完整藏文原文 · 德格版页 当前仅加载第 97 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་སྟོན། །ཇི་ལྟར་ནམ་མཁའ་ཞིག་འགྱུར་ན། །དེ་ཚེ་མྱ་ངན་འདའ་བར་འགྱུར། །གང་དག་གདུག་པ་མ་རུངས་པ། །བདག་མེད་སྟོང་པའི་སྟོབས་ཀྱིས་འདུལ། །རང་བཞིན་འོད་གསལ་སྤྲོས་བྲལ་བའི། །བསྟན་པ་རྒྱ་མཚོའང་དེ་ཉིད་པས། །རང་
D829.097.0094b01.01འབྱུང་སེང་གེ་རྩལ་ཅན་གྱིས། །ཀུན་དུ་འབར་ཞིང་སྣང་བར་བྱེད། །བསླབ་པ་ལྷག་པའི་སེམས་ཉིད་པས། །བསྒྲུབ་པ་ཀུན་གྱི་མཆོག་འདི་ནི། །ས་རབ་སྣང་བ་ཕྱིས་འབྱུང་བའི། །འགྲོ་བ་ལུས་ཀྱི་སེམས་དཔའ་འཛིན། །མཐའ་ཐུག་མེད་པའི་སེམས་
D829.097.0094b02.01ཅན་རྣམས། །བྱང་ཆུབ་སྙིང་པོར་ཡེ་གནས་པས། །དེ་བཞིན་ཉིད་དུ་རྒྱུད་དེས་ཕྱིར། །ཀུན་ཀྱང་མི་སློབ་དེ་ལུང་སྟོན། །སེམས་ཉིད་ཡོད་དང་མེད་དོ་ཞེས། །བྱིས་པ་རྣམས་ནི་རྩོད་པར་བྱེད། །མཁས་པ་ཡེ་ནས་རྩོད་དང་བྲལ། །ཡོད་མེད་རྟོག་པའི་ཚིག་
D829.097.0094b03.01མི་བརྗོད། །ང་ཡི་གསང་སྔགས་གསང་བ་འདི། །སངས་རྒྱས་ཀུན་གྱི་གསང་ཡིན་ཕྱིར། །གང་མི་དཔོགས་པར་གཞན་དཔགས་པས། །གསང་བར་སྒྲ་གཅིག་ཐ་དད་འབྱུང་། །དམ་པ་རྣམས་ཀྱི་གསང་ལུང་འདི། །གང་དག་མི་ཤེས་རྨོངས་འཕྱར་བས། །
D829.097.0094b04.01དུག་དང་བདུད་རྩིར་རྗེ་བས་ནི། །ཕུང་བྱེད་གཉིས་ཀ་སྲེག་པར་འགྱུར། །ཀུན་གསལ་མེ་ལོང་འོད་པོ་ཆེ། །མ་འདྲེས་ཡོངས་རྫོགས་སྟོན་པ་དེ། །མཁའ་ལྟར་འཕོ་འགྱུར་མེད་པས་ན། །འཚེ་བའང་གློག་འགྱུ་སྤྲིན་བཞིན་མེད། །བྱང་ཆུབ་སྙིང་པོ་ཡོད་ཀྱི་
D829.097.0094b05.01བར། །དེ་སྲིད་བསྟན་པ་གནས་པ་ཡིན། །ཐོག་མ་ཐ་མ་མེད་པ་ནས། །བྱུང་བས་སྔ་ཕྱི་ཡོད་མ་ཡིན། །དང་པོ་མེད་ལས་བྱུང་བརྗོད་པས། །ཐ་མའང་བརྗོད་བྲལ་མེད་པར་འགྱུར། །གདུང་འཛིན་ཐོག་མའང་དེ་བཞིན་ཉིད། །ཐ་མའང་དེ་ལས་གཞན་མི་
D829.097.0094b06.01འགྱུར། །འདི་ནས་དེ་བཞིན་ཉིད་འདིར་གཤེགས། །བདལ་ཁྱབ་ཆེན་པོའི་ཞིང་ན་བཞུགས། །སེམས་ཀྱི་དཀྱིལ་འཁོར་འོད་གསལ་བ། །དེ་བཞིན་ཉིད་དུ་རྣམ་པར་སྣང་། །བྱིས་པའི་ཆེད་དུ་ཆོ་འཕྲུལ་ཞིག །མེ་ཏོག་བཀོད་པའི་འཇིག་རྟེན་ན། །མ་གྲགས་
D829.097.0094b07.01