完整藏文原文 · 德格版页 当前仅加载第 97 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་དམ། །བཅོམ་ལྡན་འདས་ཡོན་ཏན་ཀུན་གྱི་འབྱུང་གནས་ངོ་བོ་ཉིད་དག་པས་དེ་སྐད་ཅེས་གསུངས་སོ། །གྲོགས་པོ་དག་གཞན་ཡང་འདི་ལྟ་སྟེ། ཡོད་མཐོང་སྣང་གྲགས་ཆོས་སོ་ཅོག །ཐ་དད་སྣ་ཚོགས་མཐའ་ཡས་ཀྱང་། །རང་བཞིན་མ་བཅོས་དེ་
D829.097.0283a01.01བཞིན་ཉིད། །མ་བསྒྲིབས་འོད་གསལ་རྣམ་དག་ཞིང་། །བཅོམ་ལྡན་འདས་དྲི་མེད་སྒྲ་ངོ་བོ་ཉིད་དག་པས་དེ་སྐད་ཅེས་གསུངས་སོ། །དེ་བཞིན་དུ་འདི་ལྟ་སྟེ། ཀུན་དུ་བཟང་པོའི་ཡེ་ཤེས་འདི། །སུས་ཀྱང་མ་བྱས་རང་འབྱུང་སྟེ། །ཐམས་ཅད་འབྱུང་བའི་རྩ་བས་ན། །རང་ལས་
D829.097.0283a02.01བྱུང་བའི་དཀྱིལ་འཁོར་རྫོགས། །བཅོམ་ལྡན་འདས་དཀོན་མཆོག་སྤྲིན་ངོ་བོ་ཉིད་དག་པས་འདི་སྐད་ཅེས་གསུངས་སོ། །གཞན་ཡང་དགོངས་པ་རྣམ་པར་བཤད་པ་ནི་འདི་ལྟ་སྟེ། ཡེ་ནས་མ་བཅོས་ཇི་བཞིན་པ། །ཆོས་སོ་ཅོག་གི་སྙིང་བོ་སྟེ། །མེད་པ་ལས་བྱུང་སྣ་ཚོགས་སྣང་། །
D829.097.0283a03.01སྣང་མེད་དེ་བཞིན་དཀྱིལ་འཁོར་རྫོགས། །བཅོམ་ལྡན་འདས་བཀོད་པའི་འབྱུང་གནས་ངོ་བོ་ཉིད་དག་པས་དེ་སྐད་ཅེས་གསུངས་སོ། །གཞན་ཡང་འདི་ལྟ་སྟེ། རང་འབྱུང་རིག་པའི་སེམས་ཉིད་ཀྱིས། །མ་བཅོས་ཆོས་ཉིད་དབྱིངས་ཀྱི་དོན། །ལྷུན་གྲུབ་ཐབས་དང་ཤེས་རབ་ལས། །ཡང་
D829.097.0283a04.01དག་རང་བཞིན་དཀྱིལ་འཁོར་གསལ། །བཅོམ་ལྡན་འདས་སེང་གེ་སྒྲ་ངོ་བོ་ཉིད་དག་པས་དེ་སྐད་ཅེས་གསུངས་སོ། །གཞན་ཡང་བཅོམ་ལྡན་འདས་མཛེས་པའི་ཏོག་ངོ་བོ་ཉིད་དག་པས་གསུངས་པ། འཇིག་རྟེན་འཇིག་རྟེན་འདས་པ་ཡི། །བདེ་དང་མི་བདེ་རྣམ་པ་ཀུན། །དེ་བཞིན་ཉིད་དུ་རོ་
D829.097.0283a05.01གཅིག་པས། །ཚོར་བ་བདེ་སྡུག་གང་ཡང་མེད། །ཅེས་གསུངས་སོ། །གཞན་ཡང་བཅོམ་ལྡན་འདས་མཛེས་པའི་རྒྱན་ངོ་བོ་ཉིད་དག་པས་འདི་སྐད་དུ། དེ་བཞིན་ཉིད་དུ་དོན་བསྟན་དུ། །དེ་བཞིན་ཉིད་དུ་ཀུན་གཅིག་པས། །གང་གིས་གང་ལ་གང་ཞིག་བསྟན། །ཉིད་ལ་ཉིད་གླེང་ཁོ་
D829.097.0283a06.01ནར་ཟད། །ཅེས་གསུངས་སོ། །གཞན་ཡང་བཅོམ་ལྡན་འདས་རྒྱལ་པོ་ངོ་བོ་ཉིད་དག་པས་འདི་སྐད་དུ། དེ་བཞིན་ཉིད་ཀྱི་དབྱིངས་ཉིད་ལ། །དུས་གསུམ་དུས་བཞིར་མི་རིགས་ཏེ། །ཡེ་ཤེས་རིག་པའི་ཁྱད་པར་ལས། །སྐད་ཅིག་བསྐལ་པ་དེ་སྐད་ཅིག །ཅེས་གསུངས་སོ། །གཞན་
D829.097.0283a07.01