完整藏文原文 · 德格版页 当前仅加载第 97 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བར་ལྡན། །ཆུ་ནི་མཉེན་གསལ་སྣང་མཐའ་ཡས། །རླུང་ནི་ཀུན་འབྱེད་གདོན་མི་ཟ། །ལང་ཀའི་བདག་པོ་འདི་ལྟ་སྟེ། །གང་འདིར་སངས་རྒྱས་མེད་པ་ནི། །ཐམས་ཅད་སྟོང་པར་ཡེ་སངས་ཏེ། །དེས་ཁྱབ་མ་འདྲེས་སངས་རྒྱས་ཉིད། །
D829.097.0204a01.01མ་བཅོས་ཡེ་ནས་སངས་རྒྱས་པ། །འབྱུང་བ་ཆེན་པོ་བཅོམ་ལྡན་འདས། །ལང་ཀའི་བདག་པོ་དེ་དག་ནི། །འཁོར་ལོ་རྒྱུན་གྱི་ཐེག་པ་སྟེ། །ངང་གིས་རྒྱུན་གྱི་འཁོར་ལོར་འབྱུང་། །བརྟན་གཡོ་ཀུན་ལ་རང་བཞིན་གནས། །ལང་ཀའི་བདག་པོ་གཞན་ཡང་
D829.097.0204a02.01གང་། །དོན་དམ་ངེས་པའི་ཐེག་པ་ནི། །གསུམ་དུ་ངེས་པར་སྣང་བ་སྟེ། །ཀུན་འབྱུང་འདྲེན་དང་དཀའ་ཐུབ་རིག །དབང་སྒྱུར་ཐབས་ཀྱི་ཐེག་པའོ། །གང་འདིར་འདྲེན་པ་འདི་ལྟ་སྟེ། །ཡུལ་གསུམ་ངེས་པར་སྣང་བ་ནི། །ཐ་མ་འབྲིང་དང་རབ་ཏུ་སྣང་། །
D829.097.0204a03.01ཐ་མའི་ཡུལ་དུ་གྱུར་པ་ནི། །ཤིན་ཏུ་ཡ་ངའི་ལས་སྤངས་ཏེ། །ཡིད་འོང་འདུལ་བའི་ཚུལ་བཟུང་ནས། །རང་གི་རྩ་བ་དེར་བསྒྲུན་པ། །སོ་སོར་ཐར་པའི་ལམ་དུ་སྣང་། །འབྲིང་གི་ཡུལ་དུ་གྱུར་པ་ནི། །འདི་ཀུན་རྟེན་ཅིང་འབྲེལ་བྱུང་ལ། །བདག་མེད་ཆོས་
D829.097.0204a04.01གཅིག་མེད་མཐོང་བས། །བརྗོད་མེད་སྤྲུལ་པའི་ཆོས་རྣམས་སྟོན། །རང་གི་རྩལ་གྱིས་བདེར་གནས་པའོ། །རབ་ཀྱི་ཡུལ་དུ་གྱུར་པ་ནི། །བདག་མེད་བྱམས་སྙོམས་རྟོག་ལས་འདས། །ཡུལ་མེད་མ་སྐྱེས་ཕྱོགས་དང་བྲལ། །ས་དང་རྣམ་ཐར་བདེར་
D829.097.0204a05.01བསྒྲུན་པས། །དངོས་མེད་ངོ་བོ་ཉིད་སྐུ་ཐོབ། །ལང་ཀའི་བདག་པོ་གཞན་ཡང་གང་། །དཀའ་ཐུབ་རིག་བྱེད་ཐེག་པ་ནི། །འདི་ཡི་ཡུལ་གྱིས་གསུམ་ཉིད་དེ། །ཐ་མ་དག་ལ་སྣང་བ་ནི། །དཀའ་ཐུབ་སྡོམ་དང་བརྟུལ་ཞུགས་དག །མཉམ་ཉིད་མི་
D829.097.0204a06.01གཡོ་སྐྱེ་མེད་ལ། །བཀུར་འོས་འདུན་པའི་ཚུལ་བཟུང་ནས། །རིགས་ཀྱི་རྡོ་རྗེ་འཛིན་གནས་པའོ། །འབྲིང་ལ་རྣམ་པར་སྣང་བ་ནི། །བྱ་བ་དག་པའི་ལས་སྤྱད་དེ། །རྣལ་འབྱོར་ཏིང་འཛིན་མར་ལྡན་ན། །མི་གཡོའི་སེམས་པས་མངོན་སུམ་དུ། །རིགས་
D829.097.0204a07.01