱུར་རོ། །དེ་ཆེད་དུ་བསམས་ཏེ་ལུས་ཡོངས་སུ་འཛིན་པར་འགྱུར་རོ། །ལུས་དེ་དག་གིས་

སེམས་ཅན་ཡོངས་སུ་སྨིན་པར་བགྱིད་པར་འགྱུར་ཏེ། འཁོར་ལོས་སྒྱུར་བའི་ལུས་སམ། རྒྱལ་རིགས་ཆེ་ཞིང་མཐོ་བ་འམ། བྲམ་ཟེའི་རིགས་ཆེ་ཞིང་མཐོ་བ་འམ། ཁྱིམ་བདག་གི་རིགས་ཆེ་ཞིང་མཐོ་བར་སྐྱེས་པའི་ལུས་སམ། བརྒྱ་བྱིན་གྱི་གཟུགས་

སམ། ཚངས་པའི་གཟུགས་སམ། ངལ་བསོ་པོའི་གཟུགས་ཀྱང་རུང་སྟེ། ལུས་དེ་དག་གིས་སེམས་ཅན་ཡོངས་སུ་སྨིན་པར་བགྱིད་པར་འགྱུར་རོ། །ཉན་ཐོས་ཀྱིས་དང་རང་སངས་རྒྱས་ཀྱིས་ལས་འདས་ཏེ། བྱང་ཆུབ་སེམས་དཔའི་སྐྱོན་

{མྱེད་,མེད་}པར་འཇུག་པར་འགྱུར་རོ། །བྱང་ཆུབ་སེམས་དཔའི་སྐྱོན་{མྱེད་,མེད་}པར་ཞུགས་ནས། །བྱང་ཆུབ་སེམས་དཔའི་མངོན་པར་ཤེས་པ་འཐོབ་པར་འགྱུར་རོ། །བྱང་ཆུབ་སེམས་དཔའི་མངོན་པར་ཤེས་པ་ཐོབ་ནས། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་

དུ་མཆི་བར་འགྱུར་རོ། །བཅོམ་ལྡན་འདས་དེ་བས་ན་བདག་ནི་དེ་བཞིན་གཤེགས་པའི་སྐུ་གདུང་ལ་རིམ་གྲོ་མ་མཆིས་པ་ཡང་མ་ལགས། གློ་བ་མཆེས་པ་ཡང་མ་མཆིས། མཆོད་པར་{མྱི་,མི་}འཚལ་བ་ཡང་མ་ལགས། གཟུང་བར་{མྱི་,མི་}

འཚལ་བ་ཡང་མ་ལགས་ཏེ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། རིགས་ཀྱི་བུ་འམ་རིགས་ཀྱི་བུ་མོ་རྣམས་ཀྱིས། རིམ་གྲོ་དང་། བཀུར་སྟི་དང་། ཕུ་དུད་དང་། མཆོད་པ་བགྱིས་ན། སངས་རྒྱས་ཀྱི་ཆོས་