完整藏文原文 · 德格版页 当前仅加载第 97 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བའི་ཞིང་ཁམས་དཔལ་དང་ལྡན་པ་ཞེས་བྱ་བ་རིན་པོ་ཆེའི་ཕུང་པོ་རྣམ་པར་བཀོད་པ་ན་བཻཌཱུརྱ་འོད་མཐོ་བ་ཞེས་བྱ་བའི་རི་བོ་ལ་སྐྱེས་བུ་ཆེན་པོ་རྡོ་རྗེ་རིན་ཆེན་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ། སེམས་ཀྱི་
D829.097.0087a01.01དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། ཡོངས་སུ་འདས་ནས་ཀྱང་ཇི་བཞིན་པར་བསྙད་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་འོད་དཔག་མེད་ཀྱི་ཞིང་ཁམས་པདྨ་ཅན་ཞེས་བྱ་
D829.097.0087a02.01བ་པདྨོ་མཛེས་པར་བཀོད་པ་ན། པདྨའི་ཕུང་པོའི་རི་བོ་ལ་སྐྱེས་བུ་ཆེན་པོ་ཆོས་ཀྱི་སྤྲིན་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ། སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་
D829.097.0087a03.01འཁོར་ལ་དེ་བཞིན་སྟོན་ཏེ། ཡོངས་སུ་འདས་ནས་ཀྱང་ཇི་ལྟ་བར་བསྙད་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་གདོན་མི་ཟ་བར་གྲུབ་པའི་ཞིང་ཁམས་རྣམ་པར་དག་པ་ཞེས་བྱ་བ་ཨིན་དྲ་ནཱི་ལའི་དྲ་བས་བརྒྱན་པ་ན་རིན་པོ་ཆེ་སྣ་ཚོགས་བཀོད་པའི་སྤོ་ཞེས་བྱ་བའི་
D829.097.0087a04.01རི་བོ་ལ་སྐྱེས་བུ་ཆེན་པོ་རྡོ་རྗེ་ལས་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ། །སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། ཡོངས་སུ་འདས་ནས་
D829.097.0087a05.01ཀྱང་མ་ནོར་བར་བརྟགས་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་རྣམ་པར་སྣང་མཛད་ཀྱི་ཞིང་ཁམས་བྱང་ཆུབ་ཀྱི་སྙིང་པོ་ཅན་ཞེས་བྱ་བ་སེམས་སྣ་ཚོགས་ཀྱིས་བརྒྱན་པ་ན་ཆོས་ཀྱིས་མཐོ་བ་ཞེས་བྱ་བའི་རི་བོ་ལ་སྐྱེས་བུ་ཆེན་པོ་རྡོ་རྗེ་འཛིན་པ་ཞེས་བྱ་བར་
D829.097.0087a06.01བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ། སེམས་ཀྱི་རང་བཞིན་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། ཡོངས་སུ་འདས་ནས་ཀྱང་དེ་ཁོ་ན་ཉིད་དུ་ངེས་པའི་སྒོ་ནས་དེ་རྣམ་པར་བགྲོ་བར་
D829.097.0087a07.01