德格《甘珠尔》D8

ལ་སློབ་བོ། །{མྱི་,མི་}འཇིགས་པ་རྣམས་ལ་སློབ་བོ། །སོ་སོ་ཡང་དག་པར་རིག་པ་རྣམས་ལ་སློབ་བོ། །བྱམས་པ་ཆེན་པོ་ལ་སློབ་བོ། །སྙིང་རྗེ་ཆེན་པོ་ལ་སློབ་བོ། །སངས་རྒྱས་ཀྱི་ཆོས་མ་འདྲེས་པ་རྣམས་ལ་སློབ་བོ། །རྒྱུན་ཏུ་ཞུགས་

པའི་འབྲས་བུ་ལ་སློབ་བོ། །ལན་ཅིག་ཕྱིར་འོང་བའི་འབྲས་བུ་ལ་སློབ་བོ། །ཕྱིད་{མྱི་,མི་}འོང་བའི་འབྲས་བུ་ལ་སློབ་བོ། །དགྲ་བཅོམ་པ་ཉིད་ལ་སློབ་བོ། །རང་བྱང་ཆུབ་ལ་སློབ་བོ། །ལམ་གྱི་རྣམ་པ་ཤེས་པ་ཉིད་ལ་སློབ་བོ། །རྣམ་པ་ཐམས་ཅད་མཁྱེན་པ་

ཉིད་ལ་སློབ་བོ། །ལྷའི་བུ་དག་དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་{མྱི་,མི་}འབྲལ་བར་སྤྱོད་པ་ནི། དེ་བཞིན་གཤེགས་པ་ཉིད་ཅེས་བྱ་སྟེ། ལྷའི་བུ་དག་གང་གི་ཚེ། ང་དེ་བཞིན་གཤེགས་པ་དགྲ་

བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཀྱི་ཞམ་འབྲིང་བྱེད་ཅིང་། རྒྱལ་པོའི་ཁབ་པདྨོ་ཡོད་པའི་ནང་གི་ཚོང་དུས་ཀྱི་དབུས་ན་འདུག་པའི་ཚེ། སྦྱིན་པའི་ཕ་{རོལད་,རོལ་}ཏུ་{ཕྱིནད་,ཕྱིན་}པ་དང་བྲལ་བར་མ་གྱུར་ཏོ། །ཚུལ་ཁྲིམས་ཀྱི་ཕ་རོལ་

ཏུ་ཕྱིན་པ་དང་བྲལ་བར་མ་གྱུར་ཏོ། །བཟོད་པའི་ཕ་རོལ་ཏུ་ཕྱིན་པ་དང་བྲལ་བར་མ་གྱུར་ཏོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་བྲལ་བར་མ་གྱུར་ཏོ། །བསམ་གཏན་གྱི་ཕ་རོལ་ཏུ་ཕྱིན་པ་དང་བྲལ་བར་མ་གྱུར་ཏོ། །ཤེས་རབ་ཀྱི་ཕ་རོལ་ཏུ་{ཕྱིནད་,ཕྱིན་}

པ་དང་བྲལ་བར་མ་གྱུར་ཏོ། །ནང་སྟོང་པ་ཉིད་དང་བྲལ་བར་མ་གྱུར་ཏོ། །ཕྱི་སྟོང་པ་ཉིད་དང་བྲལ་བར་མ་གྱུར་ཏོ། །ཕྱི་ནང་སྟོང་པ་ཉིད་དང་བྲལ་བར་མ་གྱུར་ཏོ། །སྟོང་པ་ཉིད་སྟོང་པ་ཉིད་དང་བྲལ་བར་མ་གྱུར་ཏོ། །ཆེན་པོ་སྟོང་པ་ཉིད་དང་བྲལ་བར་

མ་གྱུར་ཏོ། །དོན་དམ་པ་སྟོང་པ་ཉིད་དང་བྲལ་བར་མ་གྱུར་ཏོ། །འདུས་བྱས་སྟོང་པ་ཉིད་དང་བྲལ་བར་མ་གྱུར་ཏོ། །འདུས་མ་བྱས་སྟོང་པ་ཉིད་དང་བྲལ་བར་མ་གྱུར་ཏོ། །མཐའ་ལས་འདས་པ་སྟོང་པ་ཉིད་དང་བྲལ་བར་མ་གྱུར་ཏོ། །ཐོག་མ་དང་