完整藏文原文 · 德格版页 当前仅加载第 97 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཐུབ་པ་ཡིན་ནོ། །ལོངས་སྤྱོད་ནི་ཇི་ལྟར་བསམས་པ་བཞིན་དུ་འགྱུར་བ་ཡང་ཡོད། དཀའ་བས་འབྱོངས་པ་དང་མི་འབྱོངས་པ་ཡང་ཡོད། །ཀུན་ཀྱང་ལུང་བསྟན་པ་ཐོབ་པ་ཤ་སྟག་གོ། །སངས་རྒྱས་རྡོ་རྗེ་སེམས་དཔའི་མཚན་གང་གིས་ཐོས་པ་
D829.097.0101b01.01དེས་རྒྱལ་བ་མང་པོ་ལ་སྔོན་དུ་བྱ་བ་བྱས་པ་ཡིན་ནོ། །རྡོ་རྗེ་སེམས་དཔའི་ཞིང་ཁམས་ཉིད་དུ་ངེས་པར་འབྱུང་བ་ཡིན་ནོ། །རྒྱལ་བ་རྣམས་ཀྱིས་བྱིན་གྱིས་བརླབས་པ་ཡིན་ནོ། །ཐེག་པ་ཆེན་པོར་ངེས་པར་འབྱུང་བ་དག་ཡིན་ནོ། །མངོན་པར་ཤེས་པ་
D829.097.0101b02.01དག་དང་ལྡན་པ་ཡིན་ནོ། །སངས་རྒྱས་ཀྱི་སྲས་སུ་ངེས་པ་དག་ཡིན་ནོ། །ལྷག་མཐོང་གི་མིག་དང་ལྡན་པ་དག་ཡིན་ནོ། །ཀྱེ་ལང་ཀའི་བདག་པོ་དེའི་ཕྱིར་འཛམ་བུའི་གླིང་གཅིག་གི་སངས་རྒྱས་ཉག་གཅིག་འདི་མྱ་ངན་ལས་འདས་པ་ཡིན་ནོ། །དེ་བཞིན་དུ་རྡོ་རྗེ་
D829.097.0101b03.01སེམས་དཔའི་སྤྲུལ་པའི་སངས་རྒྱས་མཐའ་དག་ལ་མྱ་ངན་ལས་འདས་པ་ཡང་ཡོད་མ་འདས་པ་ཡང་ཡོད་དོ་ཞེས་སྨྲས་པས་ལུས་ཀྱི་སེམས་དཔའ་དེ་ཡིད་ཡོངས་སུ་རངས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྡོ་རྗེ་སེམས་
D829.097.0101b04.01དཔའི་ཆོ་འཕྲུལ་ཡོངས་སུ་བཀོད་པའི་ལེའུ་སྟེ་བདུན་པའོ།། །།དེ་ནས་ལང་ཀའི་བདག་པོས་དྲིས་པ། གསང་བ་པའི་བདག་པོ་རྡོ་རྗེ་སེམས་དཔའ་ཞེས་དངོས་གང་ལ་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་རྡོ་རྗེ་སེམས་
D829.097.0101b05.01དཔའ་ནི་སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་ཇི་བཞིན་པའི་དེ་ཁོ་ན་ལ་བྱའོ། །ལང་ཀའི་བདག་པོས་དྲིས་པ། ཀྱེ་གསང་བ་པའི་བདག་པོ་སེམས་ཀྱི་དཀྱིལ་འཁོར་ཞེས་བགྱི་བ་ནི་གང་། དེ་བཞིན་དུ་འོད་གསལ་བ་ཞེས་བྱ་བ་
D829.097.0101b06.01དང་། གསང་སྔགས་ཀྱི་ངོ་བོ་ཞེས་བྱ་བ་དང་། ཇི་བཞིན་པའི་དེ་བཞིན་པ་དེ་ཁོ་ན་ཉིད་ཅེས་གང་ལ་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་སེམས་ཞེས་བྱ་བ་ནི་མ་བྱས་མ་བཅོས་སྣ་ཚོགས་སུ་འབྱུང་བའོ། །དཀྱིལ་འཁོར་ཞེས་བྱ་
D829.097.0101b07.01